Yiga tiina 10
10
Tola yera taane
1Abimeleka toone kwaga ne mo Pua bu Tola déem tu o jwoŋi Isarele tiina bam o yage. O nwoŋi Isakara dwi dem ne mo, ye o kwo-nakwe yere ye Dodo. O maa zoore Efrayim zwonnu laŋa kam teo kodwoŋi ne, ko yere na ye Samira to. 2O nii Isarele tiina bam baŋa ne bena finlei-yatɔ mo, ye o laam te. Ba déem ma suli‑o Samira ne.
Jayira yera taane
3Wonto de toone kwaga ne mo Jayira tua o wora. O ye Gilead tu mo, ye o nii Isarele tiina bam baŋa ne bena finlei-yalei. 4O maa jege bu-baara fintɔ. Banto maa jege bonɛ fintɔ ba yeini ba diina. Ba daa ta maa jege teene fintɔ Gilead laŋa kam ne ba nia. De zem maama, nɔɔna ta bwoi teene dem we Havofa-Jayira mo. 5Jayira ma te, ye ba suli‑o Kamon ne.
Amon tiina bam na pɛ ko zo Isarele tiina bam yera tei to
6Isarele tiina bam déem daa ma toŋe lwarem ba chɔge Baŋa Wɛ yiga. Ba déem zuli Baal de Asetare jwona yam mo. Ba daa ta maa zuli jwona yalo na ye Aram tiina wa, de Sidon tiina wa, de Moaba tiina wa, ko kwei Amon tiina wa, dedaane Filisi tiina bam wa mo. Ba kikia yam konto ma pa se ba yage Baŋa Wɛ, ye ba daa ba zuli‑o. 7Baŋa Wɛ bane ma tiini de zaŋe dedaane Isarele tiina bam, ye o pa chwoŋa se Filisi tiina bam dedaane Amon tiina bam di-ba. 8Bene dem konto wone, ba pɛ se ko zo Isarele tiina bam yera mo, pa se ba teiŋa bugi. Ba ma bɛɛse Isarele tiina balo na zoore Gilead ne to bena fuga-nana mo. Jei sem konto maa wo Jɔdan buga kam bubɛ delo na jeeri wɛ-puli seeni to. Amori tiina bam na zoore mɛ seeni to mo konto. 9Amon tiina bam ma bɛ Jɔdan buga kam, ye ba ba ba ke jara dedaane Judah tiina bam, de Benjamin tiina bam, dedaane Efrayim tiina bam maama. Isarele tiina wo ma tiini ko pɛ. 10Isarele tiina bam ma kaase ba jare Baŋa Wɛ ye ba we, “Chega ŋwaane to, debam tusi mo n yiga ne, kokuri to dé yage nmo na ye debam Wɛ wom to mo ye dé laam vo dé zuli Baal jwona yam.”#Jeremia 2:27
11 Baŋa Wɛ déem ma leiri-ba o we, “Amo maŋe a wo jwoŋi abam mo a yage Ejipti tiina bam de Amori tiina bam de Amon tiina bam dedaane Filisi tiina bam jeŋa ne na? 12Ko ta ke konto mo ye Sidon tiina bam de Amaleki tiina bam de Midian tiina bam yaare abam. Á ma á keeri á jare-ne, ye a jwoŋi abam a yage ba maama jeŋa ne. 13Tento maama ke mo, ye á ta ve amo á daare á jege wa yadwonna á zula. Konto to, amo daa bá jwoŋi abam a yage. 14Véi-na á keeri á jare wa yalo á laam na kuri á pa á tete to, se ya jwoŋi abam ya yage á cham dem wone.”
15Isarele tiina bam déem ma ta Baŋa Wɛ ba we, “Debam ke wɛleere dedɛ. Ke n na lage tei to debam yera ne, se n jwoŋi debam n yage zem dɛ dento.” 16Ba laam ma dole ba wa-yɔɔro telo na wo ba tetare ne to ba yage, ye ba daare ba zuli Baŋa Wɛ. Baŋa Wɛ daa maa ware se o taa chem ye o nii Isarele tiina bam de ba cham dem.
Jefeta yera taane
17Amon tiina bam déem ma bwoŋi daane se ba kwaare jara de Isarele tiina bam. Ba ma vo ba chwi ba vwoa Gilead ne. Isarele tiina bam de ma ke ba tete daane ba jeeri Mizipa ne ba chwi ba vwoa da. 18Gilead nɔn-yum tem ma bwɛ daane we, “Wolo maama na sɛ se o da yiga o ja jara yam o jeeri Amon tiina bam to mo wó taa ye Gilead tiina bam maama yuu tu.”
Currently Selected:
Yiga tiina 10: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
