1 Tim 3
3
Yezu kɔgɔ kom yiga tiina taane
1Taane dento seene de ye chega mo:#Titusi 1:6-9
“Nɔɔno boboŋa ná jaane se o ji Yezu kɔgɔ kom yiga tu,
konto tu lage totoŋ-ŋom mo.”
2Konto ŋwaane, Yezu kɔgɔ kom yiga tu jege se o taa ye nɔn-ŋom mo nɔɔna maama tei ne. O nam jege se o taa jege kaane dedoa yerane mo. O ta jege se o taa ye nɔn-yero, de jawale-nyeno wolo na wae o tete o jaana to mo. O jege se o taa jeeri veira mo o sɔŋɔ ne lanyerane. O jege se o taa yei nɔɔna berem mo chekke. 3O nam ba jege se o taa ye sa-nyɔro, naa kantɔ-mageno, naa wolo na jege ban-lom to. Ko maŋe se o taa ye nɔn-cheno mo. O nam ba jege se o taa ye sabu-lageno. 4O jege se o taa wae o nii o sɔŋɔ tiina baŋa ne mo lanyerane, se o daare o pa o bia taa nege‑o dedɛ. 5Kokuri mo nɔɔno ná ware o nii o tete sɔŋɔ tiina baŋa ne, o nam wó ke tɛ mo o nii Wɛ kɔgɔ kom baŋa ne? 6Ko wo maŋe se o taa ye wolo na bobo se o tɔge Wɛ leile to. Ko ya ná ye konto, o wae o bobo se o bere o tete kamunim. Wɛ laam maa wó di o taane pa se o to, nenɛɛne setaana pɛ wom déem na bere o tete ye o to tei to. 7Yezu kɔgɔ kom yiga tu jege se o taa ye nɔn-ŋom mo nɔɔna maama tei ne, de balo na ba tɔge Wɛ to de tei ne. Ko ya ná dae konto, nɔɔna wó wane ba yaale o yuu pa se setaana pɛ ja‑o, nenɛɛne kalanchogo mo jaane‑o tei.
8Ko ye bedwe mo de Yezu kɔgɔ kom wolim tiina de. Ko maŋe se ba taa ye balo nɔɔna na nege to mo. Ko dae se ba taa jege ni-zɛ ni-zɛ, naa se ba taa ye sa-nyɔra, naa nɔn-kwollu, naa kampin-nyena. 9Ba nam jege se ba ke boboŋe dedwe mo dedaane chega kalo Wɛ na le o bere debam to, se chaveera yé ja-ba. 10Nɔɔno ná lage se o ji Yezu kɔgɔ kom wolim tu, ba jege se ba da yiga ba maŋe‑o mo ba nii, ye o kolokolo ná tera, se ba laam pa o bobo o totoŋa.
11Ko maŋe se ba kaana#3:11 ba kaana naa wolim tiina balo na ye kaana to de taa ye balo nɔɔna na nege to mo, se ba yé taa ye bebare-nyena. Ba jege se ba taa ye jawale-nyena mo, se nɔɔna taa jege ba chega wonnu maama baŋa ne.
12Yezu kɔgɔ kom wolim tu jege se o taa jege kaane dedoa yerane mo, se o daare o taa wae o nii o bia de o sɔŋɔ tiina maama baŋa ne lanyerane. 13Kokuri mo wolim tu wolo maama na toŋe o totoŋa lanyerane to wó na yere. Wonto wó na zula dedɛ nɔɔna tei ne, ye o daare o na baare de o na ke o wo-dedoa de Yezu Krista tei to.
14Amo boŋe se a ba nmo tei leile. Amo nam popone wonnu tento se a bere nmo se, 15a ná dáane fenfee, se n wane n lɔre nɔɔna balo na ye Wɛ sɔŋɔ tiina to na wó taa jege ba tete tei to. Banto mo ye Ŋwea Tu Baŋa Wɛ kɔgɔ kom nɔɔna. Banto mo ye balo na fɔge ba nii Wɛ chega kam baŋa ne, nenɛɛne ywoa na woli diga se ka yé vi to mo. 16Ko seene ko ye chega mo we, Wɛ tɔgem ye wo-kamunu mo. Wɛ laam mo pɛ se dé lɔre wolo o na toŋe debam nabiina tei ne to:
Wonto mo jigi nabiinu.
Wɛ Sin-laao kom ma bere we o jege chega.
Wɛ malese ma na‑o.
Nɔɔna ma ja o kwora ba zo teene maama wo ba tɔɔle.
Nabiina ma sɛ‑o logo baŋa ne.
O laam ma di Wɛ telaao de nenɔŋ-fɔrɔ.
Currently Selected:
1 Tim 3: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
