HLAZY HLA 2
2
1Saraw rôspaw châ na ta,
Saikao lilipaw ei châ.
Myuhneituhpa
2Ahlohzy hry liata lilipaw hawhta,
Ei lôhdunô chhao laihsazy hry liata â ngia patlua.
Myuh
3Râhmâhpa thozy hry liata epuh kô hawhta,
Ei lôhdupaw chhao satliazy hry liata â lâ patlua.
Palôhtlâh ngaitapa ta a nohdi ry liata a tyuh na ta,
Ei pakah liata a thei a thlôh ngaita.
4Kyhchhina o lâ nâ chhi ta,
Ei chô liata kyhpachâna poh eina zawhpa.
5Kre chawhpa viahchhâ ta tha na patlô la,
Epuh ta tha na pathyu mah y;
Na vâ cha iapa ta ei pasa hih.
6A ku chavei lâta bâh lô na pahua ta,
A ku chachâh lâta einâ pyhpahly.
7Hy Zerusale zuahzy saih u,
Lyurâh sakhih nata sasu#2.7 Sasu zuneih nata sakhih nata sakhih chanôpa zy cha râhsa mithawh kawpa, a ngia ngaitapa, a chatlie chakoh ngaitapa châ ei ta, chhithaina, chatliechakohna, thatlôna nata chanô chapaw châna hmâna kyh liata thathyuna nata thatlôna lâchhâh reina liata pakhopâna châta hmâ tyhpa ama châ. Sasu nata sakhih chanôpa zy he kô kha ama tloh tawhta paw a khoh pathaopazy ama châ. moh ta,
Bie ei cha pataihsa ei;
Ano tlai ta a khoh hlâlei la,
Kyhpachâna cha a tha pathyu leipa u la,
Pahra hra khuh vy.
Myuh ta myuhneituh a pasâhsa
8Cha cha ei lôhdupaw ao a châ chu!
Moh teh u, â vy hai,
Tlâhpizy chô liata a vaw zaw laih ta,
Tlâhthlôhzy chô liata châki a vaw zoh laih.
9Ei lôhdupaw cha sakhih lyu ta,
Zuneih tôh dawpa a lyu.
Moh teh u, eima pâhchhô a pahlipa ta a duah ta,
Opyzy tawhta vaw moh ta,
Samokaw tawhta a vaw sai ngâ kaw huh.
10Ei lôhdupaw ta bie reih ta, ei hnohta,
“Ei kyhpachâpa, kei châta chhithai chainô,
Thyu la, vaw kiah bâ mah y.
11Moh teh, chasipaw chha ha ta,
Saopi chhao chhâ ta a khô ha hih.
12Alei liata pawpizy a vaw lâ ei ta,
Pavaw to sâ daihti vaw tlô ta,
Vachhuh tutarunô ao zy chhao eima thei haw.
13Theiku theizy hmoh ei ta,
Kre zôhzy vaw pawh ei ta,
Ama ropahâhpazy ama pathlisa ngâ kaw bâ hih.
Ei kyhpachâ, kei châta chhithai chainô,
Thyu la, vaw kiah bâ mah y,” eina tah.
Myuhneituhpa
14Hy ei vachhuh, lôpanô keipazy liata a nyu chi ta,
Lôkâhpa khuazy liata a y tyhpa y,
Na hmia na pahmô la,
Na ao na patheisa mah y;
Na ao thlôh ta,
Na hmia kho â chhih kaw dia!
15Eima kre sadôzy ama paw locho daihti châ ha ta,
Kre sadôzy a paraotuhpa changiezy miah patupa la,
Changie tawzy miah patupa mah y.
Myuh
16Ei lôhdupaw cha kei eih châ ta,
Kei chhao ano eih ei châ;
Ei lôhdupaw cha lilipawzy hry liata
A mietaku zawzy a patlaihsa tyh.
17Noh vaw nai ta,
Nohawh tlâh a khô hlâlei cha,
Ei lôhdupaw y, kei lâ a vaw heih la,
Sakhih hawhta châ la,
Betheri#2.17 “Betheri tlâhpizy” he chavah kao hluhna, sasu zuneih zy pahrâ khoh kawna tlâhpizy reina a châ thlyu aw. tlâhpizy liata zuneih tôh dawpa lyu mah y.
Currently Selected:
HLAZY HLA 2: MARVBSI
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.
