II Yohana 1
1
1Nkulungu kwa dona wakuhagulika, na kwa wana mundu, awa niwagana pa fya chakaka; nu nukuya nenga nakape, koma wala woha kawili wamanya fya chakaka; 2kwa ndawa ya fya chakaka fila fihwela mwa tenga, na yafiye baha pamonga nu tenga kwa miaka ni miaka: 3Neema, lipyana, kindamba, yafitame pamonga nu tenga, kuhuma pa Mulungu Dadi, ni pa Yesu Kristo, Mwana wa Dadi, pa fya chakaka ni pa kiganano.
4Nisangaluka kulutila pakukita niwakolili wangi wa wanawo wawagendela pa fya chakaka, ngati umu tikayupiti luwimbi pa Dadi yula. 5Na hino nikupembesa, dona, si ngati kukulembela luwimbi lwa hino, koma lula tikayupiti kihumile pa kutumbula, kukita tiganane. 6Ni iki kiyii kiganano, kukita tigendegende kwa ndingo wa mimbi syake. Ulu luyii luwimbi, ngati umu mukayufwini kihumile pakutumbula, nausi mugendegende pa lula. 7Ndawa wakusowesa wa mahele walutiti mu ndima, wala walema kufumbula kukita Yesu Kristo achiti pa nyama. Uyu yuyu wakusowesa na wakumpindika Kristo. 8Mwilolalele mwawene, kukita musifitaga fila tafihengili, koma kukita muyupe njombe. 9Ayi yoha uyu alongolela ni alema kuhwela mwa mayigaliso gake Kristo, ayilepe nu Mulungu: uyu ahwela mwa mayigaliso ayii nawo Dadi nu Mwana kawili. 10Mundu ayi yoha wona awahichila, na atola lepa mayigaliso aga, musinjupa pa nyumba, ni musindamusa: 11ndawa uyu andamusa ahasangana na makitiko gake mawifu.
12Pakuya na fya mahele kuwalembela mwenga, nikaganiti lepa kufilembela ni kalatasi nu wino: koma nihuwalila kuwachila, ni kulongela ndomo kwa ndomo, nausi kuhekelela kwinu kufwilanaseke. 13Wana wa nung’unawo wakuhagulika wakulamusa.
Currently Selected:
II Yohana 1: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
