BIESOZY 22
22
1Hneirôna hlâta moh phana a tlyh via awpa châ ta,
Tâkâ nata ngôh hlâta pasâhsapa a pha via.
2Hneirôhpazy nata sipasapazy a tyh ei ta,
Ama zydua a taotuhpa cha Abeipa a châ.
3Asopa cha chichhihpa hmô thaipa ta a nyusai ta,
Sona a phahlapa deikua cha chatôh ta pasa a tao tyh.
4Areisina nata Abeipa china lymâzy cha,
Hneirôna, zana nata hrona zy a châ.
5Palôh akopa lâpi liata ahlohzy nata khoheihzy y ta,
A hro a vaihpa ta â hlasai aw ei.
6Hawtipa cha a sie nawpa lâpi pachu la,
A pitloh tita chhao siesai aw vei.
7Hneirôhpa cha dyhchhiepa chô liata ryureih ta,
Dyucheituhpa cha a pacheisatuhpa sei a châ.
8Adoleina chi a tupa cha chhiena hria aw ta,
A hiehâhna chôchahrei chhao a tlie aw.
9Chyhsa riaphapa cha sipasapazy niedo â chhaih tyhpa vâ ei ta,
Vânoh a to aw.
10Chyhsa a mohnaopa cha papua u la,
Ahryuna nata atuna zy â chalih aw.
11Palôh pathaihna pasô ta,
A reikah a phapa cha,
Abei chhao viasa ta â tao thei aw.
12 Abeipa mo ta pahnona a hneipa chyhsa cha mokhâh ta,
Piehpiepa bie deikua cha a thy pathlah tyh.
13Thathipa cha, “Khôtho liata chakeibarôhneipa y ta,
Lâlaizy liata eina thie aw,” a tah tyh.
14Chanô sihryhpa pakah cha khaohtlô a thupa châ ta,
Abeipa hie a pahâhpa cha cha liata a tla aw.
15Hawtipa palôh liata hruna a bai ha ta,
Sôsi ta chhoreina ta hruna cha lâhla lâ â chadai pai aw.
16Ano hneirôna papôh nawpa ta dyhchhiepa tlybai ta,
Hneirôhpa hnohta sôh nah thih a piepa cha,
Dyhchhiena ta a tlô thlu aw.
Chyhsa sopa biezy
17Na nah pachôhpa ta asopa biezy nathlie la,
Ei sona a chuna châta na palôh hmâh mah y.
18Na chhôh liata a vao awpa châta pha ta,
Na hmao liata a y awpa châta a pha khai.
19 Abeipa na ngâ thei nawpa ta,
Chazy cha tanoh cha pahnosa na ta,
Nâ lia tlai ta ei cha pahnosa haw.
20Na châta bieso sythôh cha ropa na ta,
Ryhraona nata pahnona zy ei cha ropa hih.
21Chatanachata biedopa nata biehmeiseihpa pahno aw chi ta,
Châ tuahtuhpazy hnohta biedopa na tlôkhei thei aw.
22Sipasapa hrao khah y,
Sipasapa a châ khaw;
Pasataopa chhao thokhy chhikao liata tu lao khah y.
23 Abeipa ta ama bie a duakhei tlôh aw ta,
Âmo a hraotuhpazy hro a hrao hra aw.
24Hiehâh naopa chyhsa a viasa leipa la,
Pathichhiepa chyhsa chhao a pakyh khah y.
25A hrozie hâ a la aw chi ta,
Na hro châta khoheih a châ pathlei aw.
26Bie a taih thaipazy hry liata a hlao leipa la,
Leibâh châta sôhkâ a sokhâhtuhpazy hry liata chhao a hlao khah y.
27Na pie awpa na hnei khao vei tita,
Na rakhô ama châ daophi pâ pathlei aw.
28Châ pathlatuhpazy ta ama vaw bô hapa râhri lôbô hlôpa cha,
Pasi cheita khah y.
29Rai a thai kawpa chyhsa cha moh tua,
Abei hmiakô liata a duah aw ta,
Chyhsa zawrâpa hmiakô liata a duah aw vei.
Currently Selected:
BIESOZY 22: MARVBSI
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.
