I Timoteo 3
3
1Lyakukeleka lilowe ili, Wona mundu alondalonda lihengo lya askofu, alinyonyela lihengo linofu. 2Mumu askofu aye wangapisika mhalo, ngwanamundu ndala yumonga, wakwihotola, wa malango, wakwitendekesa, wakukemelekesa, wakumanya kuyigalisa; 3nakuhwela pa ugimbi, nakutowa; koma wakupola pa mwoyo, nakuya nyandomo, nakugana ndalama; 4wakuyimalila nyumba yake ya yombe wicho, wakutama na wana mundu wakuwikika pasi pa kuginikisika kuyi kwoha; 5(koma wona mundu amanya lepa kuyimalila nyumba yake ya yombe, yaholalele wuli kanisa lya Mulungu?) 6asiya wakuyingasika wa hino, pembee pa kutupika agwa pa kupaulika kwa diabolo. 7Kawili alinganila kuya nu ulungamakiso unofu kuhuma pa wala wakunja; nausi asigwa pa kudogeka ni kitego kya diabolo. 8Wiwi mashemasi walinganila kuya wakuginikisika, nakuya wene malowe gawili, nakukinda pa mvinyo wingi, nakulonda kipatapata kya lihamu; 9kikamulile kya kuhyetu kya kiyitakiso pa chengo kya pa mwoyo kinofu. 10Leka awa kawili pakutumbula walingike ngani; panyuma pake wakite lihengo lya ushemasi, wona wayilepe nu mhalo. 11Wadala wiwilawila waye wakuginikisika, wangakuheha, wakwihotola, wakukeleka pa fyoha. 12Mashemasi waye ngosi wa ndala yumonga, wakuyimalila wicho wana wawe ni nyumba syawe wene. 13Pakuya wala wakiti lihengo lya ushemasi wicho, wipatila ntunda unofu, ni wasindimala muni muni pa kiyitakiso kila kiyii mwa Kristo Yesu.
14Aga nikulembela, pakuhuwalila kuhicha kwako nyata; 15leka wona nisyela, nausi umanye ngani umu wandu walinganila kwigendesa pa nyumba ya Mulungu, yila yiyii kanisa lya Mulungu wakulama, lipanda ni kyakuwikika pasi kya fya chakaka. 16Ni pangali mapindikano kikulungu kiyii kya kuhyetu kya kungwilakimbo Mulungu; Yula alasiki pa nyama, agolosiki pa roho, awawonakili wakamalaika, ayenasiki pa mihuku, akeliki pa ndima, ayupiki munani ni kukwisika.
Currently Selected:
I Timoteo 3: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
