Nia Gulim 31
31
Josua jeini Moses jeiŋa jei ne
1Moses daa ta ma vo o ta de Isarele tiina bam o we:
2“Amo laam jege bena bi de finlei mo. A daa bá wane a da á yiga. Ko ta woli da, Baŋa Wɛ tage jaja de amo o we, a bá tɔge a bɛ Jɔdan buga kam.#Jeelim 20:12; Nia Gulim 34:7 3Abam Tu Baŋa Wɛ wom tete mo lage o da á yiga se á bɛ á vo á chɔge teene delo na wora to, ye á daare á zeili-ba pa se ba daare ba tega kam se á jwoŋi-ka á ta‑á tei. Josua mo wó taa wo á yiga ne ye á bɛ. Ko maama wó ke ne Baŋa Wɛ na bere tei to mo.#Jeelim 27:18-23 4Baŋa Wɛ wó chɔge nɔɔna bam konto ne o déem na ke Amori tiina pwa Sihon de Oga tei ye ba de ba teene dem maama chɔge to. 5Chega to, Baŋa Wɛ wó ke-ba á jeŋa ne se á wane-ba. Ko nam jege se á tɔge nia yalo amo na pɛ abam to se á chɔge-ba á ti. 6Ke-na dam á ke á tete kuri ne se á ta‑á jege baare. Yé ta‑á kɔre-na foone de-ba. Á Tu Baŋa Wɛ wom wo á tei ne. O bá fɔge o yage abam. O nam bá pa se á to.”
7Moses laam ma bwoŋi Josua o ta tento ded‑o Isarele tiina bam maama yiga ne o we:
“Yɔɔre n ke dam n ke n tete kuri ne, se n daare n ta‑n jege baare. Nmo mo jege se n da amo nɔɔna bam yiga se ba vo ba zo tega kalo ne Baŋa Wɛ na pwooli de ba nabaara se o pa-ba to. Nmo ta wó pɔɔre tega kam n pa-ba se ba taa tei. 8Baŋa Wɛ tete mo wó taa wo n tei ne se á ta‑á via. O bá fɔge o yage‑m. O nam bá pa se n to. Konto to, yé ta‑n lwia. Nam yé pa n vɔna pare.”
Wɛ nia yam garem
9Moses laam ma popone Wɛ nia yam o tiŋi, ye o daare o kwei-ya o pa Wɛ kaanem tiina bam de Isarele nakwa bam. Kaanem tiina bam déem nwoŋi Levi dwi dem wone mo ye ba yeini ba zeeri Wɛ ni-gwonim dakaa kam. 10-11O ma ta de-ba o we:
“Bena yarepɛ bene dem maama ná yia, bene delo á na wó ma‑á chɛ balo na jege á jena to, se á ga Wɛ nia yam konto se Isarele tiina bam maama cheigi. Ko ye maŋa kalo ba na wó vo jeiga kalo Baŋa Wɛ na wó kuri ye ba jeeri o yiga ne se ba di Vwoa chwiim kuri dem to mo á jege se á ga á de ba zwa ne.#Nehemia 8:1-18 12Á wó bwoŋi nɔɔna bam maama, baara, de kaana, de bia, de veira balo na zoore á tei ne to, se ba maama la daane ba cheigi Wɛ nia yam. Konto wó pa se ba lɔre ba na wó ke tei ba taa kɔre Baŋa Wɛ ye ba toŋe ba tɔge o bera yam maama chekke. 13Ba kwaga kam de jwa wó ba ba cheigi Wɛ nia yam ye ba ya yeiri-ya. Banto de jege se ba lɔre ba na wó ke tei ba taa kɔre á Tu Baŋa Wɛ wom, maŋa kalo maama á na wó ta‑á zoore tega kalo ne á na lage á bɛ Jɔdan buga kam á jwoŋi se á ta‑á tei to.”
Wɛ na bere Moses tei o kweeli to
14 Baŋa Wɛ laam ma ta de Moses o we:
“Ko gɛ fee se n te. Bwoŋi Josua se á laam ba á zo wara-vwei dem ne se á tiŋi‑o se o ji á yiga tu.”
