Jeelim 29
29
Nabwanno wum kuri dem pɛɛra
Chullu 23:23-25
1Bene maama wone chane serepɛ chana kam boboa dɛ dem ne, se á yage á dɛ dɛ totoŋa yalo á na yeini á toŋa to se á daare á jeeri daane á zuli Wɛ. Dɛ dem konto ne á wó wu nabwanno mo. 2Á jege se á kwei na-bala dedoa mo, de pi-bea dedoa, de pi-bale serepɛ na ye bene bene to á ma‑á ke zwɛɛm kaanem se de lwom dem taa ywomma de pae Baŋa Wɛ. Vara bam maama nam ba jege se ba taa jege gɛɛ ba yera ne. 3Na-bala kam kaanem ŋwaane se á kwei wodiu pɛɛre na ye mun-bwei bwɛ seredo ye de viiri dedaane nuga to á woli da. Ko ná ye pi-bea kam kaanem, wodiu pɛɛre dem wó taa ye mun-bwei bwɛ sena mo. 4Wodiu pɛɛre dem wó taa ye mun-bwei bwɛ selei pi-bale serepɛ sem dedoa dedoa kaanem ŋwaane. 5Á ta wó kwei bo-bala dedoa mo á woli da se á ma‑á ke wɛleera saarem kaanem se á le nɔɔna bam wɛleera Wɛ yiga ne. 6Nam kwei-na pɛɛra yam konto maama á ke kaanem á woli chan-doŋa zwɛɛm kaanem, de dɛ maama zwɛɛm kaanem, dedaane ya wodiu pɛɛra yam de ya wo-nyɔɔro pɛɛra yam wone, ne Wɛ na pɛ abam ni se á ta‑á ke tei to. Ya ye wodiu pɛɛra mo á na ke á pa Baŋa Wɛ. Ya lwom dem maa ywomma de pa‑o.
Wɛleera saarem dɛ dem pɛɛra
Chullu 23:26-32
7Chane serepɛ chana kam da fuga dɛ dem ne, se á jeeri daane á zuli Wɛ. Dɛ dem konto wone á jege se á gwooni á tete mo se á yage totoŋa dwi maama. 8Nam kwei-na na-bala dedoa, de pi-bea dedoa, de pi-bale serepɛ na ye bene bene to á ma‑á ke zwɛɛm kaanem se de lwom dem taa ywomma de pae Baŋa Wɛ. Vara bam maama ba jege se ba taa jege gɛɛ ba yera ne. 9Na-bala kam kaanem ŋwaane se á kwei wodiu pɛɛre na ye mun-bwei bwɛ seredo na viiri dedaane nuga to á woli da. Ko ná ye pi-bea kam kaanem, wodiu pɛɛre dem wó taa ye mun-bwei bwɛ sena mo. 10Wodiu pɛɛre dem wó taa ye mun-bwei bwɛ selei pi-bale serepɛ sem dedoa dedoa kaanem ŋwaane. 11Á ta wó kwei bo-bala dedoa mo á woli da se á ma‑á ke wɛleera saarem kaanem. Nam ke-na pɛɛra yam konto maama á woli de wɛleera saarem kaanem delo na le nɔɔna bam wɛleera Wɛ yiga ne to, dedaane dɛ dɛ zwɛɛm kaanem dem, de de wodiu pɛɛre dem, de wo-nyɔɔro pɛɛra yam maama.
Vwoa chwiim kuri dem pɛɛra
Chullu 23:33-43; Nia Gulim 16:13-15
12Chane serepɛ chana kam da fuga-yanu dɛ dem ne se á yage totoŋa yalo á na yeini á toŋa dɛ dɛ to se á daare á jeeri daane á zuli Wɛ. Á wó ke da yarepɛ mo á di kuri á ma‑á zuli Baŋa Wɛ. 13Boboa dɛ dem ne, kwei-na na-bale fuga-setɔ, de pi-bɛ selei, dedaane pi-bale fuga-sena na ye bene bene to á ma‑á ke zwɛɛm kaanem á pa Baŋa Wɛ se de lwom dem taa ywomma de pa‑o. 14Na-bale fuga-setɔ sem dedoa dedoa kaanem ŋwaane se á kwei wodiu pɛɛre na ye mun-bwei bwɛ seredo na viiri dedaane nuga to á woli da. Ko ná ye pi-bɛ selei sem dedoa dedoa kaanem, wodiu pɛɛre dem wó taa ye mun-bwei bwɛ sena mo. 15Wodiu pɛɛre dem wó taa ye mun-bwei bwɛ selei pi-bale fuga-sena sem dedoa dedoa kaanem ŋwaane. 16Á ta wó kwei bo-bala dedoa mo á woli da se á ma‑á ke wɛleera saarem kaanem. Nam ke-na pɛɛra yam konto á woli dɛ dɛ zwɛɛm kaanem dem, de de wodiu pɛɛre dem, de wo-nyɔɔro pɛɛre dem wone.
17Da yalei dɛ dem wone, se á kwei na-bale fuga-selei, de pi-bɛ selei, dedaane pi-bale fuga-sena na ye bene bene to á ma‑á ke kaanem. Vara bam maama nam dae se ba taa jege gɛɛ ba yera ne. 18Á wó ke wodiu pɛɛra dedaane wo-nyɔɔro pɛɛra á woli da, se ya maŋe de vara bam ni na mae tei to. 19Á ta wó kwei bo-bala dedoa mo á woli da se á ma‑á ke wɛleera saarem kaanem. Nam ke-na pɛɛra yam konto á woli dɛ dɛ zwɛɛm kaanem dem, de de wodiu pɛɛre dem, de wo-nyɔɔro pɛɛra yam wone.
