I Yohana 5
5
1Ayi yoha uyu ayitakila kukita Yesu ayii Kristo ahogoliki nu Mulungu; na uyu angana yula akamhogwili angana kawili yula ahogoliki nako. 2Pa iki timanya kukita tiwagana wana wa Mulungu, pala tingana Mulungu, ni kugoha mimbi syake. 3Ndawa iki kiyii kiganano kwa Mulungu, kukita tigohe mimbi syake: ni mimbi syake nakuya sya kutopalesa. 4Ndawa kiyi kyoha kihogoliki nu Mulungu kiuhotola ndima: ni iki kiyii kyakuhotola ndima, kiyitakiso kitu. 5Nu nani auhotola ndima, lema yuakela kukita Yesu ayii Mwana wa Mulungu? 6Uyu yuyu achiti pa machi nu pa mwasi, Yesu Kristo; si pa machi gakape, koma pa machi ni pa mwasi. 7Nu Roho alasa ulungamakiso, ndawa Roho ayii wa chakaka. 8Pakuya fiyii fidatu filasa ulungamakiso, Roho, ni machi, ni mwasi: ni fidatu ifi fiyitikilana pamonga. 9Wona tiyupa ulungamakiso wa wandu, ulungamakiso wa Mulungu ulutalila: pakuya ulungamakiso wa Mulungu uyii naha, kukita alasiti ulungamakiso pa Mwana mundu. 10Uyu akela pa Mwana wa Mulungu ayii nawo ulungamakiso pa yombe: uyu alema kunkela Mulungu ankiti wa mageya; ndawa akeliti lepa pa ulungamakiso wula Mulungu alasiti pa Mwana mundu. 11Nu ulungamakiso uyii naha, kukita Mulungu akatipili kulama kwa miaka, nu kulama uku kuyii pa Mwana mundu. 12Uyu ayii nako Mwana ayii nako kulama; uyu alema kuya nu Mwana ayilepe nu kulama.
13Findu ifi niwalembili mwenga, nausi mumanye kukita muyii nako kulama kwa miaka, kwa mwenga wakukela pa lihina lya Mwana wa Mulungu. 14Nu uku kuyii kusindimala tiyii nako kwa yombe, kukita, wona tikaluwila kandu kwa ndingo wa kilondo kyake, atiyufwana: 15na wona timanya kukita atiyufwana pa kiyi kyoha tikiluwa, timanya kukita tiyii nago maluwo gala tigaluwiti kwa yombe. 16Mundu wona ambona ndongo mundu ayii mu kukita sambi nukuya ya kifwa, yaluwe, nu Mulungu yampele kulama kwa awa wakita sambi nukuya sya kifwa. Yiyili baho sambi ya kifwa: si ndawa ya iyi nijowa kukita aluwe. 17Wangali ugolofu uyi woha uyii sambi: ni yiyili baho sambi nukuya ya kifwa.
18Timanya kukita ayi yoha uyu ahogoliki nu Mulungu akita lepa sambi; koma uyu akahogoliki nu Mulungu angoha yombe, na nsokosi yula ampapasa lepa. 19Timanya kukita tiyii wa Mulungu, nu ndima wa mfilimila ugona pa nsokosi yula. 20Leka timanya kukita Mwana wa Mulungu achiti, na atipili kuyufwana, ni timmanya yombe uyu ayii wa chakaka, ni tiyii mwa uyu wa chakaka, pa Mwana mundu Yesu Kristo. Uyu yuyu Mulungu wa chakaka, na kulama kwa miaka. 21Wana wachoko, wigohe pa fifwilifwili.
Currently Selected:
I Yohana 5: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
