Nia Gulim 32
32
1“Tega baŋa, ba n cheigi a taane dem!
Se wɛyuu de, ba n ni kolo a na jege se a ta to!
2Wɛ wó pa a berem dem to á zwa ne
ne kunkwoŋo na siiri tei to mo,
ne nyɔnɔ de na to tega ne tei to.
A botare sem wó taa nye de do-mimina na siiri
men-chena de ga-lɛɛro baŋa ne tei to mo.
3A lage a zeiŋi Baŋa Wɛ yere!
Ba-na dé zuli dé Tu Wɛ wom de o kamunni dem.
4 Baŋa Wɛ maa ye peo mo o pae debam.
O totoŋa maama lana dedɛ,
ye o chwei sem de yɔɔre se jege chega.
Nɔɔna wae ba sale o yera ne,
ye o ba kwane o ni.
Kolo maama o na toŋe to ye chega mo.
5Abam Wɛ nɔɔna bam nam lɔge o kwaga ne.
Á ye chaveera yerane mo,
ye chwoŋa daa tera se á ta‑á ye o nɔɔna,
á na tiini á tusi to ŋwaane.
6Agɛboŋa tiina, mo á na wó ke Baŋa Wɛ tei na?
Á ba jege swa!
Wonto mo ye á Kwo de á Keiru.
O maa ye wolo na pɛ abam kugu jei logo baŋa ne to.
7Guli-na faŋa faŋa da yam de á nabaara bam gula.
Bwei-na á kwoa de nɔn-kwe sem,
se ba ta ba bere abam kolo déem na ke to.
8Yuu-tu Wɛ wom mo pɔɔre logo baŋa dwia maama,
o daare o pa nabiina dwi maama ba tega kam.
O ma pa teo maama taa jege ko siseini,
se ko tɔge wɛyuu kɔgɔ kom na mae tei to.
9Ko daare Jakob de o kwaga kam mo o kuri o pa o tete,
se ba taa ye o tete nyɔn-mage nɔɔna.
10O déem nɛ o nɔɔna bam
ba na kare ba beeri kagoa yuu ne,
mɛ sam na tera ye vio yerane mo zɔre ko yaga to.
O ma cho-ba ye o nii ba baŋa ne,
o yi na page ba baŋa ne to ŋwaane.
11 Baŋa Wɛ ma korese-ba lanyerane,
ne maao na kɔne ko bia
ye ko yarege ko vɔna ko kɔgese-ba lanyerane tei to.#Lei 17:8
12 Baŋa Wɛ yerane mo yeini o kale o nɔɔna bam,
ye wa-yɔɔro wo dɛ te zeini‑o.
13O ma pa-ba chwoŋa se ba taa tei logo kom zwonnu tem yuu,
ye ba di wodi-twaro.
Ba déem lɔɔne tooro mo peero jei ne,
ba daare ba na nuga kandwa jei ne,
mɛ Olivi teeni na leiri bia lanyerane to.#Lei 81:16
14Ba naane de ba bone pɛ-ba nayela dedɛ de nayel-pepala.
Ba vara de déem nugi lanyerane,
pei, de bone, de naane maama.
Ba ta ma na men-dala se ba di,
de Vini sa-ywoŋo se ba nyɔ.
15Wɛ nɔn-swonnu tem#32:15 nɔn-swonnu tem: Hiburu = Jesurun déem jaane duum,
ye ba laam ji zwabani-nyena.
Ba ma di wodiu ba su pa se ba nu lanyerane.
Ba lɔge ba Keiru Wɛ kwaga ne.
Chega to, o ye ba vereno,
o ta kwori o ye peo o pa-ba,
ye ba ta ve‑o.
16 Baŋa Wɛ bane ma zaŋe ba baŋa ne,
ba na yage‑o ye ba daare ba zuli wa-yɔɔro de wo-zɔɔna to ŋwaane.
Ko déem pɛ se o ke kazwe ba ŋwaane.
17Ba déem kaane ba pa tangwana,
ba ma leiri Wɛ yuu ne.
