1 Pwa 7

Solomon na lɔge o sɔ-fɔrɔ kom tei to

1Solomon déem kwei bena fuga-yatɔ (13) mo o ma o lɔ o tete sɔ-fɔrɔ kom o ti.#Kwor-tɛɛno 2:4 2O ma lɔ di-kamunu kolo yere na ye ‘Lebanon Goa Diga Kam’ to. Diga kam konto déem ye naba-laara finnu (50) mo dedɔrem baŋa ne. Ka kaywalem baŋa maŋem maa ye naba-laara finlei-yanu (25). Ka maa ye jatwogo de noa ni maŋem kuni fintɔ (30) wɛ-baŋa seeni. Ba déem kwei Sedare bei mo ba daŋe Sedare ywoa baŋa ne. Ywoa yam jege gene sena mo. 3Danno telo ba na mɛ ba kwoli diga kam yuu to de déem ye Sedare dɛ mo. Bei sem déem ye finna-senu (45) mo. Bei fuga-senu (15) maa zege gena maama ŋwaane. 4Takworru gene setɔ mo ba ke pa te jeeri daane kuni betɔ. 5Diga kam nia yam mo jeeri daane yatɔ yatɔ ya maŋe diga kam yiga seeni. Ni dem maama sɛ sena sem maa ma daane.

6Solomon ta ma lɔ diga kalo ba na bwoi we ‘Ywoa Diga Kam’ to. Ka dedɔrem baŋa maŋem ye naba-laara finlei-yanu (25) mo. Ka kaywalem baŋa maŋem maa ye naba-laara fuga-yanu (15). O ta ma chwi ywoa o zege o ma ke pwola o tiŋi diga kam yiga ne. O laam ma kwoli ywoa yam o ma o ji pwoŋa.

7O déem ta ma lɔ diga kadwoŋi se o paare yituŋu kom taa zege da. Ba déem bwoŋi ka yere we, ‘Taane Dim Diga Kam’. Dáane mo Solomon déem jei o di nɔɔna taane. O pɛ ba kwei Sedare da-pelwaro mo ba ma kwoli-ka, ko zege ka tega kam ne se ko yi ka yuu kom seeni.

8O ma lɔ di selo o tete na zoore to pa se nye de di sesem sem. Jeiga kam konto déem zege konkɔlɔ kodwoŋi ne ye ka wo ‘Taane Dim Diga Kam’ kwaga ne. O ta ma lɔ sɔŋɔ kodwoŋi de o pa Ejipti Pa-faro bukɔ wolo o na di o ma o ke o kaane to. Ko di sem de maa nye de di sesem sem o na lɔge to.

9Ba déem kwei kandwa-ŋona yalo ba na sare pa ya sɛ sem maama maŋe daane to mo ba lɔ sɔ-fwaaro tento maama. Ba ma kwei-ya ba lɔ di sem ko zege se biri-beiri sem ne se ko yi se nayuni tem maama. Ba déem mɛ kandwa-ŋona yam ba lɔ di sem maama, ko zege bira-kwaga kam se ko vo ko yi konkɔlɔ-kamunu kom maama mo. 10Ba mɛ kandwa-zana mo ba beiri di sem maama. Kandwa yadwonna dedɔrem ye jatwogo de noa ni maŋem kuni nana mo. Yadwonna dedɔrem de maa ye jatwogo de noa ni maŋem kuni fuga. 11Ba ta ma kwei kandwa-ŋona yalo na sare ya maŋe daane to, ko woli de Sedare dɛ ba lɔ ba daŋe biri-beira kam baŋa ne. 12Ko ná ye pɛ sɔŋɔ konkɔlɔ-kamunu kom, ba kwei kandwa-ŋona yalo ba na sare to mo ba lɔ kabira ba che-ko. Ba ma lware kandwa kuni betɔ ba daŋe da-baŋa ne, ye ba daare ba daŋe Sedare da-kwollu kandwa yam baŋa ne, ye ba lɔ konto ba di. Ko ye bedwe mo de ba na lɔge Baŋa Wɛ diga tetare konkɔlɔ kom de ko napɔrɔ kom tei to.

