ROMMI Kilekithitsa
Kilekithitsa
Rommi lau Paul yesü ye pa no Rome kukuhou xüju wuni keu laghi kutoniye ke. Pa no kughu keu ye tilau Khristomi gholo mla apüzü panoqo kukuphu vecheo Spain lo wuniye ke. Pa no Khristomi küpülü küxü ithithaive keu eno tipau pimhe chekeu ghili ye ke. Paul no kiu tsape shiche keno kümtsü kaku hipau lo süpüani.
Rome kukuhomi lau petha tsü eno panoqo ghenguno pa no inikhutsü akeu pive no yesü tsato yetsü: Alhou no kishi timi pesü Pa lau achipiu lo qhicheni keno atsakiviu lo pephepiye püani: hi ye abothu lono ashekha kutolo aküpülü vecheo likhino ke (1:17).
Tipa thiu Paul no atsato tipau pekho kithe. Jewmi na Jewkumomi namu timi kümtsü Alhou lau achipikalu masa kughengu kümtsü aphiphi lono axine küka qholo ani. Timi ye Jisü Khristo sasü aküpülü lono xükime keu lono Alhou lau achipikalu cheni. Tipa shelo Alhou lau küqhape akeu lono Khristo gholo aküxü kithe akeu ghili pitsü. Küpülümi ye Alhou sasü alashi luvae tighenguno Alhou Ghungu no axine ngo akithi küka lono panoqo kuqhophevae. Akiyedo 5-8 lono küpülümi küxü ghenguno Alhou yezah ngo Alhou Ghungu küka kimji apasüshi pitsü. Tithiu apostol Paul no timi kümtsü ghenguno Alhou kukughu lo Jewmi ngo Jewkumomi pekithi püakeu pikithe tsü. Alhou kukughu lo Jewmi no Jisü milive keu ye timi kümtsü Jisü Khristo gholono Alhouw küpükini pelo panoqo saighi peniye ke. Jewmi ghi pülhapuju Jisü mili auve pemoniye ke. Ashekha lo Paul no Khristomi ye kishi xümasa keno yetsü, akhotoshi kütami sasü qhuivülai kepushi akeu. Pa no atsato hipaqo ghi pike: Alhou qeni keu, yepeka ngo kütami lau Khristomi no mla kepu shi akeqo eno timi lolo kiviküsa ithinikeu pitsü. Pa no lüthü sütsa eno Alhou shekiqhe tsa pesü kishekhatsü.
Kaku Kimji: Rommi lau Paul kilethisü keu eno pa no Rome lo wumphi züuno pa tsape hami yekeu.
Khuu no ye kea: Paul.
Khileno ye kea: Corinth lono (Apostolmi 20:2-3).
Khuno lau ye kea: Rome lo Khristomi eno küpülümi kümtsü lau.
Kughono ye kea: A.D. 57 qhauno.
Currently Selected:
ROMMI Kilekithitsa: SUMRVBSI
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More