1 Tim 4
4
Wɛ chwoŋa tɔgem taane
1-2Wɛ Sin-laao kom bere debam chekke we, maŋa wó ba ye nɔɔna badaara wó zaŋe ba ve berem delo debam na sɛ to. Pipiri-nyena balo na fɔ vwa to mo wó gane-ba, pa se ba yage berem chekke dem. Banto boboŋa mo chɔge pa se ba yeiri we ba na ke kolo to ba lamma. Ba wó pa se nɔɔna taa sɛ chichiri selo na fɔ vwa to ni mo, ye ba tɔge setaana bera yam na ye tei to. 3Nɔɔna bam konto mo yeini ba bere we, ko chula se nɔɔno di kaane. Wodiiru tedwonna de maa wora ye banto ta bere we, ko chula se nɔɔna taa di-te. Nmo nam yei we, Wɛ mo ke wodiiru tem konto se debam balo na tɔge‑o ye dé ba dé lɔre o chega kam to taa ke‑o lei te ŋwaane, se dé daare dé taa di-te. 4Kolo ŋwaane wonnu telo maama Wɛ na naane to lamma. Ko wo maŋe se dé taa chuli kolokolo dim. Dé ná jwoŋi woŋo kolo, ye dé ná ke Wɛ lei ko ŋwaane, dé ba jege se dé chuli ko dim. 5Wɛ ni taane dem dedaane debam wɛ-lworo kom mo pae se ko ba jege digiru Wɛ tei ne.#Kikia 10:15
6Nmo jege se n ta wonnu tento mo n bere n nu-bia bam. N ná ke konto, ko wó pa se n ta‑n ye Yezu Krista tontoŋeno-ŋom. N ná yɔɔre n sɛ Wɛ chega kam de berem chekke delo n na maŋe n tɔge to mo, n bochare wó be lanyerane. 7Yé zaŋe n cheigi sensɔle selo na ba jege kuri ye se ba woli Wɛ chwoŋa to. Nam fɔge n che n tete se n ta‑n tɔge Wɛ chwoŋa chekke. 8Dé yei we, n ná waare n yera pa se ya damma, ko jege wolim fenfee. Ko daare, n ná tɔge Wɛ chwoŋa, konto mo tiini ko jege wolim wonnu maama baŋa ne. Kolo ŋwaane ko wó pa se n na wolim zem ŋwea kam baŋa ne, se n daare n na ŋwea kalo na lage ka ba to Wɛ tei ne. 9Taane dem konto ye chega ye de jege se nɔɔna yɔɔre ba sɛ-de mo. 10Konto ŋwaane mo pae se dé fe dé yera dé toŋe de dam, kolo ŋwaane Ŋwea Tu Baŋa Wɛ jege debam teena. Wonto mo ye nɔɔna maama Vereno, ko fɔge ko dae balo na sɛ‑o de wo-dedoa to.
11Ta‑n bere wonnu tem konto se n pa nɔɔna taa tɔge-te. 12Yé pa se nɔɔn-nɔɔno gwooni‑m, n na ye nɔn-doŋo to ŋwaane. N jege se n ma n tete mo n bere Yezu nɔɔna bam ba na wó taa ke tei. Nmo ni-ŋɔŋa na ye tei to, de n totoŋ-naga, de n swono, de n na jege wo-dedoa de Wɛ tei to, de n boboŋ-dɛɛra de na ye tei to maama mo n jege se n ma n bere-ba. 13Amo ta ná wo tu, yɔɔre n ta‑n gare Wɛ tɔnɔ kom se nɔɔna taa cheiga, se n daare n bere-ba Wɛ chega kam se ba sɛ. 14Maŋa kalo nɔɔna déem na pworisi nmo ŋwaane, ye Yezu kɔgɔ kom nakwa bam de daŋe ba je nmo baŋa ne to, Wɛ mo pɛ‑m wolim se n ta‑n toŋe n pa‑o. Nmo nam ba jege se n dole n yage Wɛ pɛɛre dem konto. 15Ko maŋe se n seene n yia mo se n ta‑n ke wonnu tem konto de n wo maama. Konto mo wó pa se nɔɔna maama taa nae nmo na kɛ yiga tei to. 16Ta‑n yei n tete, se n daare n ta‑n yei n berem dem ni ne. Seene n yia se n ta‑n ke wonnu tem konto, se nmo wó jwoŋi n tete, ye n ta wó kwori n jwoŋi balo na cheigi‑m to de.
Currently Selected:
1 Tim 4: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
