2 Pwa 20

Hezekia weele ye o jwoori o zaŋe

Izaya 38:1-8, 21-22; 2 Tigisim 32:24-26

1Da yam konto ne, Hezekia déem yɔɔre o weele mo ye o bwola de toone. Wɛ sampwora Izaya na ye Amozi bu to ma vo o tei ye o ta‑o o we, “Baŋa Wɛ na tage kolo to mo tento: Bere n sɔŋɔ tiina bam ba na wó ke tei ne n ná tera. Kokuri to, n lage n te mo, n bá‑n wori de n jaweo kom.”

2Hezekia na nigi konto to, mo o pipiri o yibia o jeeri kabira kam ye o lwoori Wɛ o we, 3“Baŋa Wɛ, guli we amo yeini a tɔge‑m de a chega maama dedaane a wo maama mo. A ma yɔɔre a ke kolo nmo na laga se a ke to.” Hezekia ma tiini o keeri dedɛ.

4Se Izaya laam yage pɛ sɔŋɔ konkɔlɔ kom to mo Baŋa Wɛ kwora yi‑o we:

5“Jwoori n vo n ta de a nɔɔna bam yuu tu Hezekia we, ‘Baŋa Wɛ wom na ye n kwo David Wɛ to mo tage o we: A nigi n wɛ-lworo kom, ye a ta na n na kane yi-na tei to. Amo wó pa‑m yazura. Da yatɔ dɛ ne nmo wó vo Baŋa Wɛ sɔŋɔ kom n zuli-ne. 6A nam lage a woli bena fuga-yanu mo n bena yam wone. A ta wó jwoŋi nmo de Jerusalem teo konto a yage Asiria teo pɛ wom jeŋa ne, se a daare a taa kwoli teo konto amo tete yere de David yere zula ŋwaane.’ ”

7Izaya ma ta de Hezekia o we, “Zɔ mɔɔro se n kwei-te n taare n ŋɔn-pwona kam, se n wó na yazura.”

8Hezekia ma ta de Izaya o we, “Keim dɔ mo wó ke se ko bere we Baŋa Wɛ wó seene o pa-ne yazura se a wane a vo Baŋa Wɛ diga kam a zuli‑o da yatɔ dɛ ne?” 9Izaya ma leiri o we, “Keim dento nam mo wó pa n lɔre we Baŋa Wɛ wó seene o ke o na gwoni ni se o ke tei to. Nmo laga se luluŋu kom fɔɔre ko vo yiga naba-laara yia fuga mo naa n laga se ko fɔɔre ko jwoori kwaga kuni fuga mo?”

10Hezekia ma leiri o we, “Ko ye mɔle se luluŋu kom fɔɔre ko vo yiga naba-laara yia fuga. Laam nam pa se ko jwoori kwaga naba-laara yia fuga.” 11Izaya ma lwoori Baŋa Wɛ se o ke konto. Wɛ ma seene o pa se nateini dem luluŋu kom jwoori kwaga naba-laara yia fuga.

Ba zege Babilon ne ba toŋe nɔɔna

Izaya 39:1-8

12Ko maŋe de maŋa kam konto ne, Merodaki-Baladan laam mo jigi Babilon teo pɛ. O na nigi we Hezekia ya weele to, mo o toŋe nɔɔna o tei ne, de twanno, de pɛɛra. 13Hezekia déem ma jeeri nɔɔna bam de wopwolo. O ma ja-ba o zo o jejegero tem na tigi mɛ to. O laam ma bere-ba o lu-nyenno tem maama, de o sabu-seŋa, de o talwoŋ-ywei sem, de o nu-ŋoŋa kam, de o jara zela yam, de kolo maama ba na tiŋi jejegero di sem wone to. Pɛ Hezekia déem wo daare kolokolo pɛ sɔŋɔ kom ne, naa o paare dim jei sem maama ne ye o wo kwei o bere-ba.#2 Tigisim 32:25

14Wɛ sampwora Izaya déem ma vo Hezekia tei ye o bwei‑o o we, “Nɔɔna banto nwoŋi yein-seeni mo ba ba nmo tei? Ba nam tage bɛ mo de nmo?” Hezekia ma leiri o we, “Ba nwoŋi Babilon teo yiga yiga mo ba ba.” 15Izaya daa ma bwei o we, “Bɛ mo ba nii ba na n sɔŋɔ kom wone?” Hezekia ma leiri o we, “Amo bere-ba wonnu telo maama na tigi a jejegero di sem wone to mo. Kolokolo wo daare ye a wo bere-ba.”

16Izaya de ma ta de Pɛ Hezekia o we, “Nam cheigi Baŋa Wɛ na jege kwora kalo se o pa‑m to: 17Ta‑n yei we maŋa lage ka yi se Babilon teo tiina ba ba pɛ jejegero telo maama na tigi n sɔŋɔ kom wone to, de telo n nabaara bam na yaare ba la ba tiŋi to ba ja ba vo ba tete teo kom. Kolokolo daa bá daare ko pa abam.#2 Pwa 24:13 Baŋa Wɛ ni dem mo konto. 18Nmo tete dwi dem de wó tɔge ba woli da. Ba nam ná jaane-ba ba yi da, ba wó lwe n bia bam mo se ba taa toŋe Babilon teo pɛ sɔŋɔ ne.”#Danyeli 1:1-7

19Hezekia na nigi konto to mo o tage de Izaya o we, “Baŋa Wɛ na pɛ‑m kwora kalo se n pa-ne to lana.” Kokuri to o boŋe o tete ne o we, “Ko ná ke konto, cham bá yi debam amo paare dim maŋa kam ne, ye a nɔɔna wó taa zoore de bochare-zuru.”

Hezekia toone

20Hezekia déem na di paare ye o ke wonnu telo to, de o totoŋ-kamuna yam maama, ko woli de o na koge chɔgɔ ye o ke na-fera pa teo kom nɔɔna wae ba mɔɔne na to, ba popone-te ba tiŋi Judah Teo Pwa Seina tɔnɔ kom wone. 21Hezekia ma te ye o bu Manasɛ leiri o yuu ne o ji pɛ.

Currently Selected:

2 Pwa 20: KBG

Highlight

Copy

Compare