Jeelim 36
36
Zelofehada bukwa bam taane
1Gilead sɔ-yuu kom yiga tiina déem ma zaŋe dɛ dedwe ba fɔɔre ba yi Moses dedaane Isarele sɔ-yuni tedaara yiga tiina bam tei. Gilead kwo maa ye Makira. Wonto kwo de maa ye Josɛf bu Manasɛ. 2Ba ma ta de Moses ba we, “Dé kwo, Baŋa Wɛ déem pɛ nmo mo ni se n ta jɔrɔ n ma‑n pɔɔre tega kam n pa Isarele dwia yam maama. O ta ma pa ni se n kwei tega kalo ya na wó taa ye debam choro Zelofehada nyem to n pa o bukwa bam.#Jeelim 27:1-11 3Banto nam ná zo banna na nwoŋi Isarele sɔ-yuu kodwoŋi wone to, ba tega kam laam wó ji sɔ-yuu kom konto nyem mo se ba woli-ka ba tete tega kam wone. Ko maa wó pa se debam tega kam muri. 4Ko nam ná yi ywoni dim bene dem pa se Isarele tiina kwei ba wonnu ba jwoori ba pae te tiina,#Chullu 25:8-55; 27:17-24 Zelofehada bukɔ wolo maama ná zo baro sɔ-yuu-gaa wone, kotu tega laam wó lɛɛre ka ji sɔ-yuu kom konto nyem, pa se dé nabaara bam sɔ-yuu kom ga-ka.”
5Moses déem na lɔre Baŋa Wɛ ni na ye tei de taane dem to, o ma pa Isarele tiina bam ni we, “Josɛf dwi dem nɔɔna na tage kolo to ye chega mo. 6Baŋa Wɛ na pɛ ni delo Zelofehada bukwa bam ŋwaane to mo tento:
Ba jege chwoŋa se ba kuri banna balo ba na wó zo to. Ko nam jege se ba banna nwoŋi ba kwo sɔ-yuu kom wone mo. 7Tega kalo Isarele sɔ-yuu maama na wó jwoŋi to jege se ka maŋe ba tete sɔ-yuu kom de ba kwaga kam tei ne mo. Ka bá lɛɛre ka ji sɔ-yuu kodwoŋi nyem. 8Bukɔ wolo maama ná jwoŋi tega Isarele sɔ-yuu kolo maama ŋwaane o tei, se kotu beeri baro o zo o kwo sɔ-yuu kom wone. Konto wó pa se Isarele tu maama taa tei tega kalo o na jwoŋi o nabaara sɔ-yuu kom ŋwaane to. 9Sɔ-yuu maama tega bá lɛɛre ka ji sɔ-yuu kodwoŋi nyem. Isarele sɔ-yuni tem maama tega kam jege se ka maŋe sɔ-yuu kom konto tei ne, se ba taa tei-ka.”
10Zelofehada bukwa bam déem ma seene ba sɛ Baŋa Wɛ ni dem o na pɛ Moses to. 11Maala, de Tiraza, de Hogela, de Milika, dedaane Noah mo konto. Ba ma zo ba kwo chorro tedwonna. 12Ba banna déem nwoŋi Josɛf bu Manasɛ sɔ-yuni tem wone mo. Konto ŋwaane ba tega kam maŋe ba kwo sɔ-yuu kom tei ne ye ba tei-ka.
13 Baŋa Wɛ na tɔge Moses baŋa ne o pa Isarele tiina bam nia de chullu telo to mo konto. Ka maŋa ne, de ba ta wo Moaba laŋa kam te-kampare ne mo. Jei sem konto wo Jɔdan buga kam ni ne ye Jeriko wo bubɛ dedwoŋi dem seeni.
Currently Selected:
Jeelim 36: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