20Da yatɔ dɛ dem ne, se á kwei na-bale fuga-dedoa, de pi-bɛ selei, dedaane pi-bale fuga-sena na ye bene bene to á ma‑á ke kaanem. Vara bam maama nam dae se ba taa jege gɛɛ ba yera ne. 21Á wó ke wodiu pɛɛra dedaane wo-nyɔɔro pɛɛra á woli da, se ya maŋe de vara bam ni na mae tei to. 22Á ta wó kwei bo-bala dedoa mo á woli da se á ma‑á ke wɛleera saarem kaanem. Nam ke-na pɛɛra yam konto á woli dɛ dɛ zwɛɛm kaanem dem, de de wodiu pɛɛre dem, de wo-nyɔɔro pɛɛre dem wone.
23Da yana dɛ dem ne, se á kwei na-bale fuga, de pi-bɛ selei, dedaane pi-bale fuga-sena na ye bene bene to á ma‑á ke kaanem. Vara bam maama nam dae se ba taa jege gɛɛ ba yera ne. 24Á wó ke wodiu pɛɛra dedaane wo-nyɔɔro pɛɛra á woli da, se ya maŋe de vara bam ni na mae tei to. 25Á ta wó kwei bo-bala dedoa mo á woli da se á ma‑á ke wɛleera saarem kaanem. Nam ke-na pɛɛra yam konto á woli dɛ dɛ zwɛɛm kaanem dem, de de wodiu pɛɛre dem, de wo-nyɔɔro pɛɛre dem wone.
26Da yanu dɛ dem ne, se á kwei na-bale nogo, de pi-bɛ selei, dedaane pi-bale fuga-sena na ye bene bene to á ma‑á ke kaanem. Vara bam maama nam dae se ba taa jege gɛɛ ba yera ne. 27Á wó ke wodiu pɛɛra dedaane wo-nyɔɔro pɛɛra á woli da, se ya maŋe de vara bam ni na mae tei to. 28Á ta wó kwei bo-bala dedoa mo á woli da se á ma‑á ke wɛleera saarem kaanem. Nam ke-na pɛɛra yam konto á woli dɛ dɛ zwɛɛm kaanem dem, de de wodiu pɛɛre dem, de wo-nyɔɔro pɛɛre dem wone.
29Da yaredo dɛ dem ne, se á kwei na-bale nana, de pi-bɛ selei, dedaane pi-bale fuga-sena na ye bene bene to á ma‑á ke kaanem. Vara bam maama nam dae se ba taa jege gɛɛ ba yera ne. 30Á wó ke wodiu pɛɛra dedaane wo-nyɔɔro pɛɛra á woli da, se ya maŋe de vara bam ni na mae tei to. 31Á ta wó kwei bo-bala dedoa mo á woli da se á ma‑á ke wɛleera saarem kaanem. Nam ke-na pɛɛra yam konto á woli dɛ dɛ zwɛɛm kaanem dem, de de wodiu pɛɛre dem, de wo-nyɔɔro pɛɛre dem wone.
32Da yarepɛ dɛ dem ne, se á kwei na-bale serepɛ, de pi-bɛ selei, dedaane pi-bale fuga-sena na ye bene bene to á ma‑á ke kaanem. Vara bam maama nam dae se ba taa jege gɛɛ ba yera ne. 33Á wó ke wodiu pɛɛra dedaane wo-nyɔɔro pɛɛra á woli da, se ya maŋe de vara bam ni na mae tei to. 34Á ta wó kwei bo-bala dedoa mo á woli da se á ma‑á ke wɛleera saarem kaanem. Nam ke-na pɛɛra yam konto á woli dɛ dɛ zwɛɛm kaanem dem, de de wodiu pɛɛre dem, de wo-nyɔɔro pɛɛre dem wone. 35Da nana dɛ dem ná yia, á ta wó yage totoŋa yalo á na yeini á toŋa dɛ dɛ to se á jeeri daane á zuli Wɛ. Dɛ dem konto ye de yera Wɛ ŋwaane mo.#Chullu 23:36 36Nam kwei-na na-bala dedoa, de pi-bea dedoa, de pi-bale serepɛ na ye bene bene to á ma‑á ke zwɛɛm kaanem se de lwom dem taa ywomma de pae Baŋa Wɛ. Vara bam maama ba jege se ba taa jege gɛɛ ba yera ne. 37Á wó ke wodiu pɛɛra dedaane wo-nyɔɔro pɛɛra á woli da, se ya maŋe de vara bam ni na mae tei to. 38Á ta wó kwei bo-bala dedoa mo á woli da se á ma‑á ke wɛleera saarem kaanem. Nam ke-na pɛɛra yam konto á woli dɛ dɛ zwɛɛm kaanem dem, de de wodiu pɛɛre dem, de wo-nyɔɔro pɛɛre dem wone.
39Á jege se á ke pɛɛra yam konto mo á pa Baŋa Wɛ á kura dim maŋa ne. Ko ná ye zwɛɛm kaanem pɛɛra yam, de wodiu pɛɛra yam, de wo-nyɔɔro pɛɛra yam, de yazura pɛɛra yam, á wó ke-ya á woli de á wo-ywoŋo pɛɛra yam, de pɛɛra yalo á na ke ni-gwonim ŋwaane to mo.”
40Moses déem ma yɔɔre o ta de Isarele tiina bam kolo maama Baŋa Wɛ na pɛ‑o ni se o ta to.
Currently Selected:
Jeelim 29: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
