I Petro 4
4
1Mumu ndawa Kristo akayufwini mahumbuso pa mbili, mwenga kawili mwifwatike nu mwoyo wuwulawula; pakuya uyu ayufwini mahumbuso pa mbili apumwili pa sambi; 2musiya kawili nu wumi winu kusigala pa mbili kwa manyonyelo ga wandu, koma kwa kilondo kyake Mulungu. 3Pakuya lulinganila lukumbi lula lulutiti kulikita linyonyelo lya Mihuku, ni kugendagenda pa fya wafu, manyonyelo, kugala mvinyo, mautofi, figalu, ni fya kugwilakimbo fifwilifwili fyangamanyika: 4mumu wakangacha ndawa mulemiti kukimbila pamonga nawo kwa kututuma pangali kwihotola kuwajowela likomo: 5wala yawawalangike nu yula wakuwikika ngani kuwapaula wakulama na wakufwa. 6Pakuya kwa ndawa iyi yikatoliki evangel kwa wakufwa, nausi wapaulike kwa ndingo wa wandu pa mbili, leka walame kwa ndingo wa Mulungu pa roho. 7Koma pakumalakila pake fyoha pawandamila: mumu musindamale ni kwihotola pa sala: 8palongolo pa fyoha muye ni kiganano yungi ni njini kigananile; ndawa kiganano kifunakila wingi wa sambi: 9kuwakemelekesana pangali kunung’unika: 10umu ayi yoha akayupiti kya waka, kutumikilana nakyo, ngati wakugoha wanofu wa neema ya misafi‐misafi ya Mulungu; 11mundu wona alongela, alongele ngati malowe ga kuhyetu ga Mulungu; mundu wona atumakila, atumakile ngati wa likakala lila Mulungu alipelekela: nausi pa fyoha Mulungu akwisike pa Yesu Kristo, uyu ayii ni kukwisika ni kukangamala pa miaka ni miaka. Amen.
12Wakuganika, musikangacha ni mageseko ga mwoto gawachili mwenga, gala gawachila kuwalinganisa, ngati kigeni kiwachili mwenga: 13koma pakuya wakuhasangana na mahumbuso gake Kristo, muhekelele; nausi pa mafunukuliko ga kukwisika kwake kawili muhekelele ni kuyangala. 14Wona muhehewa mwa lihina lya Kristo, wanya kihomo mwenga; ndawa Roho wa kukwisika ni wa Mulungu apumulila baho pa mwenga. 15Pakuya asiya pa mwenga wakuyufwana mahumbuso ngati wakukoma wandu, pangi wakuyiwa, pangi wakukita fiwifu, pangi wakulolalela fya wangi: 16koma wona ngati mKristo, asitoleka ni lihamu: leka ankwise Mulungu pa lihina ili. 17Pakuya lukumbi lufiki apa kupaula kutumbule pa nyumba ya Mulungu: ni wona kutumbwili pa tenga, kiki pakumalakila pa wala wayufwana lepa evangel ya Mulungu? 18Ni wona wakugoloka wayokoleka pa kinonono, yawaye wuli wawifu na wene sambi? 19Mumu wakuyufwanila mahumbuso kwa ndingo wa kilondo kyake Mulungu wawike mawumi gawe pa kukita finofu pa mawoko ga Wakupanga wakukeleka.
Currently Selected:
I Petro 4: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.