HLAZY HLA 1
1
1 #
1 Abei 4.32
He he hlazy hry liata hla pha chaipa,
Sawlawmaw hlazy a châ.
Myuh ta a kyhpachâna a palâhâh
Myuh
2Ei lôhdupaw ta na sy sala,
A hmao ta na sy mawh sy!
Na kyhpachâna cha kresawhti hlâta pha via ta,
3Na sathawzy chhao a roh a pahâh ngaita.
Na moh cha sathaw ropahâhpa patlaipa hawhta châ ta,
Chavâta laihsazy ta ama cha khoh ngaita.
4Na ku ta nâ kei la,
A râ ei suh u.
Abei ta a chhôhpadâhpazy lâ einâ ngiakhei haw.
Viasazy
Nâ liata a lypa ta eima thapha aw ta,
Na kyhpachâna cha kresawhti hlâta eima cheihchalo via aw;
Ama cha khoh kaw saipa he â vaw do tlai na.
Myuh
5Hy Zerusale zuahzy saih u,
Vyh kaw hraw sah la,
Kho ei chhih kaw;
Kedâ poh ozy lyu na ta,
Sawlawmaw pohraipazy ei lyu.
6Ei vyh kawpa vâta na moh ngâ kaw khuh vy,
Noh ta eina vawhpa vâta a châ hih.
Ei nô sawchapawzy ta ei chô liata ama hiehâh ta,
Kre sadô vaituhpa ta na tao ei ta,
Chavâta keima kre sadô hmâchhâh ei vaih thei khao vei hih!
7Nâ ei palôh ta a khopaw y, na chho teh,
Khataih liata ma na mietaku zaw pasa chi ta,
Khataih liata ma nohchhô ta na pabyusa tyh ei?
Khazia ma pohluh a khupa chanô hawhta,#1.7 He liata “pohluh a khupa” he âzuahnô reina a châ.
Na viasazy mietaku zaw kiah liata ei y aw?
Myuhneituhpa nata a myuh amâ khoh raihrie
Myuhneituhpa
8Hy chanôzy hry liata chhithai chainô y,
Na pahno vei khiahta la,
Mietaku zaw hniehnôh vaw chathôh laih la,
Mietaku vaituhpazy poh ozy kiah liata,
Na mietaw chanôpazy vaw pasa mah y.
9Hy ei lôhdunô, ei cha pakhopâ tyh,
Phiraoh talailih arâ chanôpa nahta.
10Lôsôhpa ta a tobipa na ôhzy kho a chhih ngaita ei ta,
Ngôh pachhih rizy a aopa na rao chhao kho â chhih ngaita.
Viasazy
11Ngôh pachhih cha taopa aw pi ta,
Tâkâ pataih pâpa pachhih eima cha taopa aw.
Myuh
12A rakhô liata abei â tyu nota,
Ei spinâ sathaw ropahâhpa ta a charao.
13Ei lôhdupaw cha kei châta,
Ei sâhpizy likawh liata a hniehpa deiryh byh a châ.
14Ei lôhdupaw cha kei châta,
Enkedi kre sadô liata henâ pawpi sao hawhta a châ.
Myuhneituhpa
15Nâ ngia kaw dia, ei lôhdunô,
Âh, nâ vaw ngia tlai na;
Na mokhaohzy cha vachhuhzy a lyu.
Myuh
16Âh, nâ ngia tlai na, ei lôhdupaw,
Kho nâ vaw paoh tlai na.
Eima rakhô hroh sili ta,
17Eima pâkôzy cha sidy thozy châ ei ta,
Eima seihâhzy chhao meisah thozy a châ.
Currently Selected:
HLAZY HLA 1: MARVBSI
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.
