1 Samuwel 27

David vei o seigi Filisi tiina teo ne

1Dɛ dedwe mo David déem jeini o boŋe o tete ne o we, “Ko laam bwola se Sɔɔl ja-ne o go. A ná duri a vo a seigi Filisi tiina bam tetare ne, ko wó taa gara. A daa ná tera Isarele tiina teo kom maama ne, Sɔɔl wó beeri-ne o ga. Konto maa wó pa se a lu o jeŋa ne.”

2Ko ma pa se David dedaane o nɔɔna bia yaredo yam duri ba vo Maoka bu Akisi tei ne. Wonto déem ye Gafa teo pɛ mo.#1 Samuwel 21:10 3David de o nɔɔna bam ma vo ba maŋe Akisi tei ne ba zoore Gafa teo kom ne, nɔɔno maama de o diga tiina. David kaana balei bam déem maa tɔge ba wo o tei ne: Ahinoam na nwoŋi Jezerele to, dedaane Nabale kadeim Abigali na nwoŋi Kamele to. 4Sɔɔl ma ni we David duri o vo o wo Gafa ne. O ma yage David beira kam.

5Dɛ dedwe David ma ta de Akisi o we, “Pɛ, nmo yi ná seene de su de amo totoŋa yam, se n le n teene dem wone te-balaŋa dedoa se amo de a nɔɔna bam taa zoore da. Ko dae se amo de taa tɔge a zoore n tei ne te-fɔrɔ konto wone.” 6Akisi ma sɛ ye o kwei Zikalag dento dɛ dem ne o pa David. Ko na zege kanto maŋa ne se ko yi zem maama to, Zikalag lɛɛre ko ye Judah pwa bam mo tei-ko. 7David déem ma zo Filisi tiina bam tetare ne bene dedaane chane sena.

8Maŋa kam konto ne, David de o nɔɔna bam ma yeini ba kwaare jara de Gesura tiina, de Girizi tiina, ko woli de Amaleki tiina bam. Ko zege faŋa faŋa to, teene dem konto tiina déem zoore jei sem konto ne se ko vo ko yi Sura seeni de Ejipti seeni maama mo. 9David de o nɔɔna bam ná jeeri teo kolo maama, ba yeini ba chɔge ko maama mo. Ba ma go ko nɔɔna bam, baara de kaana maama, ye ba daare ba vere ba pei sem, de ba naane dem, de ba bonɛ, dedaane ba kona yam, ko woli de ba gwaaro maama. O laam ma yeini o jwoori o vo Akisi tei. 10Akisi de ma yeini o bwei‑o o we, “Nmo zem vei teo kɔ mo n chɔge-ko ye n daare n vere ba wonnu?” David de ma yeini o leiri o we, “Dé vei Judah teo kodwoŋi kagoa kam wone mo dé vere nɔɔna bam,” naa o wae o tɛ we, “Dé vei kagoa kam seeni mɛ Jerameeli tiina na wora to mo dé vere-ba,” naa o we, “Dé vei kagoa kam seeni mɛ Keni tiina na wora to mo dé vere-ba.” 11Konto ŋwaane mo David ná jeeri teo kolo de jara, o wó kwaane o go ko nɔɔna bam maama, baara de kaana. O ma yeini o we, “A ná wo go-ba, ba wó wane ba vo Gafa ba ta ba bere Akisi amo na yeini a ke kolo maama to mo.”

Maŋa kalo maama David na tu o wo Filisi tiina tetare ne to, o déem yeini o ke konto mo. 12Se ko ná ye Akisi, wonto déem ma kwei o chega maama o pa David. O ma jeeli o we, “David na tiini o ke o chɔge o tete nɔɔna Isarele tiina bam tei to, o kikia maama laam lwoi ba momwa ne mo. Leile konto se ko taa vei wuu, o laam wó taa toŋe o pa amo mo.”

Currently Selected:

1 Samuwel 27: KBG

Highlight

Copy

Compare