I Timoteo 5
5
1Usindakalila nkulungu, koma unkile ngati dadi; wachoko ngati walongo: 2wadala wakulungu ngati wakamau; wadala wachoko ngati walumbu, pamonga na uwalafu. 3Uwaginike wafwili wala wayii wafwili wa chakaka. 4Leka wona mfwili ayii na wana pangi fichukulu, pakutumbula wala wiyigalise kuwagwilakimbo wa pa nyumba ya wombe wakape, ni kuwalipalila wakuwahogola: pakuya iki kiyii kinogelo pa miho pa Mulungu. 5Leka uyu ayii mfwili wa chakaka, ni wakulekeka wakape, amhuwalila Mulungu, na ahwela pa maluwo ni kusali kilo ni musi. 6Koma uyu anyuluka waka amaliti kufwa pa kulama kwake. 7Findu ifi utaukile kawili, nausi waye wangali kupisika mhalo. 8Leka wona ayi yoha wangali nu mwoyo kuwaholalela wa yombe wakape, muni muni wa pa nyumba yake, wikanila kiyitakiso, na ayii mbifu kulutila uyu wangali kiyitakiso. 9Mundu asilembeka pa libau lya wafwili, wona ayii wakukepekeka miaka setini, mundu wa ngosi yumonga, 10mwene mbili yinofu ya mahengo manofu; ngati aleliti wana, ngati akemelakisi wageni, ngati agulwili magulu ga wawalafu, ngati awatangatili wakuhumbusika, ngati akisiti ni ukiki lihengo liyi lyoha linofu. 11Koma wafwili wachoko uwakane: pakuya pala wasambuka kuhuma pa Kristo, walonda kutuwulika; 12ni wapisika wawifu, pakukita wadumwili kiyitikiso kyakutumbula kyawe. 13Leka kawili wiyigalisa kuya wangali lihengo, kugendagenda pa nyumba sya wangi; leka nakuya wakata wakape, koma kawili wakuheha ni wakutalatala, kulongela ifi fiwalinganila lepa. 14Mumu nilonda kukita wadala wachoko watuwulike, wahogole wana, waye wambuya pa nyumba, nakuwapela wakuwapindika nyimu ya kuheha: 15pakuya haka hino apa wangi wapatwiki kunkisa Shetani. 16Ndala ayi yoha yuakela wona ayii na wafwili, awatangatile, ni kanisa lisitondaseka: nausi liwatangatile wala wayii wafwili wa chakaka.
17Wakulu‐wakulu wala wayimalila munofu wawalangike wakulinganila kuginikika mara mbili, muni muni wala witondesa pa malowe ni pa mayigaliso. 18Pakukita lilembo lijowa, Usiwika mamilo pa ndomo pa ng’ombe yila yiliwatila ngano. Ni, Wakukita lihengo ayilinganila njombe yake. 19Pa kumpindika nkulungu usiyupa lisimasiko, lema pa ndomo wa walungamakiso wawili pangi wadatu. 20Wala wakukita sambi uwapise mhalo pa miho ga woha, nausi wakusigala waye nu woga. 21Nikupela luwimbi pa miho pa Mulungu, ni Kristo Yesu, na wakamalaika wakuhagulika, kukita ufigohe ifi pangali kupaula nyata, usikita kandu kwa ndingo wa kuhagula. 22Usilekela mawoko pa mundu ayi yoha nyata, na usiya kuhasangana ni sambi sya wandu wangi: wigohe pangali kilema. 23Usiya kinywelile machi, koma utumakile mvinyo pachokope ndawa ya lileme lyako ni fitamu fyako fya kawili kawili. 24Sambi sya wangi siyii sya pa kwelu, kuhicha nawo mpaka pa kupaulika; leka wangi kawili siwakisila pa nyuma. 25Wiwilawila makitiko manofu galasika pa kwelu; ni haka siyilepe wila sihotoleka lepa kufihika kwa miaka.
Currently Selected:
I Timoteo 5: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
