Nia Gulim 16

Atɔgebabaŋa kuri dem

Nwoŋim 12:1-20

1“Bene maama Abibi chana kam ne, á jege se á di Atɔgebabaŋa kuri dem á ma á zuli á Tu Baŋa Wɛ wom, kokuri kanto chana kam dɛ dedoa ne mo o jaane abam tete ne o ja nwoŋi Ejipti teo ne. 2Á ná lage á di Atɔgebabaŋa kuri dem, véi-na jeiga kalo á Tu Baŋa Wɛ wom na wó kuri se nɔɔna taa zuli o yere da to á ja varem wolo á na le á naane dem wone naa á pei sem naa bone dem wone to á go á ma ke kaanem á pa‑o. 3Á ná jeini á di varem wom nɔna yam, se á yé di bworobworo kolo na jege sabɔle to. Da yarepɛ wone á jege se á di bworobworo kolo sabɔle na wo woli ko wone to nenɛɛne á déem na ke tei ye á lage lela se á nwoŋi Ejipti ne á ya na yaare da to. Á ná yeini á di yaara bworobworo kom konto dwoŋi, á wó guli dɛ delo á na zaŋe á nwoŋi Ejipti ne to gula. 4Da yarepɛ yam maama wone, nɔɔn-nɔɔno ba jege se sabɔle ta wo o sɔŋɔ ne. Varem wolo á na wó go kuri dem boboa dɛ dem dedaan-ni ne to, á jege se á di o nɔna yam maama mo se tega laam poore. 5Abam ná wo teo kolo maama ne á Tu Baŋa Wɛ na lage o pa abam to, se á yé go Atɔgebabaŋa vara bam jei de jei, 6ko ná dae jeiga kalo o na wó kuri se nɔɔna taa zuli o yere da to yerane. Wɛ-zoore maŋa ne mo á wó go vara bam se ko maŋe de maŋa kalo á na yage Ejipti to. 7Saŋe-na nɔna yam á di Wɛ jeiga kam ne, se tega ná poore, á laam zaŋe á jwoori á vwoa ne. 8Da yaredo yalo na saŋe to wone, á wó di bworobworo kolo na ba jege sabɔle ko wone to mo, se da yarepɛ dɛ dem ná yia, á la daane se á kɔgɔ kom maama zuli á Tu Baŋa Wɛ wom. Á ba jege se á toŋe dɛ dem konto ne.

Ga-kwea kuri dem

Nwoŋim 34:22; Chullu 23:15-21

9Á ná bobo se á zage á wodiiru tem, jeeli-na da yarepɛ yarepɛ kuni berepɛ, 10se á laam di Ga-kwea kuri dem#16:10, 16 Ga-kwea kuri dem: Hiburu = Da yarepɛ yarepɛ kuri dem á ma‑á zuli á Tu Baŋa Wɛ wom. Kwei-na á wo-ywoŋo pɛɛra se ko maŋe de Baŋa Wɛ na ke zaane á baŋa ne tei to á ja vo á zuli‑o. 11Á jege se á vo jeiga kalo á Tu Baŋa Wɛ wom na wó kuri se nɔɔna taa zuli o yere da to á di kuri dem de wopwolo o yiga ne. Ko wó taa ye abam, de á bia, de á kabɛ, ko woli de Levi tiina, de veira, de botara, de kadeina balo maama na zoore á tetare ne to mo. 12Guli-na we á déem ye kabɛ mo Ejipti ne, se á ke á yuu ne se á sɛ Wɛ nia yanto maama.

Vwoa chwiim kuri dem

Nwoŋim 23:16; Chullu 23:33-43; Jeelim 29:12-34

13Á ná fere á wodiiru tem maama á ti, ye á ta kwori á ŋoke á Vini tio-bia bam maama á ti, á laam jege se á ke da yarepɛ á di Vwoa chwiim kuri dem mo.#16:13 Vwoa chwiim kuri dem = Faao kuri dem 14Tɔge-na de á bia, de á kabɛ, ko woli de Levi tiina, de veira, de botara, de kadeina balo maama na zoore á teene dem ne to, á di kuri dem de wopwolo. 15Á wó vo jeiga kalo á Tu Baŋa Wɛ wom na wó kuri to á ke da yarepɛ á di kuri dem á ma‑á zuli‑o. Á wó ta‑á jege wopwolo lanyerane, Baŋa Wɛ na ke zaane á baŋa ne de á wodiiru de kolo maama á na toŋe to ŋwaane.

16Bene maama wone kuni betɔ mo á baara bam jege se ba vo jeiga kalo á Tu Baŋa Wɛ wom na wó kuri to ba jeeri o yiga ne ba zuli‑o. Ko wó taa ye Bworobworo-memene kuri dem,#16:16 Bworobworo-memene kuri dem = Atɔgebabaŋa kuri dem de Ga-kwea kuri dem, de Vwoa chwiim kuri dem mo. Nɔɔno maama nam jege se o taa zei pɛɛre mo o ja vo o ma zuli Baŋa Wɛ. 17Nɔɔno maama wó kwei pɛɛre se ko maŋe de Baŋa Wɛ na ke zaane o baŋa ne o woli‑o tei to mo o ja jeeri.

Bora borem

18Teo kolo maama á Tu Baŋa Wɛ na lage o pa abam to wone, kuri-na nakwa de yiga tiina se ba wane ba tɔge chega ba di nɔɔna taane. 19Nmo nam ná di nɔɔno taane, n dae se n zege vwa wone, naa n pu nɔɔn-nɔɔno kwaga n bora borem ne. Ko dae se n jwoŋi dim, bɛŋwaane pɛɛra wae ya dwei nɔn-ŋona tete yia ye ya kweele chega taane ya pa se de ji vwa.#Chullu 19:15 20Yɔɔre-na á tɔge chega borem lanyerane se ko pa á wane á zo tega kalo á Tu Baŋa Wɛ wom na lage o pa abam to wone á dáane.

21Á ná lage á lɔ bimbini á pa á Tu Baŋa Wɛ wom, ta‑á yei-na se á yé kwei daa á ma‑á sare Asera nyenyego á zege da se á zuli-ko. 22Nam ta yé chwi-na kandwɛ se de taa ye jwoni de pa abam. Baŋa Wɛ chuli wonnu tem konto maama.

Currently Selected:

Nia Gulim 16: KBG

Highlight

Copy

Compare