2 Korinti 13
13
Taana yadwonna
1Amo na lage a ba abam tei leile to, ko laam lage ko ke betɔ mo. Wɛ tɔnɔ kom nam bere we, “Nɔɔno ná lage se o saŋe o dwoŋi, ko jege se nɔɔna balei naa batɔ mo pu o kwaga.”#Nia Gulim 19:15 2Konto ŋwaane, amo daa ta lage a kaane abam balo déem na maŋe á tɔge tusim chwoŋa to, ko woli de abam maama, se á leiri á wo de á keim-balwaaro tem. Amo daama na wo abam tei ne to, a maŋe a kaane abam konto. Amo nam tera abam tei ne leile konto, ye a lage se a kaane abam nenɛɛne a wo á tei ne mo, se ko ke kuni belei. Konto ŋwaane, ta‑á yei-na we, amo ná jwoori a ba se a na abam, nɔɔno wolo maama daa ta na wo zage o kikia to bá lu. 3Konto mo abam wó lɔre we ko seene ko ye Yezu Krista kwora mo a jege a ŋɔɔna, ne abam na maŋe á lage se á lɔre tei to. Yezu na ke abam tei to ba bere we o bwona, se o dam mo wo abam tei ne. 4Ko nam ye chega we, o na jigi nabiinu ye o bwona to mo pɛ se o te dagara yuu ne. Ko daare o laam jege ŋwea Wɛ dam dem ŋwaane mo. Debam na me ded‑o to, debam de bwona mo. Dé nam ná tu abam tei ye dé toŋe tei to wó tɔge Wɛ dam dem ŋwaane, dé na me de Yezu ye dé ŋwe to ŋwaane.
5Abam nam jege se á maane á tete mo, se á daare á nii, á tɔge Wɛ de wo-dedoa na. Abam ná faŋe á tete konto, á bá lɔre we Yezu Krista wo á tei ne na? Naa ko ye abam faŋe á tete mo ye á ga? 6Amo nam boŋe se á lɔre we, debam mo wo faŋe dé tete dé ga. 7Dé yeini dé lwoori Wɛ dé pa abam se á yé ta‑á ke tusim kikia. Ko dae we dé lage se nɔɔna mo taa jege debam chega. Dé nam lage se á ta‑á ke kolo na lana to, de nɔɔna ná maŋe ba bere we debam mo toŋe dé ga de. 8Debam bá sɛ se dé ke kolo na wó chɔge Wɛ chega kam to. Dé nam wó taa ke kolo na wó fɔge-ka to mo. 9Abam ná jege Wɛ dam dem, ye debam ná maŋe de bwona, dé ta jege wopwolo mo. Dé nam wó taa lwoori Wɛ se o taa fɔge abam fase. 10Ko ye konto ŋwaane mo a popone wonnu tento a pa abam ye a tera á tei ne, se amo ná tu á tei, se a daa yé ke keim-chɛɛre abam baŋa ne de dam delo dé Teiru wom na pɛ-ne to. Dam dem konto ye se a ma a fɔge abam mo, se ko dae se a ma a chɔge abam.
11A nu-bia bam, Wɛ wó pa á jeini lanyerane. Kwaane á pa se Wɛ fɔge abam fase. Ke-na á boboŋa ne amo na kwoori abam tei to. Ta‑á jege-na boboŋe dedwe, se á daare á ta‑á jege bochare-zuru. Wɛ wolo na pae swono de bochare-zuru to wó taa wo abam tei ne.#Rom 12:16-18
12Á ná jeeri daane, se á ta‑á kukwori daane á pa Wɛ zula.
13Wɛ nɔɔna bam maama jɔɔne abam.
14Dé Teiru Yezu Krista zaane dem,
de Baŋa Wɛ swono kom
taa wo abam maama tei ne,
se o Sin-laao kom de pa á me daane lanyerane.
Currently Selected:
2 Korinti 13: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
