I Yohana 2
2
1Wana wangu wachoko, ifi niwalembela, nausi musikita sambi. Nu mundu wona akita sambi, tiyii ni Wakuyimalila kwa Dadi, Yesu Kristo wakugoloka: 2nuyombe ayii wakupepesa kwa sambi situ; nukuya ndawa ya situ syakape, koma ndawa ya ndima wa mfilimila kawili. 3Ni pa iki timanya kukita timmanya yombe, wona tigoha mimbi syake. 4Uyu ajowa, Nimmanya, leka alema kugoha mimbi syake, ayii wa mageya, na fya chakaka fiyilepe pa yombe: koma ayi yoha uyu aligoha lilowe lyake, 5chakaka pa yombe kiganano kya Mulungu kifwilanasiki. Pa iki timanya kukita tiyii mwa yombe: 6uyu ajowa kukita ahwela mwa yombe, agendagendaye mwene kawili umu akagendili yombe.
7Wakuganika, nukuya luwimbi lwa hino niwalembela, koma luwimbi lwa mwandi lula mukayili nalo kitumbulile pakutumbula: 8luwimbi lwa mwandi luyii lilowe lila mukaliyufwini. Kawili, luwimbi lwa hino niwalembela, lula luyii lwa chakaka pa yombe na pa mwenga: ndawa lwisi luyii mu kulutalila, nu lulangalila lwa chakaka hino lumulikila. 9Uyu ajowa kukita ayii pa lulangalila, leka ambipila ndongo mundu, ayii pa lwisi mpaka hino. 10Uyu angana ndongo mundu ahwela mwa lulangalila, na pa waka kya kukuwasa pa yombe. 11Koma uyu ambipila ndongo mundu ayii pa lwisi, na agendagenda pa lwisi, nukumanya lepa kula abita, pakukita lwisi lukakoywisi miho gake.
12Niwalembela mwenga wana wachoko, ndawa sambi sinu silekaliki kwinu pa mihalo ya lihina lyake. 13Niwalembela mwenga wakadadi, pakukita mummanya yula ayii kihumile pa kutumbula. Niwalembela mwenga wapalo, pakukita mumhotwili nsokosi yula. Nikawalembili mwenga wana wachoko, pakukita mummanya Dadi. 14Nikawalembili mwenga wakadadi, pakukita mummanya yula ayii kihumile pakutumbula. Nikawalembili mwenga wapalo, pakukita muyii wa makakala, ni lilowe lya Mulungu lihwela pa mwenga, na mumhotwili nsokosi yula. 15Musiugana ndima, haka ifi fiyii pa ndima. Mundu wona augana ndima, kiganano kya Dadi kiyilepe pa yombe. 16Pakuya kiyi kyoha kya pa ndima, manyonyelo ga nyama, manyonyelo ga miho, ni kwihikalila kwa wumi, kipitile lepa pa Dadi, koma pa ndima. 17Leka ndima ulutalila, ni manyonyelo gake: koma uyu akita kila akilonda Mulungu ahwela kwa miaka ni miaka.
18Wana wachoko, saa iyii ya kumalakila: na umu mukayufwini kukita wakumpindika Kristo ahicha, haka hino wayimiti wakumpindika Kristo wa mahele; pa iki timanya kukita saa yakumalakila yiyili. 19Wapititi pa tenga, koma wakayili lepa wa pa tenga; pakuya wona wakayili wa pa tenga, ngawahweliti pamonga nu tenga: nausi walasiki kukita wayilepe woha wa pa tenga. 20Leka muyii ni kya kubakasika kuhuma pa Mbalafu yula, ni mumanya fyoha. 21Nikawalembili lepa ndawa mumanya lepa fya chakaka, koma ndawa mufimanya, na ndawa nukuya kya mageya kiyii kya chakaka. 22Nani ayii wakudeta lema uyu akana kukita Yesu ayii Kristo? Uyu yuyu wakumpindika Kristo, yuakana Dadi nu Mwana. 23Ayi yoha uyu ankana Mwana, yuyu ayilepe nu Dadi: uyu amfumbula Mwana ayii nu Dadi kawili. 24Mwenga wanono, kila mukakiyufwini kihumile pakutumbula kihwele pa mwenga. Wona kila mukakiyufwini kihumile pakutumbula kihwela pa mwenga, mwenga namu yamuhwele pa Mwana nu pa Dadi. 25Na iki kiyii kilago akakilagiti kwa tenga, kuku kulama kwa miaka. 26Ifi nifiwalembili mwenga sya wala walonda kuwasowesa. 27Nu mwenga, kubakasika kula mukakuyupiti kuhuma pa yombe kuhwela pa mwenga, na mulonda lepa kukita mundu ayi yoha awayigalise; koma umu kubakasika kwake kuwayigalisa pa findu fyoha, ni kuyii kwa chakaka, ni kwangali fya mageya, leka umu kukawayigalisi, muhwele pa yombe. 28Leka hino, wana wachoko, muhwele pa yombe; nausi wona alasika pa kwelu, tisindimale, ni tisitoleka ni lihamu palongolo pake pa kuwoneka kwake. 29Wona mumanya kukita ayii ngolofu, mumanye kukita ayi yoha uyu akita ugolofu ahogoliki kipitile pa yombe.
Currently Selected:
I Yohana 2: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
