Kolosse 4
4
1Wabambo, mupeleke kya ugolofu ni kya malinga kwa wawanda winu; pakumanya kukita mwenga namu muyii nu Bambo kunani.
2Mutafukile pa kusali, pakuya miho mumu pa kusengusa; 3ni kusali bahalapala kwa tenga kawili, nausi Mulungu atidindulile ndyango wa lilowe, kulongela kya kuhyetu kyake Kristo, kwa ndawa yake niyii mu migoyi kawili; 4nausi nikilase pa kwelu, umu nilinganile kulongela. 5Mugendegende pa luhala kwa wala wakunja, kuhemela ngani lukumbi lwake. 6Kulongela kwinu kuye magono goha ni neema, kukitika kwa kuniamba nu mwinyu, mpate kumanya umu mulinganile kumhiga ayi yoha yumonga yumonga.
7Ndumi syangu syoha Tukiko ndongo witu wakuganika yaawamanyise kwinu, nuyombe wakutumakila wakukeleka ni mbanda njangu mwa Bambo: 8uyu nikantumiti kwinu ndawa ya iki kyene, nausi mupate kumanya matamilo gitu, ni kukita ayinyamase mioyo yinu; 9pamonga nu Onesimo, ndongo wakukeleka ni wakuganika, uyu ayii wa mwenga. Yawamanyise kwinu fyoha fya apa.
10Aristarko awalamusa mwenga, njangu wa mu migoyi, nu Marko, mwipa wa Barnaba (panani pa uyu mukayupiti luwimbi; “wona afika kwinu munkemelese”), 11nu Yesu, wakukemeleka Yusto, awa wakuya wa kusilimuka: awa wakape wakuhengelana pamonga nu nenga pa utwa wa Mulungu, wala nawombe wakayili wakuninyamasa. 12Epaphra, awalamusa, mundu wa kwinu, mbanda wa Kristo Yesu, pa lukumbi luyi lwoha agima pa mihalo ya mwenga pa sala, nausi mwiyimike wakumalakilana ni wakufwilanisa pa kukopeka pa kilondo kyoha kya Mulungu. 13Pakuya nindasa ulungamakiso kukita ayii na mahengo ga mahele pa mwenga, na pa wala wa pa Laodikea, na pa wala wa pa Hierapoli. 14Luka, nganga wakuganika, awalamusa nu Dema. 15Muwalamuse walongo wa pa Laodikea, nu Numpha, ni kanisa ili liyii pa nyumba yawe. 16Na apa epistola iyi yisomeke kwinu, mukite nausi yisomeke pa kanisa lya pa Laodikea kawili; ni yila ya Laodikea mwenga namu musome. 17Ni mujowe kwa Arkippo, Lolele lihengo lyakutumakila lila ukayupiti mwa Bambo, nausi ulifwilanise.
18Kulamusa kwa kiwoko kya nenga Paolo. Mukumbukile migoyi yangu. Neema yiye pamonga nu mwenga.
Currently Selected:
Kolosse 4: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
