Yiga tiina 17
17
Mika na jege jwona yalo to
1Nɔɔno wodwoŋi déem zoore Efrayim zwonnu laŋa kam ne, o yere maa ye Mika. 2O ma ta de o nu o we, “Nmo lu-nyenno sabu-dala bia fuga-dedoa na jei to, a nigi n na sɔɔle n yage wolo na ŋɔge-ko to yuu ne. Amo ya mo ŋɔge-ko a kwei. Nam nii n sabu kom a jwoori a jege a beene se a pa‑m.” O nu wom ma leiri o we, “Amo bu, Baŋa Wɛ swolim taa wo n yuu ne.”
3Mika ma kwei sabu kom o pa o nu. O de ma leiri o we, “A jwoŋi sabu kom a bu wom jeŋa ne ye a jwoori a kwei-ko a pa Baŋa Wɛ mo a bu wom ŋwaane. A lage se ba ma-ko ba ma ke jwoni nyenyego, ye ba daare ba ma lu-nyenno ba kwoli ko maama.” 4Mika na kwei-ko o pa o nu to, o nu wom ma le sabu-dala bia yalei o pa gɔgɔ, pa se o ma o ke jwoni, ye o daare o ma lu-nyenno o taare-de o pa‑o. Ba ma pa se de zege Mika sɔŋɔ ne.
5Mika déem ya kwɛ diga mo o sɔŋɔ kom ne se ka taa ye wara-jei. O ma ke o jwona de kaanem gare-wogo o zege da, ye o daare o kuri o bia bam dedoa se o taa ye kaanem tu o pa‑o.#Yiga tiina 8:27 6Kanto maŋa ne, Pɛ ta tere Isarele logo kom wone, nɔɔno maama maa ke o boboŋa na lage tei to.
7Nɔn-doŋo dedoa de déem wora. O maa ye Levi dwi tu ye o zoore Bɛtelehem na wo Judah laŋa kam wone to. 8Nɔɔno wom ma nwoŋi da Bɛtelehem ne se o beeri jei-gaa o zo o taa toŋe o totoŋa. O ma beeri o yi Mika sɔŋɔ na wo Efrayim zwonnu laŋa kam ne to. 9Mika ma bwei nɔɔno wom o we, “Nmo nwoŋi yein-seeni mo?” O de ma leiri o we, “Amo ye Levi tu mo, ye a laam zoore Bɛtelehem na wo Judah ne to. A nam kare a beeri mɛ a na wó taa zoore ye a na totoŋa to mo.”
10Mika laam ma ta o we, “Nam ta‑n zoore ywo-seeni. Nmo laam wó ta‑n bere-ne chwei ye n daare n kaane n pa-ne. Bene maama wone, amo wó pa‑m lu-nyenno sabu-dala fuga, dedaane gwaaro, ye a ta pa‑m n ni-wodiu.” 11Levi dwi tu wom ma sɛ ye o lɛɛre o zoore Mika sɔŋɔ ne. Mika de ma jwoŋi‑o nenɛɛne o bu tei. 12O ma le‑o o zege pa se o ye kaanem tu o pa‑o. Nɔɔno wom de ma lɛɛre o maŋe Mika sɔŋɔ ne. 13Mika ma ta o we, “Amo yei we Baŋa Wɛ laam wó ke-ne lanyerane, a na jege Levi dwi tu a sɔŋɔ ne pa se o ye a kaanem tu to ŋwaane.”
Currently Selected:
Yiga tiina 17: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