Ba ya yeiri wa-yɔɔro tem konto.
Te maa ye jwo-doora yalo ba nabaara ya na wo zuli to.
18Ba swei Dam-fɔrɔ Tu Baŋa Wɛ wom swia,
de o na maŋe o ye wolo na pɛ-ba ŋwea to de.
Ba mɛ ba kwaga ba ya wolo na loge-ba to.
19 Baŋa Wɛ ma na ba na ke tei to,
ye o daare o ve-ba,
ba na ye o bia ye ba ke puseŋa ded‑o to ŋwaane.
20O déem tage o we:
A yiga daa bá taa wo ba wone.
Nam yage se dé nii ko na lage ko ke-ba tei to.
Ba ye a bia ye ba ta ba kɔre amo,
pa se ba tiini ba tusi.
21Ba tɔge jwo-yɔɔro mo
pa se a bane zaŋe,
ye a ke kazwe ba ŋwaane.
Mo kokuri a lage a tɔge dwi-gɛ tiina balo na ye nɔn-yɔɔro to baŋa ne
a ma pa a tete nɔɔna bam bane zaŋe
se ba de ke kazwe.
22Amo bane dem wó zaŋe de tɔrege mo ne mini tei,
se de di logo baŋa de ko wodiiru maama,
de vo de yi tega kam kuri kuri,
dedaane peero tem kura ga kula.
23A ta wó ja cham dedɛ
a ba a yage ba baŋa ne,
pa se ba tiini ba na zonne,
ne a ná tage a che-tɛɛra maama ba baŋa ne a ti tei to.
24Kana, de paa, de jawe-chɛɛro dwi maama wó ja-ba,
se ba yaare ba te.
A ta wó toŋe kago-vara de tega-veila
a yage ba yera ne se te done-ba te go.
25Ba ná nwoŋi pwooni yiga, ba dona wó go-ba.
Ba nam ná maŋe diga ne, foone wó ja-ba.
Nɔn-donno, de busankane, de bu-sese, de nɔn-kwe de bá daare.
Ba maama wó te.
26A ya wó ta we, ‘A lage a chɔge-ba zɔŋ-zɔŋ mo,
se ba yera saare logo baŋa ne
se nɔɔn-nɔɔno yé guli ba gula.’
27A nam ba lage se ba dona taa jege fia
ye ba mage ba nyɔɔna ba we,
‘Debam mo wane Isarele tiina bam
se ko dae Baŋa Wɛ mo kea.’
28Isarele tiina nam ba jege swa
ye ba boboŋa tera.
29Ba ya ná jege swa,
ba ya wó wuuri ba lɔre kolo na lage ko ke-ba to.
Ba nam ware se ba ni kokuri.
30Bɛ mo wó pa nɔɔno dedoa wane nɔɔna moro o zeili,
ye nɔɔna balei wane nɔɔna morro kuni fuga?
Ko ye Baŋa Wɛ na yage-ba to ŋwaane mo.
Wolo na ye peo o pa-ba to
mo kwei-ba o ke ba dona jeŋa ne.
31 Baŋa Wɛ na ye debam peo to,
dé dona bam yei we
ba ba jege wɛ delo dam na yi debam Baŋa Wɛ wom dam to.
32Ba nye de Vini teeni na leiri tio-bi-balwaaro to mo.
Ba kugu jei maa wo Sodom de Gomora ne.
33Ba Vini tio-bia pa nyoa na tiini ka chana
ne sana balo ba na mɛ basankwe vea ba ma ke to.
34 Baŋa Wɛ maa we:
‘Amo maŋe a yei a na wó ke Isarele tiina dona bam tei to.
Ko wo a boboŋa ne se ka maŋa ná yia, se a le-de.
35Amo mo wó jwoori a ŋwe ba keim-balwaaro jene,
se ba na kolo na maŋe de-ba to.
Dɛ wó ba ye ba to tega ne,
se lɛɛro laam ba te chɔge-ba
pa se ba daa bá zaŋe wɛɛne.’
