Titusi 1

1Amo Pɔɔl wolo na ye Wɛ kabaa de Yezu Krista totoŋa nakwe to mo popone tɔnɔ konto se a pa nmo Titusi. Wɛ pɛ-ne chwoŋa se a pa balo o na kuri se ba taa ye o nyem to taa jege wo-dedoa ded‑o, se ba kwori ba taa yei o chega kam. Chega kam konto nam mo pae se nɔɔna kɔre Wɛ lanyerane, 2kolo ŋwaane ba jege teena we, ba wó na ŋwea kalo na ba jege kweelim o tei ne to. Faŋa faŋa to, ko zege logo baŋa boboa ne, Wɛ déem tiŋi o ni ŋwea kam konto baŋa ne mo, ye o ware o ni o kwane. 3Ko daare ka maŋa kam na yi to, debam ma ba dé lɔre o ni-gwonim dem konto jaja. Ko maa ye kwora kam konto mo dé Vereno Wɛ pɛ amo ni se a taa tɔɔle a bere nɔɔna.

4Nmo Titusi ye nenɛɛne amo bu chekke mo dedaane dé na tɔge daane dé jege wo-dedoa de Yezu tei to.#2 Korinti 8:23; Galatia 2:3

Dé Kwo Wɛ, de dé Vereno Yezu Krista wó pa nmo zaane de yazura.

Yezu kɔgɔ kom nakwa taane

5Amo bu, a déem na yage nmo Kiriti ne to, ko ye se n kwaane n ke wonnu telo ta na daare se n ke to mo.#1 Tim 3:1-7 Yezu nɔɔna bam na wo teo kolo maama ne to, se n kuri nakwa da, nenɛɛne amo na maŋe a ta de nmo se n ke tei to. 6Nmo ná kuri wolo, o jege se o taa ye wolo nɔɔna na bá taa jege o yera taane to mo. O nam maŋe se o taa jege kaane dedoa yerane mo. Ko maŋe se o bia de taa jege wo-dedoa de Yezu, se nɔɔna yé pa ba ye nɔn-wo-korro de zwabani-nyena. 7Kokuri, ko maŋe se wolo na jege Yezu nɔɔna bam o nii to taa ye wolo nɔɔna na bá taa jege o yera taane to mo, Wɛ na ke o nɔɔna bam wonto jeŋa ne se o taa nii-ba to ŋwaane. O yé taa ye boyere-nyem, naa ban-lom tu, naa sa-nyɔro, naa jar-keiru, naa nɔn-kwolo, naa kampin-nyeno. 8Ko nam maŋe se o taa ye nɔn-ŋom na jeeri veira o sɔŋɔ ne to. O jege se o taa ye jawale-nyem wolo na tɔge Wɛ ni de chega, ye o wae o tete o jaana to. 9Ko ta woli da, o jege se o yɔɔre o taa tɔge taane delo debam na maŋe de bere abam to. Dento mo jege kuri lanyerane se nɔɔna sɛ-de. Konto to, o wó wane o pa se nɔɔna taa jege boboŋ-dɛɛra de ba Wɛ chega kam tɔgem. O ta wó wane o bere nɔɔna Wɛ taane dem chekke, ye o kwori o pa se balo na ve Wɛ chega kam to lɔre we ba tusi.

10Nam tiŋi yiga tiina konto dwoŋi, kolo ŋwaane zwabani-nyena dedɛ wora abam tei ne. Banto yeini ba gane nɔɔna mo ye ba bere-ba wo-yɔɔro. Ba dedɛ mo ye balo na tiini ba sɛ Juu tiina chullu tem to. 11Abam nam jege se á che banto ni taane dem mo, kolo ŋwaane ba berem dem yeini de chɔge nɔɔno de o sɔŋɔ tiina mo daane. Ba yeini ba bere kolo na wo maŋe se ba bere nɔɔna to mo, se ba gane-ba ba ma na sabu. 12Kiriti tiina bam tete sampwora déem mo wora, ye o ta o we, “Kiriti tiina yeini ba fɔ vwa mo maŋa maama. Ba maa nye de vare-balwaaro tei, ye ba ta ye jawɔre-nyena de nɔn-kwollu de.”

13O nam na tage konto to, ko ye chega mo o taga. Mo kokuri nmo nam jege se n tiini n kaane Kiriti tiina bam lanyerane se ko pa ba yɔɔre ba taa tɔge Wɛ chega kam chekke, 14se ba daa yé sɛ Juu tiina sensɔle selo na dae chega to, naa se ba sɛ chullu telo nɔɔna na ve Wɛ chega kam ye ba jege ba bere-ba to. 15Wolo maama na jege wo-pwoŋo to, kolokolo ba jege digiru wonto tei ne. Ko daare wolo na ve Wɛ ye o bochare ta jege digiru to, kolokolo tera ko na lana wonto tei ne. Konto tu boboŋa chɔge mo ye o yu-punnu vugimi. 16Nɔɔna bam konto dwoŋi nam tɛ ba we ba me de Wɛ, ye ba nam yeiri‑o. Ba kikia nam mo bere konto. Ba jege yi-dɛɛre, ye ba ke wo-zɔɔna Wɛ yiga ne. Ba ma bere ba wo maŋe de kolo maama na lana to keim.

Currently Selected:

Titusi 1: KBG

Highlight

Copy

Compare