1 Samuwel 29

Filisi tiina bam wo sɛ se ba woli David

1Filisi tiina bam déem ma la ba jar-keira bam ba ke daane, ye ba jeeri Afeka ne. Ko daare Isarele tiina bam de ma vo ba jeeri Jezerele buli-yi dem seeni. 2Filisi tiina jar-keira bam déem maa pɔɔre bi bi dedaane moro moro. Ba pwa banu bam ma gwɛ ba yiga ne ba via. David de o nɔɔna bam maa maŋe kwaga ne ba tɔge de Akisi ba de gwɛ ba via.

3Filisi jara dedɛɛra bam ma bwei ba we, “Hiburu tiina banto tɔge de debam se ba ke bɛ mo?” Akisi ma leiri-ba o we, “David de o nɔɔna bam mo konto. O déem ye Isarele tiina pɛ Sɔɔl babea mo. O nam nwoŋi Sɔɔl kwaga ne mo ye o daare o ba o me de amo. Dé na toŋe daane to, ko dwoi bene. Dɛ dem o na tu amo tei ne to se ko yi zem, a ta wo nɛ o wo-lɔŋɔ de fenfee de.”

4Filisi dedɛɛra bam bane ma zaŋe dedaane Akisi ye ba we, “Pa se nɔɔno wom jwoori o viiri! Pa o jwoori o vo teo kolo nmo na pɛ‑o se o taa zoore da to. Yé pa o tɔge debam se dé kwaare jara yam. Ta‑n yei we o wó wane o lɔ debam kwaga ne, ye o pipiri o go dé jar-keira badwonna. Konto wó pa se o de Sɔɔl jwoori ba ke daane. 5Yé swei we ko ye David wom konto taane mo Isarele tiina bam sae ye ba leeni ba seini‑o ba we:

‘Sɔɔl go o dona bam

moro de moro.

Se ko ná ye David,

wonto go o dona bam

morro fuga de fuga mo.’ ”

6Akisi ma bwoŋi David ye o ta‑o o we, “Amo dugi de ŋwea Tu Baŋa Wɛ we a seene a jege n chega mo. Ko zege nmo na tu n me dedaane amo to se ko yi zem maama, amo wo nɛ n wo-lɔŋɔ. Ko ya ná ye amo tei ne, a ya lage se n da dedaane amo mo se dé vo dé ke jara yam. Pwa babam bam nam wo pɛ‑m chega. 7Konto to, jwoori n vo sɔŋɔ chemm. Yé zaŋe n ke kolo na wó daane pwa bam to.”

8David ma leiri Akisi o we, “A ke bɛ mo a tusi? Nenɛɛne ko ná ye chega mo we n wo nɛ amo wo-lɔŋɔ de fenfee de, bɛ nam mo wó che se a yé tɔge a vo a ke jara a woli nmo wolo na ye a pɛ to, se dé di n dona bam?” 9Akisi ma jwoori o leiri o we, “Chega to, n totoŋa yam su amo yi. Amo maa nii nmo nenɛɛne a na nii Wɛ maleka tei to mo. De konto de, Filisi pwa badwonna bam nam mo ve, ye ba tɛ ba we, nmo bá‑n tɔge n vo n ke jara yanto. 10Konto to, jwa zezeŋa ne se á gwoni tega á zaŋe, nmo de nɔɔna balo maama na dɛ dede‑m ba ba amo tei to. Tega ná poore, pa se á kɔgɔ kom zaŋe á jwoori á viiri.”

11Tega na seene ka poore to, David de o nɔɔna bam ma gwoni tega ba zaŋe ba kwei Filisi teo chwoŋa ba maa jwoora. Filisi tiina bam de ma kɛ ba vo Jezerele.

Currently Selected:

1 Samuwel 29: KBG

Highlight

Copy

Compare