I Timoteo 4
4
1Leka Roho ajowa kijowile, kukita pa lukumbi lwa panyuma wangi yawapatuke pa kiyitakiso, kuyufwanila roho sya kusowesa na mayigaliso ga madaimon, 2pa kwikangalakisa kwa wandu wakudeta, wakunyanyika pa chengo kya pa mioyo yawe wene ngati ni kyuma kya mwoto; 3kukanisa kutuwulana, ni kuwawula wandu wasilya fyakulya, fila Mulungu akafipangiti kuyupika ni kusengusa na wala wakukela ni wakumanya fya chakaka. 4Pakuya kipangiko kiyi kyoha kya Mulungu kiyii kinofu, na pawaka kandu kakutagika, wona kayupika ni kusengusa: 5ndawa kiwalasika pa lilowe lya Mulungu ni pa kusali.
6Wona ufiwika ifi pa miho pa walongo, yauye wakutumakila nnofu wa Kristo Yesu, wakulisika ni malowe ga kiyitakiso, ni ga mayigaliso manofu gala ukakisiti: 7koma pa sumu sya waka ni sya wadala wagogolo uyepuke. Leka wigolose mpaka pa kungwilakimbo Mulungu; 8pakuya kwigolosa mu mbili kwipatila kichokope; koma kungwilakimbo Mulungu kwipatila fyoha, pakuya ni kilago kya kulama kwa hino, ni kya kula kuyii mu kuyicha. 9Lyakukeleka lilowe lila ni lyakulinganila kuyupika kuyi kwoha. 10Pakuya kiyingalile pa iki tihenga lihengo ni tigima, ndawa tiyii ni kihuwalilo kitu kitamasika pa Mulungu wakulama, uyu ayii Njokosi wa wandu woha, muni muni wa wakukela. 11Ifi mutaukile ni muyigalise. 12Mundu asihepa upalo wako; koma muye ndingo kwa wala wakukela, pa malowe, pa magendeko, pa kiganano, pa kiyitakiso, pa uwalafu. 13Mpaka apa nihicha, ukindaye kusoma, kukila, kuyigalisa. 14Usiya wangahola kya waka kila kiyii mgati mwako, kila kikapelakiki kwako kuluta kwa kulweta, pamonga na kulekela mawoko ga wakulu‐wakulu. 15Ukitaye ukiki pa ifi; wipeleke wa mwene wa mfilimila kwa fila; nausi kugenda mulongolo kwako kulasike pa woha. 16Wilolalele wicho, na mayigaliso gako. Uhwele pa fila; pakuya pakukita iki yauyokole wa mwene, na wala kawili wakukuyufwanila.
Currently Selected:
I Timoteo 4: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
