1 Tim 2
2
Wɛ nɔɔna na wó zuli‑o tei to
1Kolo amo na lage se a da yiga a ta mo tento. Á jege se á ta‑á lwoori Wɛ á pa nɔɔna maama. Lwoori-na Wɛ se o taa nii ba baŋa ne, se á daare á ta‑á ke‑o lei ko ŋwaane. 2Ta‑á ke-na konto dwoŋi á pae pwa, dedaane dedɛɛra maama na jege dam nɔɔna baŋa ne to, se ko pa dé taa zoore de ni-ywom de yazura, se dé na chwoŋa dé seene dé yia dé taa tɔge Wɛ. 3Wɛ-lworo kom konto dwoŋi mo lamma, ye ko pwoli Wɛ wo, wolo na ye dé Vereno to. 4Wonto mo lage se nɔɔna maama na verem, se ba kwori ba taa yei o chega kam. 5Wɛ dedoa yerane mo wora. Wolo de na fɔge nabiina de Wɛ daane to de ye dedoa yerane mo. Kotu nam mo ye nabiinu Yezu Krista.#Job 16:19-21; Jɔn 14:6; Kikia 4:12 6Wonto mo sɛ o te o ma ŋwe nɔɔna maama wɛleera jene. O tege maŋa kam na maŋe se o te to, se ko taa ye maana mo ko bere Wɛ zaane dem na ye tei to. 7Konto ŋwaane mo Wɛ pɛ se a ji o totoŋa nakwe, se a taa tɔɔle o kwora a bere nɔɔna. A ŋɔɔne chega mo se ko dae vwa. Wɛ seene o toŋe-ne mo se a taa tɛ o chega kam a bere dwi-gɛ tiina balo na maŋe ba ba tɔge‑o to.
8Abam ná lage á lwoori Wɛ mɛ maama, ko maŋe se baara mo zaŋe ba ware Wɛ, ne ko ná ye baara balo na wó wane ba zeiŋi je-ŋwe wɛɛne, ye ba ba jege ban-zɔŋɔ naa ni-kantɔgɔ to. 9Amo nam ta lage se kaana de ja ba tete de ba gwaaro vɔɔm, se ba taa kɔre chaveera ba zoore gwaaro telo na maŋe-ba to. Ba ba jege se ba tiini ba kwɛ ba yuni dedɛdɛ, naa se ba fɔge ba yera dedaane nenɔŋa wonnu. Ko ná ye sabu-seŋa wonnu, naa kandwa-nyenno, naa gwaaro telo sabia na damma to, ko wo maŋe se ba tiini ba kwaane ba taa fɔge ba tete konto dwoŋi.#1 Piita 3:3-4 10Kaana nam ná lage se ba taa lamma, ba jege se ba zo keim-laaro mo, nenɛɛne ko na maŋe de kaana balo na bere we banto tɔge Wɛ to. 11Kaana jege se ba taa jei chemm mo ba cheigi balo na bere-ba Wɛ chwoŋa to, se ba daare ba taa nege-ba. 12Amo ba sɛ se kaana taa bere baara, naa ba taa jege dam ba baŋa ne. Ba jege se ba taa jei chemm mo. 13Kokuri ŋwaane, Wɛ déem na ke nabiina to, o ke Adam mo yiga ye o laam daare o ke Awa. 14Ko woli da, ko déem dae Adam mo setaana pɛ wom gane, se ko déem ye kaane wom mo o gane pa se o chɔge Wɛ ni.#Pulim 3:6 15Ko ná ye kaana, Wɛ pɛ se ba taa lore bia, ye konto mo wó pa se ba wane ba na verem. Ba ná sɛ ba yɔɔre ba tɔge Wɛ de wo-dedoa, de swono, de wo-pwoŋo, ye ba kwori ba jege ba tete, Wɛ wó jwoŋi-ba.
Currently Selected:
1 Tim 2: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
