Josua 15

Judah dwi dem tega kam

1Ba déem na kuri tega kalo ba pa Judah dwi dem to tole ka tu tega-kuri seeni mo ka tɔge Edom siseini dem ka vo ka yi Zin kagoa kam mo.

2Ba tega kam tega-kuri seeni bobo Yɛ naneo kom#15:2 Yɛ naneo kom = The Dead Sea kuri nabili seeni mo. 3Ka ma vo ka lɛɛne Nɔŋɔ zwonnu chwoŋa kam tega-kuri seeni ka kɛ ka yi Zin kagoa kam ne. Ka ta maa vei Kadese-Baranea kuri seeni konto, ka daare ka yi Hezeron ne. Ka laam ma di Adara ne ka pipiri ka yɔɔre Karaka seeni. 4Ka ma zege dáane ka tɔge Azemon ne, ka tole taa ka yi Ejipti bu-nɔgɔ kom, ye ka laam vo ka kweeli Mediterania naneo kom ni ne mo. Judah dwi dem tega kam tega-kuri seeni siseini mo konto.

5Ko daare ba tega kam wɛ-puli seeni siseini dem wó taa tole Yɛ naneo kom ni dem mo konto, se ka vo ka yi Jɔdan buga kam ni dem ne. Baŋa seeni siseini dem de maa wó bobo jei sem konto ne, Jɔdan buga kam na zo Yɛ naneo kom mɛ to, 6ye ka laam vo ka yi Bɛte-Hogala. Ka ta ma tɔge Bɛte-Araba baŋa seeni ka kɛ ka yi Bohan Kandwɛ dem. Bohan déem ye Ruben bu mo. 7Ka na zege dáane to, ka laam ma kwei Akore bwolo kom, ka yi Debiri ne, ka daare ka pipiri baŋa seeni ka di Giligal ne. Giligal déem yɔɔre Adumim sisworo kom na wo bwolo kom tega-kuri seeni to. Ko na zege dáane to, siseini dem laam ma kɛ de yi En-Semesa buli-yia yam ne mo, se ka yi En-Rogele. 8Siseini dem ta tole de tɔge Ben-Hinom bwolo kom ne mo, se ko taa vei Jebusi tiina teo kom zwoŋo kom tega-kuri seeni. Jerusalem mo konto. De daa ta ma kɛ de di baŋa seeni se ko maŋe de Hinom bwolo kom wɛ-zoore dem seeni, Refayim bwolo kom baŋa seeni na kweeli mɛ to mo. 9Ka zege zwoŋo kom baŋa ne ka vo ka yi Nefatoa buli-yia yam ne mo, se ka yi teene delo na wo Eforon Peo kom teiŋa ne to. Ka daa ma gugwoli ka yɔɔre Baala seeni. (Kiriaf-Jeerim mo konto.) 10Ba tega kam na kwei Baala wɛ-zoore seeni to, ka vo ka tɔge Seyira Peo kom mo, ka vo ka yi Jeerim peo sisworo kom. (Chesalon mo konto.) Ka laam ma tu ka vo Bɛte-Semesa teo kom, ka daare ka tɔge Timina seeni ka kɛ. 11Siseini dem ta kɛ de vo zwoŋo kolo na wo Ekoron baŋa seeni to mo, de pipiri de yɔɔre Sikeron de daare de kɛ de gaale Baala peo kom. De ma yi Jaminia teo kom ne, ye de vo de kweeli Mediterania naneo kom ne.

12Judah dwi dem tega kam wɛ-zoore seeni siseini dem mo déem ye Mediterania naneo kom ni dem. Judah sɔ-yuni tem maama déem zoore siseina yanto wone mo.#Jeelim 34:3-12

13 Baŋa Wɛ déem ya pɛ Josua ni mo se o fɔ Judah laŋa kam wone o pa Jefunɛ bu Kaleb. Josua de ma seene o ke konto. Ba déem kwei Heboron mo ba pa‑o. Teo kom konto ya ye Araba nyem mo. Wonto maa ye Anaki tiina nabaaro. 14Kaleb déem ma zeili Anaki dwia yatɔ yam na wo Heboron ne to, o daare jei sem konto. Banto déem mo ye: Sesayi, Ahiman, dedaane Talimayi. 15Konto kwaga ne to, o vei o ke jara mo dedaane Debiri teo kom tiina. (Boboa ne to, teo kom konto yere déem mo ye Kiriaf-Sefera.) 16Kaleb déem ma ta o we, “Amo wó kwei a bukɔ Akisa a pa nɔɔno wolo maama na wó wane o vo o ke jara dedaane Kiriaf-Sefera tiina bam ye o wane-ba to.” 17Kenazi bu Ofineli déem ma vo o ke jara yam, ye o wane teo kom nɔɔna bam.#Yiga tiina 3:9-11 Kenazi de déem ye Kaleb choro mo. O ma kwei o bukɔ Akisa o pa Ofineli, se o di o ma o ji o kaane.

