BIESOZY 21
21
1Abei palôh cha Abeipa ku liata y ta,
Vahtie ti hawhta a khona lâ maih a palosa tyh.
2Chyhsa cha ano mokhaoh liata a lâpi to â do tah ta,
Abeipa deikua cha palôh kho a pathliah tyh.
3 Abeipa châta cha siana nata adona ta hmo taopa he,
Atheihna hlâta a pyh tlâh a châ via.
4Mo a sâhpa nata palôh laipa cha moleina châ ta,
Cha cha moleipa meiôh a châ.
5Achhuahna phapa a hneipa chyhsa tiamapa cha a dyhpha aw ta,
Palôh charâpa chyhsa deikua cha dyhchhiena lâ a pangai aw.
6Paleih haihthaipa ta sôh hmôpa cha,
Ti hu a lei haipa nata thina khoheih a châ.
7Moleipazy cha adona ama tao khoh leipa vâta,
Âmo nôchhiena ta a phi pathlah aw ei.
8Thailei a châpa lâpi cha a ko ta,
Chyhsa pathaihpa hro deikua cha â do.
9A hryu nawpa sai a tlua thlâh hapa lapinô nata o laipa liata y khohpa hlâta la,
Vâphuh chaki liata ypa a pha via.
10Moleipa hro cha moleina khoh ta,
A vaihzy ta a mo liata khokheina hmô veih ei.
11Mohnao a hmâhpa hriepa a châ nahta,
Sona a phahlapa vaw so ta;
Chyhsa sopa cha pachupa a châ nahta,
A pahnona â baichha tyh.
12Khazoh Siapa ta moleipa o cha mohpathli ta,
Moleipazy cha raona lâta a thy tyh ei.
13Sipasapa awna lâta a nah a chahupa cha,
Ano chhao awh aw ta a chhypa châ aw vei.
14Arulâta hmosai piepa ta hiehâhna padia ta,
Kalachhôh liata panaopapana nyupa ta pathiiana rupa a padia tyh.
15Pachiana dopa cha mosiapa alyna châ ta,
Moleipa châta deikua cha raona a châ.
16Sona lâpi a tleisaipa cha,
Athipazy ypakhyna liata â pahâ aw.
17Haosai a tlaichhaipa cha sipasapa châ aw ta,
Kresawhti nata sathaw a tlaichhaipa chhao hneirôh aw vei.
18Moleipa cha mosiapa châta chatlaina châ aw ta,
Apaphasaituhpa chhao chyhsa dopa châta chatlaina a châ aw.
19Chanô paphôhthaipa nata pathichhiepa pahrâ lâhpa hlâta la,
Râhchawhpa liata pahrâpa a pha via.
20Chyhsa sopa pahrâna liata cha ryu sôhpa nata sathaw y ta,
Chyhsa hrupa deikua cha a palâ khai ha tyh.
21Siana nata ngâchhihna a chadaipa cha,
Hrona, siana nata zana a hmô aw.
22Chyhsa sopa cha pasaiphazy khihpi lâ kiah aw ta,
Amâ pahniehna thokhy a pacho aw.
23A pakah paleih a vaihpa cha,
Nôpona tawhta a hro a vaihpa a châ.
24Akhotlâhpa nata apatahsapa moh cha “Mohnaotuh” châ ta,
Apalaina nata atahtheina ta hmo a tao tyhpa a châ.
25Thathipa cha a ku ta rai a hria khoh leipa vâta,
A hmo khohpa ta ano cha a thie aw.
26Thathipa cha noh y ta khohlei khona sai ta bie ta,
Mosiapa deikua cha pahlôh leipa ta tlao a pie tyh.
27Moleipa atheihna hlâpa cha pasichhihpa châ ta,
Moleina palôh chhaota a hlâpa chhochhi cha pasi â chhih via pachai.
28Pahnokheituh pakheipa cha leidia aw ta,
Bie a thei hmeiseihpa bie deikua cha â duah aw.
29Chyhsa moleipa cha hmiakawh kawpa ta y ta,
Chyhsa dopa deikua cha a lâpizy a phapa ta a pachâ tyh.
30Kheihawhpa sona, novâhna nata ryhraothaina hmahta
Abeipa cha pahnie aw vei.
31Arâ cha adyuhna noh châta a mâ chiehpa ta y ta,
Pahniena deikua cha Abeipa eih a châ.
Currently Selected:
BIESOZY 21: MARVBSI
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.
