Josua 12

Pwa balo Isarele tiina bam na wane to

1Moses ya ta na wo tege to, Isarele tiina bam maŋe ba di pwa balei balo na zoore Jɔdan buga kam wɛ-puli seeni to. Ba déem go-ba mo ye ba daare ba jwoŋi ba tega kam ba tei. Ba tega kam zege Aranon bwolo kom ne mo, ka laam tɔge Jɔdan buga kam wɛ-puli seeni ka di baŋa seeni ka yi Heremon Peo kom.

2Da-yiga pɛ wom ye Amori tiina pɛ Sihon, o déem na zoore Hesebon wone to mo. O paare laŋa kam zege Arowa na wo Aranon bwolo kom ni ne to mo ka yi Jaboke buga kam.#Jeelim 21:21-24 Buga kam konto déem mo ye Amon tiina bam siseini. Teo kolo na wo Aranon bwolo kom tetare ne to, ko woli de Gilead tega kam chichworo tɔge te wo laŋa kam wone. 3Pɛ Sihon laŋa kam ya ta ma zege Galili naneo kom kuri seeni ka tɔge Jɔdan buga kam wɛ-puli seeni, ka vo ka yi Araba naneo kom. Yɛ naneo kom mo konto.#12:3 Yɛ naneo kom = The Dead Sea O tega kam ta ma yi Bɛte-Jesimofa, se ka laam ta tu tega-kuri seeni ka yi Pisiga peo kom teiŋa.

4Moses de o nɔɔna bam déem ta ma di Basan teo Pɛ Oga. Wonto déem mo kweeli Refayi tiina bam jeŋa ne. O déem jege o paare dem o di Asetarof dedaane Ederi teene dem ne mo. 5Jei sento maama déem mo ye o paare dim laŋa kam: Heremon Peo kom, de Saleka, dedaane Basan laŋa kam maama na vei ka yi Gesura tiina de Maaka tiina laŋa siseini dem na wo wɛ-zoore seeni to. O déem ta ma tei Gilead chichworo kolo na wo baŋa seeni to. O paare laŋa kam déem kɛ ka yi Hesebon Pɛ Sihon laŋa siseini dem.

6 Baŋa Wɛ tontoŋeno Moses dedaane Isarele tiina bam déem mo wane pwa balei bam konto. O ma kwei ba tega kam o pɔɔre pɔɔre o pa Ruben dwi dem, de Gad dwi dem, ko woli dedaane Manasɛ dwi dem chichworo, se ba taa tei.

7Ko maa ná ye pwa balo na zoore Jɔdan buga kam wɛ-zoore seeni to, Josua de Isarele tiina bam déem mo wane banto. Ba laŋa kam maa zege Baal-Gad na wo Lebanon bwolo kom ne to, se ko yi Halaka Peo kom na wo Seyira seeni to. Josua déem ma kwei tega kam konto maama o pɔɔre pɔɔre o pa Isarele tiina bam se ba taa tei. 8Mɛ o na pɔɔre o pa-ba to woli de zwonnu tem laŋa kam, dedaane wɛ-zoore seeni bwollu tem. Ka daa maa kwei Jɔdan bwolo kom dedaane laŋa kam konto maama, se ko taa vei kagoa kam na wo tega-kuri seeni to. Nɔɔna balo déem na zoore teene dem konto maama wone to ye Hiti tiina, de Amori tiina, de Kanaan tiina, de Pɛrizi tiina, de Hivi tiina, dedaane Jebusi tiina bam mo.

9Pwa balo na zoore Jɔdan buga kam wɛ-zoore seeni ye Isarele tiina bam wane-ba to maa ye:

Jeriko teo Pɛ, Ayi teo Pɛ (Ayi bwola de Bɛtel), 10Jerusalem teo Pɛ, Heboron teo Pɛ, 11Jaremuf teo Pɛ, Lakisi teo Pɛ, 12Egilon teo Pɛ, Gezere teo Pɛ, 13Debiri teo Pɛ, Gedera teo Pɛ, 14Horama teo Pɛ, Arada teo Pɛ, 15Libina teo Pɛ, Adulam teo Pɛ, 16Makeda teo Pɛ, Bɛtel teo Pɛ, 17Tapua teo Pɛ, Hefera teo Pɛ, 18Afeka teo Pɛ, Lasaron teo Pɛ, 19Madon teo Pɛ, Hazora teo Pɛ, 20Simiron-Meron teo Pɛ, Akasaf teo Pɛ, 21Taanaka teo Pɛ, Megido teo Pɛ, 22Kedesa teo Pɛ, Jokeneam na wo Kamele ne to teo Pɛ, 23Dora na wo Nafofa-Dora ne to teo Pɛ, Goyim na wo Giligal ne to teo Pɛ, 24Tiraza teo Pɛ.

Pwa bam maama ná woli daane, ba ye pwa fintɔ-dedoa (31) mo.

Currently Selected:

Josua 12: KBG

Highlight

Copy

Compare