Jeelim 30
30
Ni-gwonim taane
1Moses déem ma ta de Isarele nakwa bam o we, 2“Baŋa Wɛ ni dem mo tento:
Baaro ná gwoni ni o pa Baŋa Wɛ, naa o ná dugi duuri se o kwei woŋo o pa‑o, se konto tu yé jwoori o ni dem kwaga ne. O jege se o ke kolo maama o na tage to mo.
3Ko nam ná ye bukɔ na zoore o kwo sɔŋɔ ne to ná gwoni ni naa o du duuri se o ke woŋo o pa Baŋa Wɛ, 4ye o kwo ná lɔre ko ni ne, pa se o chem, ko jege se bukɔ wom seene o ke o ni dem na bere tei maama to mo. 5Se o kwo nam ná nigi o bukɔ wom ni-gwonim dem ŋwa, pa se o yiri-de o yage, bukɔ wom daa dae se o ke o tɔge kolo o na gwoni ni naa o du duuri se o ke to. Baŋa Wɛ wó kwei o kikia o chɛ‑o, o kwo na wo sɛ to ŋwaane.
6Bukɔ ni nam ná vere pa o du duuri naa o gwoni ni se o ke woŋo, se ko lwoori o ban-zore, 7o jege se o ke nenɛɛne o ni dem na bere tei maama to mo, ko ná dae we o baro wom mo nigi de ŋwa ye o yiri-de o yage. 8O baro wom nam ná nigi ye o yiri-de, kaane wom daa dae se o ke o tɔge kolo o na dugi duuri naa o gwoni ni se o ke to. Baŋa Wɛ wó kwei o kikia o chɛ‑o.
9Kadeina de balo ban-zore na chɔge to ná dugi duuri naa ba gwoni ni ba pa Wɛ, ba jege se ba ke ba nia yam na bere tei maama to mo.
10Kaane nam ná zoore o baro sɔŋɔ ne ye o gwoni ni naa o du duuri, 11o baro wom ná nigi ko ŋwa pa se o wo tage ded‑o we o yiri o ni dem o yage, kaane wom jege se o ke o tɔge o ni dem na bere tei maama to mo. 12O baro wom nam ná nigi ye o yiri-de, kaane wom daa dae se o ke o tɔge kolo o na gwoni ni naa o du duuri se o ke to. Baŋa Wɛ wó kwei o kikia o chɛ‑o, o baro wom na wo sɛ to ŋwaane.
13Nɔɔno kaane ná dugi duuri naa o gwoni ni se o gwooni o tete, o baro wom jege chwoŋa se o sɛ o ni dem konto, naa se o yiri-de o yage. 14O baro wom nam ná nigi o ni dem ŋwa pa se da yalei kɛ ye o ta maŋe da chemm, ko bere we o sɛ se o kaane wom ke o tɔge o ni dem na bere tei maama to mo. Kaane wom maa jege se o ke se ko tɔge de o ni dem mo, o baro wom na lɔre de ni ne ye o chem to ŋwaane. 15Da yalei nam ná kɛ ye o baro wom laam yiri kotu ni dem o yage, kaane wom tusim dem wó taa wo o baro wom yuu ne mo.”
16Nia yanto mo Baŋa Wɛ déem pɛ Moses baara de ba kaana seeni, dedaane bukwa balo ta na zoore ba kwoa tei ne to seeni.
Currently Selected:
Jeelim 30: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