18Kadiri dem maŋa kam ne mo, o tage de o baro wom se ba beeri tega ba jwoŋi o kwo wom tei ne. O déem ma di bonaga o vo o tu o kwo yiga ne, ye o kwo bwei‑o o we, “Bɛ mo nmo lage se a ke a pa‑m?” 19Akisa ma leiri‑o o we, “A lwoori se n ke-ne zaane mo. Nmo na pɛ-ne tega kalo to ye kagoa yerane mo. Konto to, a lage mɛ na na buri to mo se n kwei n pa-ne.” Kaleb ma beeri buli-yia jei o pa‑o, baŋa seeni de tega-kuri seeni maama.

20Tega kanto mo ba déem pɛ Judah dwi dem, sɔ-yuu maama de ko nyem.

21Teene dento déem wo tega-kuri seeni mo, de na ba tware de Edom siseini dem to:

Kabezele, de Edera, de Jagura, 22de Kina, de Dimona, de Adada, 23de Kedesa, de Hazora, de Ifanan, 24de Zifi, de Telem, de Bealofa, 25de Hazora-Hadata, de Keriof-Hezeron (Hazora mo konto), 26de Amam, de Sema, de Molada, 27de Hazara-Gada, de Hesemon, de Bɛte-Peleta, 28de Hazara-Suali, de Beeriseba, de Biziofia, 29de Baala, de Iyim, de Ezem, 30de Eletolada, de Kesila, de Horama, 31de Zikalag, de Madamana, de Sansana, 32de Lebaof, de Silihim, de Ayin, dedaane Rimon.

De déem ye teene finlei-nogo mo de de nawuura yam maama.

33Teene dento de maa wo wɛ-zoore bwollu tem seeni mo:

Esatola, de Zora, de Asena, 34de Zanoa, de En-Ganim, de Tapua, de Enam, 35de Jaremuf, de Adulam, de Sokoo, de Azeka, 36de Saarayim, de Aditayim, de Gedera, dedaane Gederotayim.

De ye teene fuga-dena mo, dedaane de nawuura yam.

37Teene dento de ta woli da mo:

Zenan, de Hadasa, de Migadal-Gad, 38de Dilean, de Mizipa, de Joketeeli, 39de Lakisi, de Bozekafa, de Egilon, 40de Kabon, de Laamasa, de Kitilisi, 41de Gederofa, de Bɛte-Dagon, de Naama, de Makeda.

Teene fuga-deredo mo konto, de de nawuura yam.

42Teene dento de ta wora:

Libina, de Efera, de Asan, 43de Ifata, de Asena, de Neziba, 44de Keila, de Akiziba, dedaane Maresa.

Dento ye teene nogo mo, de de nawuura yam.

45Ekoron dedaane ko te-balwa bam de ko nawuura yam maama.

46Ko na zege Ekoron ne se ko tɔge wɛ-zoore seeni:

teene delo maama na bwola de Asedodi to, 47Asedodi, de Gaza, de de te-balwa, de de nawuura yam maama, se ko ta tu Ejipti bu-nɔgɔ kom, ko vo ko tole Mediterania naneo kom ni.

48Ko na maŋe dedaane zwonnu laŋa kam to, teene dento mo wora:

Samira, de Jatira, de Sokoo, 49de Dana, de Kiriaf-Sana (Debiri mo konto), 50de Anaba, de Esetemoo, de Anim, 51de Gosen, de Holon, de Giloo.

Teene fuga-dedoa mo konto, de de nawuura yam maama.

52Arab, de Duma, de Esan, 53de Janim, de Bɛte-Tapua, de Afeka, 54de Humata, de Heboron, de Ziora.

De ye teene nogo mo, de de nawuura yam.

55Maon, de Kamele, de Zifi, de Juta, 56de Jezerele, de Jokadeam, de Zanoa, 57de Kayin, de Gibea, de Timina.

Dento de ye teene fuga mo, de de nawuura yam.

58Halula, de Bɛte-Zura, de Gedora, 59de Marafa, de Bɛte-Anofa, de Eletekon.

Teene deredo mo konto, de de nawuura yam.

60Kiriaf-Baal (Kiriaf-Jeerim mo konto), dedaane Raba.

De ye teene delei mo, dedaane de nawuura yam.

61Ba laŋa kalo na wo kagoa kam seeni to, teene dento de maa wora:

Bɛte-Araba, de Midin, de Sekaka, 62de Nibisan (konto maa ye ‘Yɛ Teo’ mo), ko woli de En-Gedi.

Dento de maa ye teene deredo, de de nawuura yam.

63Jebusi tiina bam déem zoore Jerusalem ne mo. Judah tiina bam nam wo wane-ba ba zeili. Jebusi tiina bam dedaane Judah tiina bam maa zoore daane de zem maama.#1 Tigisim 11:4

Currently Selected:

Josua 15: KBG

Highlight

Copy

Compare