I Yohana 1
1
1Kila kikayili pa kutumbula, kila takiyufwini, kila takiweni ni miho gitu, kila takilolalili, ni mawoko gitu gakipapisi, 2pa Lilowe lya kulama, (ni kulama kukalasiki pa kwelu, ni tikuweni, ni tilasa ulungamakiso, ni tiwandisa kwa mwenga kulama uku, kwa miaka, kula kukayili nu Dadi, ni kukalasiki pa tenga); 3kila takiweni ni takiyufwini tikiwandisa kwa mwenga kawili, nausi mwenga kawili muhasangana pamonga nu tenga: ena, kuhasangana kwitu kuyii nu Dadi, nu Mwana mundu Yesu Kristo: 4ni tilemba findu ifi nausi kuhekelela kwitu kufwilanasike.
5Nu uwu uyii utenga tayufwini pa yombe, ni tiwatolela mwenga, kukita Mulungu ayii lulangalila, ni pa yombe pangali lwisi haka pachokope. 6Wona tijowa kukita tiyii wakuhasangana pamonga nuyombe, ni tigendagenda pa lwisi, tideta ni tikita lepa fya chakaka: 7koma wona tigendagenda pa lulangalila, umu yombe ayii pa lulangalila, tiyii mu kuhasangana yungi nu njini, nu mwasi wa Yesu Mwana mundu utiguyula pa sambi iyi yoha. 8Wona tijowa kukita tiyilepe ni sambi, tiyisowesa ni fya chakaka fiyilepe pa tenga. 9Wona tifumbula sambi situ, yombe ayii wakukeleka ni wakugoloka kutilekelekesa sambi situ, ni kutiguyula pa fiwifu fyoha. 10Wona tijowa kukita takiti lepa sambi, tinkita yombe wa mageya, ni lilowe lyake liyilepe pa tenga.
Currently Selected:
I Yohana 1: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
