Efeso 3
3
1Kwa ndawa iyi nenga Paolo, wakukungika wake Kristo Yesu, pa mihalo ya mwenga, — 2wona mukayufwini matendekeseko ga neema ya Mulungu iyi yikapeliwi nenga kwa mwenga; 3umu pa mafunukuliko kikamanyasiki kwa nenga kya kuhyetu, umu nikalembili palongolo pa malowe machoko, 4pakusoma baho muhotola kulola kuwalalila kwangu pa kya kuhyetu kyake Kristo; 5iki pa fihogosi fingi kikayili nukumanyisika kwa wana wa adam, umu hino kifunukulili maapostolo wawalafu wake na wakulweta pa Roho; 6kukita wa Mihuku wayii wakuyingilana lipwela, ni fipingili pamonga pa mbili, na wene lilundu lya kilago kya Kristo Yesu pa evangel, 7wa yiyila nikakitiki wakutumakila, kwa ndingo wa kya waka kya neema yila ya Mulungu yipeliwi nenga kwa ndingo wa kuhenga kwa mbafu yake. 8Kwa nenga, niyii nanchoko kulutila wawalafu woha, neema iyi yikapeliwi, kuwawandasila wa Mihuku kyuma kyangamanyika kya Kristo; 9na kuwamanyisa wandu woha kiki matendekeseko ga kya kuhyetu kila kifihiki kihumile pa miaka yoha pa Mulungu uyu akapangiti findu fyoha; 10nausi hino kimanyakike pa mautwa na machengo pandu pa kunani pa kanisa luhala lwa misafi‐misafi lwa Mulungu, 11kwa ndingo wa malango gawikiki kwa miaka gala agawikiti mwa Kristo Yesu Bambo witu: 12pa uyu tisindimala ni kuwandamila pa kuhuwalila pa kiyitakiso kitu kya pa yombe. 13Kwa iki niluwa kukita musisinduka pa mahumbuso gangu pa mihalo ya mwenga, gaga nagombe kukwisika kwinu.
14Kwa ndawa iyi nimfugamila Dadi mafugamilo gangu, 15kipitile pa uyu kidadi kiyi kyoha panani na pa ndima kikemeleka lihina, 16kukita awapele, kwa ndingo wa kyuma kya kukwisika kwake, nausi mukangamasike ni mbafu pa Roho wake pa umundu wa mgati; 17kukita Kristo ahwele mu mioyo yinu pa kiyitakiso: nausi mwenga pakutama mikiga ni wakupandika pa kiganano, 18muye wene makakala pa kuwalalila pamonga na wawalafu woha mkitando ni mkitali ni kubita kunani ni kugenda pasi, 19ni kupata kumanya kiganano kyake Kristo kila kilutila kumanya kuyi kwoha, nausi mufwilanasike pa kifwilanilo kyake Mulungu.
20Leka kwa uyu wakuhotola kukita kulutila fyoha ifi tifiluwila pangi tifihola, kwa ndingo wa mbafu yakuhenga mgati mwitu, 21kwa yombe kuye kukwisika pa kanisa ni pa Kristo Yesu, kwa fihogosi fyoha na kwa miaka ni miaka. Amen.
Currently Selected:
Efeso 3: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
