BIESOZY 18
18
1Ano dei ta a y nanopa cha ano khopa sai a tluapa châ ta,
Sona dopa zydua a dyuhpa a châ.
2Ahrupa cha novâhna liata alyna hnei leipa ta,
Ano palôh reipapuana lia deita ta â ly tyh.
3Moleina a vaw y nahta,
Papeisaleina vaw y tyh ta;
Chyhsa za leina a y nahta,
Nohzaona a y tyh.
4Chyhsa pakah biezy cha ti athupa châ ta,
Sona tihnawh cha vahtie loh zaolaopa hawhta a châ.
5Moleipa khokhei viapa pha leipa ta,
Mosiapa adona chhupa chhao pha vei.
6Ahrupa hmao cha ahryuna tlôkhei ta,
A pakah ta atuna a aw.
7Ahrupa pakah cha ano raona châ ta,
A hmao chhao a hro châta khoheih a châ.
8Hohiahpa biezy cha pati pahâhpa hawhta châ ta,
Py chhôh lâ a zu tyh.
9A raihria liata chyhsa thathipa cha,
Paraotuhpa unawhpa a châ.
10 Abeipa moh cha thokhy a sâhpa thatlôpa châ ta,
Mosiapazy ta cha lâ a râ ei ta amâ boh tyh.
11Chyhsa hneirôhpa sôh cha â bohna khihpi thokhy châ ta,
Thokhy a sâhpa hawhta a mothlaw liata a y tyh.
12Palôh laina cha raona hmia lâta sie ta,
Areisina deikua cha palyupalihna hmia lâta a sie.
13Bie thei pasia hlâta achhyna a piepa chyhsa cha,
A hruna nata a maophyuhna a palâsa.
14Palôh thatlôpa cha pasana tao thei ta,
Palôh hmahphaopa deikua cha ahy ma a tao thei aw?
15Palôh sopa cha pahnona hmô ta,
Asopa nakhaoh chhao pahnona a tlua tyh.
16Kuhria piepa cha a pietuhpa châta lâpi tao ta,
Chyhsa rônahpazy hmiakô liata â chhi tyh.
17A vaihzy a vy ei ta ama padei hlâta cha,
A thaichâna bie a reih tuapa cha adopa hawhta â lâ tyh.
18Nuby a daopa ta ahryuchhiana pachhâsa ta,
A hryuh haipa thatlôpazy a pachhaih tyh ei.
19Unawh pasasa hapa cha khihpi thatlôpa hlâta pahnie ru via ta,
Cha hawpa ahryuna cha thokhy tlâh hawhta a châ.
20Chyhsa pakah thei ta a rih pabie ta,
A hmao kôvei ta lôhrâtlôpa ta a y.
21Paleih hmotaotheina liata thina nata hrona y ta,
A pasôtuhpazy ta a theizy ama nie aw.
22Lapinô a hmôpa cha hmo phapa a hmôpa châ ta,
Abeipa khokheina a totuhpa a châ.
23Sipasapa cha â haw ta a haw tyh ta,
Hneirôhpa deikua cha a chahrâh kawpa ta â chhy tyh.
24Viasa hluhpi hneipa cha raona châ thei ta,
Châhrasala unawh hlâta â i viapa viasa a y.
Currently Selected:
BIESOZY 18: MARVBSI
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.
