II Timoteo 3
3
1Leka iki uwalalile, kukita pa magono gakumalakila yasihiche ngumbi sya kuwina. 2Pakuya wandu yawaye wakwigana, wakugana ndalama, wakwihikalila, wakwikwesa, wa blasfemia, wangali kuwayufwanila wala wakuwahogola, 3wangali kusengusa, nakuya wawalafu, wangali nu lukolo, wangapembeseka, wakukupakisa, wangali kwigoha, 4wakali, nakugana finofu, wakufumbula, wakuyumbatika, wakutupasika, wakugana kukina nakuya wakungana Mulungu; 5wakuya nu ntundu waka wa kungwilakimbo Mulungu, koma wakukana mbafu yake: pa awa nawombe upatuke. 6Pakuya awa nawombe wakunyema pa nyumba, ni kutola wa mu fikopa wadala wahimu wakutondaseka ni sambi, 7wakutoleka ni manyonyelo ga misafi‐misafi, wakwiyigalisa magono goha, koma nakuhotola kufikila kumanya kwene kwa fya chakaka. 8Na umu Yannes nu Yumbres wampindikili Musa, wiwi awa kawili wafipindika fya chakaka; wandu wakuyanangika pa mwoyo, wakupatuka pa kiyitakiso. 9Koma yawabite lepa palongolo; pakukita fihimuka fyawe yafiwonakili wandu woha, ngati umu fyawe kawili fikapatiti kuya. 10Koma wenga ukakisiti mayigaliso gangu, matamilo, malango, kiyitakiso, kwisinga, kiganano, luyumalakilo, mahyungiko, mahumbuso; 11fila fikanigwilili pa Antiokia, pa Ikonia, pa Lustra; mahyungiko wuli nigatwiki; ni kipitile pa goha Bambo anifuwili. 12Ena, na woha awa walonda kulama pa kungwilakimbo Mulungu mwa Kristo Yesu yawawone mahyungiko. 13Leka wandu wa usokosi na wakukonga yawagende kulongolo kulutila, kusowesa ni kusoweseka. 14Leka uhwele pa fila ukafiyigilasiwi ni ukakamuliki nafyo, pa kumanya pa wa nani ukayiyigalisi; 15ni kukita kitumbulile ukeke wako, umanyiti malembo mawalafu gala gahotola kukupela malango mpaka pa uyokosi pa kiyitakiso kila kiyii mwa Kristo Yesu. 16Lilembo liyi lyoha lyakupuliwa nu Mulungu liyii lya mbendo kwa kuyigalisa kawili, kwa kukila, kwa kuyambulisa, kwa kuyigalisa kula kuyii pa ugolofu: 17nausi mundu wa Mulungu aye wakumalakilana, wakuwikakila kwa lihengo liyi lyoha linofu.
Currently Selected:
II Timoteo 3: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