Moses de Josua ma vo ba zo vwei dem ne. 15Kunkwoŋo na zege deiki to ma ba ko dɔge vwei dem ni dem ne, ye Baŋa Wɛ zege kunkwoŋo kom wone. 16O ma ta de Moses o we:
“Ko bá dáane se n te. Nmo toone dem kwaga ne nam, nɔɔna banto bam wó zaŋe ba yage amo ba vo se ba taa zuli tega kalo ba na lage ba zo to wa-yɔɔro. Ba wó lɔ amo kwaga ne ye ba daare ba chɔge ni-gwonim delo a na ke de-ba to. 17Ko ná ke konto, a bane wó zaŋe ba baŋa ne lela, pa se a ma a kwaga a ya-ba. Amo yiga bá taa wo ba wone pa se ba na chɔgem.#Yiga tiina 2:12-14 Yaara de chana dedɛ na wó ba ba baŋa ne to, ba wó ta nenɛɛne, ‘Bɛŋwaane mo yaara yanto wo debam baŋa ne? Ko dae debam Tu Wɛ wom na yage debam to ŋwaane mo na?’ 18Dɛ dem konto ne, amo yiga bere ka bá ta wo ba wone, ba na toŋe lwarem delo ye ba pipiri ba vo ba zuli wa-yɔɔro to ŋwaane.
19Konto ŋwaane, popone-na leiŋa kanto, se nmo, Moses, laam kwei-ka n ma‑n zamese Isarele tiina bam se ba wane ba taa leeni-ka. Leiŋa kam wó taa ye maana mo amo de banto laŋa ne we ba tusi. 20Amo lage a kale-ba a ja zo te-ŋoŋa kanto na ywomma de varem de kɔnɔ, ne amo na pwooli de ba nabaara se a ke tei to mo. Ba nam ná zo ba jeini da, ba wó taa nae wodiu ba di ba sui pa se ba nu lanyerane, ye ba daare ba pipiri ba taa zuli wa-yɔɔro. Ba wó ve amo ba daare ba chɔge ni-gwonim delo a na ke de-ba to. 21Yaara de chana dedɛ ná to ba baŋa ne, ba laam wó guli leiŋa kanto gula se ka taa ye maana mo we ba tusi. A maŋe a lɔre kolo ba na boŋe ba kana ne to ye a ta wo jaane-ba a zo tega kalo a na pwooli se a pa-ba to wone.”
22Dɛ dem konto ne, Moses ma popone leiŋa kam ye o kwei-ka o zamese Isarele tiina bam. 23Baŋa Wɛ ma pa Nun bu Josua ni ye o we, “Pa n bochare ke dam se n ta‑n jege baare. Nmo mo lage n tɔge Isarele tiina bam yiga se á vo á zo tega kalo ne a na pwooli se a pa-ba to. Amo nam wó taa wo nmo tei ne.”
24Moses ma popone Wɛ nia yam maama nyɔ o ke tɔnɔ ne. 25O na ti to, o ma ta de Levi tiina balo na zeeri Baŋa Wɛ ni-gwonim dakaa kam to o we, 26“Jwoŋi-na Wɛ nia tɔnɔ konto á ja vo á tiŋi á Tu Baŋa Wɛ wom ni-gwonim dakaa kam teiŋa ne. Ko wó taa tigi da mo se ko taa ye maana we abam Isarele tiina bam tusi. 27A yei abam maama na jege wo-dɛɔ ye á zwa de ba ni tei to. Nii a ta na ŋwe a wo abam tei ne, ye á maŋe á ve Baŋa Wɛ ni dem, se a ná tega, ko bá dwoni konto na? 28Nam bwoŋi-na á dwia yam maama nakwa de á dedɛɛra se ba la daane se a ŋɔɔne wonnu tento de-ba se ba ni. A lage a kwei wɛyuu kom de tega kam baŋa maama mo, se te taa ye maana banto de Baŋa Wɛ tetare ne. 29A yei we amo toone dem kwaga ne, á wó biini á tete de wo-zɔɔna, ye á daare á ve Wɛ nia yalo a na bere abam to. Jwa seeni á wó toŋe lwarem kikia á chɔge Baŋa Wɛ yiga ye á zuli wonnu telo á na mɛ á jea á ke to. Baŋa Wɛ bane wó zaŋe pa se chanɛɛre to abam baŋa ne.”
Moses leiŋa kam
30Moses laam ma leeni leiŋa kanto maama o vo o kweeli ye Isarele tiina kɔgɔ kom maama cheigi:
Currently Selected:
Nia Gulim 31: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