36 Baŋa Wɛ wó zaŋe o bore o nɔɔna bam bora.
O ná nɛ we ba dam ti
ye ba wolowolo daa wo daare
tembia dedaane kabɛ de,
o laam wó duri ba yibwona.
37O maa wó bwei o nɔɔna we:
‘Á wa-yɔɔro tem nam bɛ,
ye á ya boŋe se á sale ya yera ne?
38Á kwei á vara bam lara á ma‑á kaane-ya,
se á kwei á sana bam á ma‑á ke pɛɛra á pa-ya.
Ya wó zaŋe ya ba ya zeini abam na?
Ya wó wane ya kwoli abam ya che na?
39Lɔre-na we, amo yerane mo ye Wɛ chekke.
Wɛ dedwoŋi daa tera.
Amo mo pae nabiina momwɛ tia,
ye a daare a pae badwonna jege ŋwea.
A maa ke zonne nɔɔna yera ne,
ye a daare a yɔɔre-ba.
Nɔɔn-nɔɔno tera o na wó wane o dwoni de amo.#Izaya 41:4
40A lage a zeiŋi a jeŋa wɛɛne se a du duuri we,
Ne amo na jege ŋwea taa wuu to,
41a laam wó dwori a se-zɔɔ,
se ko taa jege ni ye ko nyeena.
A ta wó kwei-ko a taa zia se a zage a dona,
ye a waare balo na chuli-ne to.
42A che-tɛɛra yam nia wó taare de jana.
A se-zɔɔ kom de wó zɔ ba ya-nɔna yam.
Ba jar-keira bam wolowolo bá lu.
Ko ná ye balo na nɛ zonne de balo ba na jaane ba vɔ to,
a wó go ba maama,
ye a gwo ba yiga tiina bam yuni.’
43Logo baŋa dwi tiina maama,
tɔge-na de Wɛ nɔɔna bam
se á ta‑á tei Baŋa Wɛ de wopwolo.
O lage o ŋwe balo na goe o nɔɔna bam to jene,
se o waare o dona bam maama.
Ko nam ná ye o nɔɔna bam,
o wó yage ba wɛleera o ma chɛ-ba,
se o pa ba tega kam fɔge ka kwɛ lanyerane.”
44Moses ma tɔge de Nun bu Josua o vo o leeni leiŋa kanto se Isarele tiina bam wane ba ni. 45O na tole ka botare sem maama o ti to, 46o laam ma ta de-ba o we, “Ta‑á yei-na se á guli taane delo a na pɛ abam zem tento to. Lwoni-na á bere á bia, se ba de wane ba sɛ ba tɔge Wɛ bera yam maama na popone ya tiŋi tento to. 47Bera yanto dae ta-gwoa. Ya jege ŋwea ya pae abam mo konto. Á ná tɔge-ya chekke, á wó wane á dáane tega kalo wone á na lage á bɛ Jɔdan buga kam á zo á ta‑á tei to.”
Moses nii o na Kanaan tega kam
48Dɛ dem konto ne mo Baŋa Wɛ tage de Moses o we:
49“Zaŋe n vo Abarim zwonnu laŋa kam na wo Moaba ne to. N ná yi da, diini Nebo peo kom yuu na jeeri Jeriko teo kom to se n nii n na Kanaan tega kam. A lage a kwei tega kam konto a pa Isarele tiina bam se ba taa tei. 50Ko kwaga ne n wó te peo kom yuu ne mo, ne n zembaaro Aron na maŋe o te Hora peo yuu ne tei to.#Jeelim 20:28 51Abam balei déem ve amo ni mo Isarele tiina bam yiga ne, maŋa kalo á na beeri Zin kagoa wone á vo á yi Meriba-kadese buli-yi seeni to. Á déem wo pɛ amo zula nɔɔna bam yiga ne. 52Konto ŋwaane, nmo wó zege yiga yiga mo n nii n na tega kam. N za‑n bá‑n na pwola se n zo tega kalo a na lage a pa Isarele tiina bam to wone.”#Jeelim 20:12
Currently Selected:
Nia Gulim 32: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
