2 Korinti 10
10
Pɔɔl na toŋe o pa Wɛ tei to
1-2Amo Pɔɔl tete laam lwoori abam se á ta‑á tɔge amo ni mo. Abam badwonna pae se amo ná wo abam tei ne, a yeini a ye wolo na zura a pa abam to mo. Ko daare amo ná tera abam tei ne, á pae se a keim chana mo de abam. Yezu Krista tu o tete tega ne mo ye o jege nɔɔna ŋwaŋa. Ko nam ye wonto ŋwaane mo a lwoori abam se á tɔge amo ni dem, se a ná tu abam tei, se a daa yé ke keim-chɛɛre de abam. Ko nam ná ye balo na boŋe we dé kikia tɔge nabiina boboŋa na ye tei to, a yei lanyerane we amo wó taa jege baare se a wane a bwɛ-ba. 3Kolo na ye chega to, dé seene dé ye nabiina mo, ye ko dae nabiina boboŋa mo dé ma dé chɔge kolo maama na dae Wɛ chega kam nyem to. 4Konto maa nye de dé lage dé ke jara mo, ye ko dae nabiina jara zela mo dé jega. Ko nam ye Wɛ dam mo dé jega, ye dé ma dé chɔge wonnu telo na fɔge te zege de dam to. Dé na chɔge wonnu telo to mo ye boboŋa yalo na bere we ya jege swa ye ya nam ye vwa to. 5Ko woli da, dé ta yaale berem delo maama na zaŋe se de che nabiina Wɛ chega kam wone to. Dé maa vere boboŋa yam konto maama dam, ye dé pae ya leiri ya tɔge Yezu Krista ni dem. 6Konto mo, abam ná tu á sɛ Yezu Krista ni dem á ti, debam laam wó wane dé ba dé waare balo maama ta na ba tɔge o ni dem to.
7Maane-na á nii ko na ye tei to. Abam wolo boboŋa ná bere we o ye Yezu Krista nyem, se konto tu ma o boboŋa yam o lɔre we, debam de ye Yezu nyem mo ne wonto tei. 8Ko nam ná ye chega we, amo tiini a bere a tete de Wɛ na pɛ debam dam delo to, amo nam ba kɔre chaveera de konto. Dé Teiru wom pɛ debam dam dem konto se dé taa mae dé fɔge abam mo, ye ko dae se dé ma chɔge abam. 9Amo ba lage se abam boŋe we, a popone a twanno tem mo se a ma fugi abam. 10Abam badaara tɛ we, wonnu telo amo na ke a twanno tem wone to mo chana á tei ne, ye te ta kwori te dana. Ko daare amo tete ná wora á tei ne, amo ye zurim yerane mo ye a ni taane dae kolokolo. 11Balo na yeini ba tɛ konto dwoŋi to jege se ba lɔre we, dé ná tera abam tei ne ye dé popone wonnu telo dé bere abam to maama ye bedwe mo dedaane dé na wó ke kolo ye dé wo á tei ne to.
12Ko ná ye balo na jege ba tete chega ba bere to, debam bá taa kɔre foone se dé bere dé tete we, dé dam yi banto na ye tei to na? Banto nam ye nɔn-jworru mo. Ba yeini ba mae ba tete boboŋa mo ba maa maŋe daane ba nii ba chega na ye tei to. 13Ko nam ná ye debam, dé bá sɛ se dé bere dé tete se ko gaale. Dé na bere dé tete tei to bá gaale Wɛ na pɛ debam chwoŋa se dé taa tɔge-ka tei to. Chwoŋa kam konto mo dé jege dé maa toŋe abam tei ne. 14Debam ya ná wo tu abam tei, dé ya bá wane se dé bere dé tete de abam. Debam nam na ye balo na lwoori yiga dé ba dé tɔɔle Yezu Krista kwor-ywoŋa kam dé bere abam to, dé na bere dé tete tei to nam wo gaale siseini delo Wɛ na pɛ debam to. 15Dé bá sɛ se dé bere dé tete de totoŋa yalo nɔɔna badaara na ke to, se konto ya mo wó gaale kolo na maŋe de debam to. Dé nam na jege teena abam ŋwaane tei to, ko ye se abam na jege wo-dedoa de Wɛ tei to mo fɔge ko ke dam, se ko pa totoŋa yalo dé na ke abam tetare ne to wane ya puli dedɛ, ye ya ta maŋe de totoŋa yalo Wɛ na pɛ debam to. 16Ko daa ta wó pa dé na chwoŋa dé tɔɔle Wɛ kwor-ywoŋa kam dé gaale abam na zoore jei selo ne to. Konto mo dé bá taa bere dé tete de totoŋa yalo na maŋe ya ke ye ya ye Wɛ tontoŋeno wodwoŋi nyem to. 17Wɛ tɔnɔ kom nam bere we, “Wolo ná boŋe se o taa mage o nyɔɔne, se o pa ko taa ye dé Teiru wom ŋwaane.”#Jeremia 9:24 18Kokuri, nɔɔno wolo ná bere o tete chega, ko dae we kotu seene o jege chega, se ko nam ye wolo dé Teiru wom na bere o chega to mo.
Currently Selected:
2 Korinti 10: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
