I Petro 3
3
1Wiwilawila mwenga wadala wiwike pasi pa wangwana winu; nausi haka wangi wayufwana lepa lilowe, wapatiwe koma pa matamilo ga wahanu wawe pangali lilowe; 2pakuwona matamilo ginu manofu ni gene woga. 3Kwifwata kwawe kusiya kwa kunja, kwa kutiwa liyunju ni kwifwatika findu fya zahabu, pangi mingila; 4koma umundu wa kufihika pa mwoyo, pa kila kyangawola kya roho, ya uwololo ni yangali njwawila, yila yiyii ya uhemesi ukulungu pa miho pa Mulungu. 5Pakuya wiwila mwandi, wadala wawalafu nuwombe wakumhuwalila Mulungu, wakayili mu kwifwata, pa kwiwika pasi pa wangwana wawe wene: 6umu Sara akanjufwini Ibrahim, kunkemela bambo: wa yula muyii wana wake hino, wona mukita finofu ni wangali ni woga pa kya kudigidisa kiyi kyoha.
7Mwenga wagosi, wiwilawila mutame nawo wahanu winu kwa ndingo wa kumanya, pa kumpela ndala liginiko, ngati nsigo wakukepa mbafu, ni ngati wakuyingila lipwela pamonga nu mwenga neema ya wumi; nausi maluwo ginu gasisiwilikasika.
8Pakumalakila, muye woha mu mwoyo umonga, kuyufwangana pamonga wicho, kuwagana walongo, wa lukolo, wa kwiselesa: 9musikilawusila fiwifu kwa fiwifu, pangi kuliga kwa kuliga; koma pa kipula mupeleke kihomo; pakukita pa iki mukakemaliki, nausi muyingile mu kihomo lipwela. 10Pakuya,
Uyu alonda kugana kulama,
Ni kugawona magono manofu,
Adindalise lulimi lwake kuhuma pa fiwifu,
Ni milomo yake yisilongela fya kukonga:
11Apatuke ni kiwifu, ni akite finofu;
Alondelonde kindamba, ni kukikisa.
12Ndawa miho ga Bambo gayii pa wakugoloka,
Ni makutu gake mpaka pa mapembeso gawe:
Koma kyene kya Bambo kiyii panani pa wakukita fiwifu.
13Nu nani yula yawakitile mwenga fiwifu, wona muye wa makakala kukita kinofu? 14Koma wona muyufwana mahumbuso ndawa ya kukita malinga, wanya kihomo mwenga: ni mukotoke kuyogopa woga wawe, haka kunyenyemala musinyenyemala; 15koma mbalase Kristo ngati Bambo pa mioyo yinu: pa kwikila ngani magono goha kumhigila ayi yoha uyu awakota nyimu ya kihuwalilo kiyii pa mwenga, koma pamonga nu uwololo ni woga: 16pakutama ni chengo kya pa mwoyo kinofu; kukita, baho muhehewa, watoleke lihamu wala wakuhimusa matamilo ginu manofu mwa Kristo. 17Ndawa kiyii kinofu, wona Mulungu alonda, kukita muyufwane mahumbuso pa kukita finofu si pakukita fiwifu. 18Ndawa Kristo kamonga waka akayufwini mahumbuso, wakukita malinga pa mihalo ya wangali kukita malinga, nausi atitolele ku Mulungu; pakakomiki mu mbili, koma wakulamasika mu roho; 19pa yila kawili akabiti ni akawandisi kwa roho sila sikayili pa kukungika, 20sila mwandi sikayufwini lepa, pala kwisinga kwake Mulungu kukalindalili pa magono ga Nuah pakuwikila ngani ligalawa, mumu wandu wakuwalangika, wawa mawumi mhano na gadatu, wakayokoliki kuluta pa machi: 21kila kawili hino kiwakengelela, kihwanakiso kyene, kiki ubatiso, nukuya kufula luku lwa nyama, koma likoto lya chengo kya pa mwoyo kinofu pa miho pa Mulungu, pa kusyuka kwake Yesu Kristo; 22uyu ayii pa kiwoko kya ndilo kya Mulungu, pakabiti mwanja kunani; wawikiki pasi pake wakamalaika ni wene machengo ni makakala.
Currently Selected:
I Petro 3: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
