I Thessalonike 1
1
1Paolo nu Silvano nu Timoteo, kwa kanisa lya waThessalonike mwa Mulungu Dadi nu Bambo Yesu Kristo: neema kwinu ni kindamba.
2Tinsengusa Mulungu magono goha ndawa ya mwenga mwawoha, kiluwulile pa sala situ; 3nakukotoka lepa kukumbukila lihengo linu lya kiyitakiso ni mahengo ginu ga kiganano ni liyumalakilo lya kihuwalilo mwa Bambo witu Yesu Kristo, palongolo pa Mulungu witu nu Dadi; 4pakumanya walongo, wakuganika nu Mulungu, 5kukita evangel yitu yikafiki lepa kwinu pa lilowe lyakape, koma pa mbafu kawili, ni mwa Roho Mbalafu, ni pa kifwilaniso kikulungu; umu mumanyila wandu wa ntundu wuli tiyilasiti tawete kwinu ndawa ya mwenga. 6Na mukakitiki wakuhwanangana nu tenga, nu Bambo, apa muliyupiti lilowe pa lihumbuso lingi, pamonga ni kuhekelela kwa Roho Mbalafu; 7mpaka mukakitiki kipimo kwa woha awa wakela pa Makedonia ni pa Akaya. 8Pakuya kuhuma pa mwenga lilowe lya Bambo likalindimili, nakuya pa Makedonia na Akaya pakape, koma pandu poha kiyitakiso kinu pa Mulungu kipititi; mpaka kwangalondeka kukita tilongele kandu. 9Pakukita wene pa tenga wawandisa kuyingila wuli tikayili nako kwa mwenga; na umu mukang’anamukili Mulungu kuhuma pa fifwilifwili, kutumakila Mulungu wakulama na wa chakaka, 10ni kundindalila Mwana mundu kipitile kunani, yula akansyusiti pa wakufwa, yuyu Yesu, wakutifuwula pa kudada kula kuyii mu kuhicha.
Currently Selected:
I Thessalonike 1: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