Wɛ diga kam yera zela

13Pɛ Solomon ma toŋe nɔɔna se ba vo Tura ba bwoŋi Huram#7:13 Huram naa Hiram se o ba. 14Huram nu déem ye kadeim mo ye o nwoŋi Nafitali dwi dem wone. O kwo maa ye Tura tu na yeini o kwei channa o gɔgere wonnu to mo. Huram tete jege swa lanyerane. O maa ye gɔgɔ kolo na wae o kwei channa o ma o ke wonnu dwi dwi to mo. O ma ba Pɛ Solomon tei ye o ke totoŋe delo maama o na kwei o pa‑o to.

15Huram déem ma mɔ channa ywoa yalei o chwi. Ya dedoa wɛ-baŋa seeni dedɔrem déem ye jatwogo de noa ni maŋem kuni fuga-nana mo. Ya yera kikilu maŋem maa ye jatwogo de noa ni maŋem kuni fuga-belei. [Ba déem mɔɔne-ya se ya taa ye wogo mo. Channa kam liliru maa ye nwe sena maŋem mo.]#Jeremia 52:21 Ywoa yalei yam déem ye bedwe mo. 16O ma kwei channa o ma o mɔ wonnu o sugili ywei maama yuu ne se te wane te teili diga kam yuu kom seeni. Kolo na sugili da to maa ye jatwogo de noa ni maŋem kuni benu wɛ-baŋa seeni ywei maama ŋwaane. 17O ma gɔgere channa kam o lɛɛne daane ne chegero tei ye o kwei-ka o lei ywoa yalei wo-sugila yam yera ne. O ke konto mo kuni berepɛ wo-sugila yalei yam maama yera ne. 18O ta ma kwei channa kam o gɔgere Pomegara nyenyero o ke gene selei wo-sugila yalei yam yera ne. 19O ke wo-sugila yam pa se ya nye de kantɔgela na ye tei to mo. Ya wɛ-baŋa maŋem maa ye jatwogo de noa ni maŋem kuni bena. 20Ywei maama yuu maa jege wo-gigilu na wo chegero nyenyero tem teiŋa ne to. Wo-sugili dem daŋe ko baŋa ne mo, ye Pomegara nyenyero bia yalei tigisi te kaare-de gene selei.

21Huram ma kwei ywoa yam o chwi Wɛ diga kam napɔrɔ kom ni ne. O déem ma pa ba bwoi ywei delo na zege ni dem jazem seeni to we, ‘Jakim’. Delo maa na wo jagwia seeni to maa ye ‘Bowaza’. 22Wo-sugila yam maa wo ywoa yam yuni ne, ye ya nye de kantɔgela na ye tei to. Konto ma guri ywoa yam totoŋa.

23Huram laam ma kwei channa o mɔ ware-zon-zɔŋɔ ye o bwoŋi ko yere we, ‘Naneo kom’. Ko na zege ni dedoa se ko vo ni dedwoŋi to ye jatwogo de noa ni maŋem kuni fuga mo. Ka wɛ-baŋa maŋem maa ye jatwogo de noa ni kuni benu. N ná kwei ŋona n maŋe-ka gigilu baŋa ne, ko ye jatwogo de noa ni kuni fintɔ mo ko kaare. 24Ba ma kwei channa ba gɔgere wonnu na nye de kunkwollu to ba ke zon-zɔŋɔ kom nia yam seeni ba kaare-ka gene selei. Jatwogo de noa ni maŋem maama jege kunkwollu fuga mo. Ba déem mɔɔne zon-zɔŋɔ kom de ko kunkwollu nyenyero tem daane mo. 25O ta ma kwei channa o mɔ nabɛ fuga-selei pa se ware-zon-zɔŋɔ kom daŋe se baŋa ne. Nabɛ sem maama ma kwei se kwɛ se pa daane mo. Nabɛ setɔ déem jeeri baŋa seeni mo. Se setɔ de jeeri wɛ-zoore seeni. Setɔ maa jeeri tega-kuri seeni ye setɔ jeeri wɛ-puli seeni. 26Zoŋa kam déem lira se ko maŋe de da-yiga noa maŋem mo. Ka ni dem maa nye de na-zoŋa ni na ye tei to, ye ka laam ta ka nwoŋi ne kantɔgela na ye tei to. Ka wó wane ka jwoŋi kuriwaa bia morro telei na mo.

