II Timoteo 4
4
1Nikupela luwimbi pa miho pa Mulungu, ni pa Kristo Yesu, uyu yawapaule wakulama na wakufwa, ni pa kuwoleka kwake ni utwa wake; 2uliwandise lilowe; ukite kiyimile baho pa lukumbi lwake, na pa kusowa lukumbi lwake; ukile, ulakalile, upele mhalo, pa kwisinga kwoha ni pa mayigaliso. 3Pakuya lukumbi yaluhiche pala yawayisinge lepe nago mayigaliso ga kusangalukisa; koma, pakuya na makutu gakunyegela yawayonjakasele kwawe walimu kwa ndingo wa manyonyelo gawe wene; 4na yawang’anamule makutu gawe kuhuma pa fya chakaka, ni kung’anamukila sumu sya waka. 5Leka wenga wihotole pa fyoha, uyufwane mahumbuso, ukite lihengo lya evangelist, ufwilanise kutumakila kwako. 6Pakuya nenga nipungulika hino, nu lukumbi lwa kuluta kwangu luchiti. 7Nikomini pa kukomana kunofu, nimalakisi kintali, nikigohiti kiyitakiso: 8kwa lila lisigala kiwikakili kwa nenga kikupiku kya pa mutu kya ugolofu, kila Bambo, wakupaula ngolofu, yaanipele pa ligono lililalila: leka nakuya kwa nenga nakape, koma kawili kwa woha wakugana kuwoneka kwake pa kwelu.
9Uyumbatise kunihichila nyata: 10pakukita Demas anilekiti, pakaganiti ndima uwu, na abiti ku Thessalonike; Kreske ku Galatia, Tito ku Dalmatia. Luka wakape ayii pamonga nu nenga. 11Marko untolaye uchichaye nako: pakuya ayii wakulinganila nu nenga pa kutumakila. 12Leka Tukiko nikantumiti ku Efeso. 13Mwingila wula nikaulekiti pa Troas kwa Karpo, uutole apa uhicha, ni fitabu, muni muni fila fya makumba. 14Aleksander wakuponda ngenge akanilasiti fiwifu fingi: Bambo yandipise kwa ndingo wa makitiko gake: 15wa yombe wigohe wenga wa mwene; pakuya akapindiki muni muni malowe gitu. 16Pa kwihigila kwangu kwakutumbula pawaka mundu akaniyimalili, koma woha wanilekiti: kisiwalangika kwa wombe. 17Leka Bambo akaniyimalili ni akanilekili mbafu; nausi kuluta pa nenga tangazo yiwandasike nganila, ni kukita wa Mihuku woha wayufwanile: na nikafuwuliki kuhuma pa ndomo pa lihimba. 18Bambo yanifuwule kuhuma pa lihengo liyi lyoha liwifu, ni yaniyokole mpaka pa utwa wake wa kunani: kwa yombe kukwisika kwa miaka ni miaka. Amen.
19Undamukile Priska na Akula, na wa pa nyumba yake Onesiphoro. 20Erasto ahweliti pa Korintho: koma Trophimo nikandekiti pa Mileto kulwala. 21Uyumbatike ufike palongolo pa kifuku. Akulamukila Eubulo, nu Pude, nu Lino, ni Klaudia, na walongo woha.
22Bambo aye pamonga ni roho wako. Neema yiye pamonga nu mwenga.
Currently Selected:
II Timoteo 4: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
