I Timoteo 2
2
1Nikila mumu, palongolo pa fyoha, kwikitila maluwo, sala, mapembeso, masenguso, pa mihalo ya wandu woha; 2pa watwa na woha wakukula ntunda; nausi titame magono gitu pa kuyolowana na pa kunjogopa Mulungu na pa kuginisika. 3Iki kiwoniki wicho ni kyakuyupika pa miho pa Mulungu Njokosi witu; 4uyu alonda kukita wandu woha wayokoleke, ni kufikila kufimanyisa fya chakaka. 5Ndawa ayili Mulungu yumonga, na yumonga wa pagati pa Mulungu na wandu, 6mundu nuyombe, Kristo Yesu, yula akayipeliki ukombosi pa mihalo ya woha; ulungamakiso yauwoneke pa ngumbi syake; 7kiyingalile pa kila nikawikiki wakuwandisa ni apostolo (nijowa fya chakaka, nideta lepa), mwalimu wa Mihuku pa kiyitakiso ni pa fya chakaka.
8Nilonda mumu kukita wagosi wasalaye pandu payi poha, kututuwusa mawoko mawalafu pangali kudada na mapindikano. 9Wilawila kukita wadala waniambise na mafwatiko nakuya ga malidadi, pamonga ni soni ni uwololo; nakuya pa fyakutiwa, na pa zahabu, na pa lulu, pangi pa mingila ya uhemesi ukulungu; 10koma (umu kuniambila wadala awa wanjogopa Mulungu) pa mahengo manofu. 11Ndala iyigalise pa kindamba na pa kwiwika pasi. 12Leka niyitakila lepa ndala kuyigalisa, haka kuya mutwa wa ngosi, koma aye pa kindamba. 13Pakuya Adam akalongwili kuwumbika, na panyuma Hawa; nu Adam akongasiki lepa, 14koma ndala pakakongasiki agwili pa lipatukano: 15leka yayokoleke pa kuhogola wana, wona wahwela pa kiyitakiso ni kiganano ni pa kuwalasika pamonga na kutamisika.
Currently Selected:
I Timoteo 2: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
