I Petro 5
5
1Mumu wakulu‐wakulu pa mwenga niwakila, pakuya nankulungu namwene, ni ndungumakiso wa mahumbuso ga Kristo, ni wa kuhasangana kawili pa kukwisika kula kulonda kufunukulika. 2Mudimaye lipuga lya mambelele ga Mulungu, lila liyii pa mwenga, kulilolalela nukuya ngati wakukamulika, koma pa kulonda mwawene, kwa Mulungu; nukuya kawili kwa mbendo ya lihamu, koma pa mwoyo; 3nukuya ngati wakwihikalila pa wala pasi pa mwenga, koma wakukitika ndingo kwa fidimo. 4Na pala akalasiki Wakudima nkulungu wa mambelele, yamuyupe kikupiku kya kukwisika kyangali kuyunda. 5Wiwilawila wafwana wiwike pasi pa wakulu‐wakulu. Ena, mwawoha wikungile mu kiwuno ni kwiselesa, kwa kutumakilana: ndawa Mulungu awapindika wa kinywinda, leka kwa wakwiselesa apeleka neema. 6Mumu wiselese pasi pa kiwoko kyene makakala kya Mulungu, nausi awakwese pa lukumbi lwake; 7kitagile pa yombe kuholahola kwinu kwoha, pakukita awaholalela mwenga. 8Wihotole, ni mutame miho: wa mitumba winu diabolo agendagenda ngati lihimba lya kuwuluma, kundondandonda uyu yammile: 9yuyu mumpindike, wakutamasika pa kiyitakiso, pa kumanya kukita mahumbuso gagalagala gamalakanili pa walongo winu wayii pa ndima. 10Nu Mulungu wa neema yoha, yula akawakemili mpaka pa kukwisika kwake kwa miaka mwa Kristo, wona mumaliti kuyufwana mahumbuso pachokope, yawayegamese, yawatamese, yawakangamase mwenga. 11Kwa yombe kuhotola kwa miaka ni miaka. Amen.
12Pa mawoko ga Silvano, ndongo wa kukeleka, umu nimbalanga, niwalembili machokope, kukila ni kulasa ulungamakiso kukita iyii yiyii neema ya chakaka ya Mulungu: pa iyi muyime kiyimile. 13Awalamusa ndala yula pa Babel, wakuhagulika nuyombe; nu Marko mwanangu. 14Mulamusane ni kununa kwa kiganano.
Kindamba kwa mwenga mwawoha muyii mwa Kristo.
Currently Selected:
I Petro 5: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