27Huram ma kwei channa o ma o ke ware-zwe zegem torokooro fuga. Toroko maama dedɔrem maŋem ye jatwogo de noa ni kuni bena mo. Ko kaywalem baŋa maa ye jatwogo de noa ni maŋem bena. Ko wɛ-baŋa de maa ye jatwogo de noa ni maŋem betɔ. 28O na ke torokooro tem tei to mo tento: 29O kwei channa o ke woŋo na lwoni dakaa to mo o zege. O ma kwoli ka sɛ sena sem de channa. O ma mɔ nywonnu, de nabɛ, ko woli de cherubi nyenyero o yage ka sɛ sem yera ne, ye o daare o gɔgere tio-vɔɔ nyenyero o yage nywonnu de nabɛ nyenyero tem baŋa de te kuri seeni. 30Toroko maama déem jege weela nɛ sena de se bei. Te maama ye ba mɛ channa mo ba ke-te. Torokooro tem maa jege nyea yana se ya teili na-zoŋa kam. Ba ma gɔgere tio-vɔɔ nyenyero ba ke nyea yam sɛ sem ne. 31Ba ma ke wo-zego na ye gigilu to dakaa kam baŋa seeni. Wo-gigilu kom luuna se ko maŋe de jatwogo de noa ni maŋem dedoa mo. Ko kaywalem baŋa maa ye jatwogo de noa ni maŋem dedoa de chichworo. Ba gɔgere wonnu mo ba kaare dakaa kam ni dem seeni. Ko ná ye toroko kom tete, ko sɛ sem maama mae daane mo, se se dae gigilu. 32Ko nɛ sem maa zege ko sɛ sena sem kuri ne. Se bei sem de ma meeli ko yera ne. Weela yam kaywalem maa ye jatwogo de noa ni maŋem dedoa de chichworo. 33Ba ke-ya nenɛɛne ya ye jara-keim toroko weela mo. Ba kwei channa mo ba ke bei sem, de weela yam, de ya yera wonnu tem maama. 34Ba ma meeli gwonnu tena dakaa kam sɛ sena sem yera ne se ba taa maa jaane-ka. 35Ba ma ke baŋa ba daŋe dakaa kam baŋa ne. Ka na luuna tei to maŋe de jatwogo de noa ni maŋem chichworo mo. Baŋa kam de wonnu telo na vɔge-ka to maama meeli dakaa kam yera ne mo. 36Huram ma gɔgere cherubi, de nywonnu, de konkwara o ke dakaa kam yera maama ne ko maŋe de pwola kalo maama na wora to. O ta ma gɔgere tio-vɔɔ nyenyero o kaare ka maama. 37O déem tɔge konto dwoŋi mo o ke torokooro fuga kam maama. Te maama maa mae daane ye te nye daane.

38Huram ma kwei channa o ma mɔ ware-zwe fuga se dedoa maama zege ko pa toroko dedoa. Ware-zoŋa maama déem jwoŋi garewɛ finna. Ko zege ka ni dedoa ne se ko yi dedwoŋi dem ye jatwogo de noa maŋem kuni bena. 39O ma kwei torokooro tem tenu o zege Wɛ diga kam tega-kuri saŋa kam seeni. O ta ma kwei tetem tenu o zege baŋa saŋa kam seeni. O ma kwei ware-zon-zɔŋɔ kom o zege Wɛ diga kam kuri saŋa kam seeni se ko maŋe de ka gugworo kolo na jeeri wɛ-puli seeni to.

40Huram ta ma mɔ zwe selo ba na wó taa mae ba pɛ tentwarem to, de sɛbullu, de na-zwe. O déem ma toŋe Baŋa Wɛ diga kam totoŋa yalo maama Pɛ Solomon na pɛ‑o to o ti. 41Ko maa ye channa ywoa yalei yam, de wo-sugila yalei yam na wo ywoa yalei yam yuu ne to, de channa kam na lɛɛne daane ka kwoli wo-sugila yam to, 42dedaane Pomegara bia yana nyenyero telo o na gɔgere o yage channa kalo na lɛɛne daane to ne. Pomegera nyenyero tem maa ye gene selei na kwoli wo-sugili dedoa maama. 43O déem ta mɔɔne torokooro fuga, de te ware-zwe fuga, 44dedaane ware-zon-zɔŋɔ dedoa, de ka kuri channa nabɛ nyenyero fuga-selei mo.

45Ko ná ye zwe selo ba na wó taa mae ba pɛ tentwarem to, de sɛbullu tem, de na-zwe sem, Huram kwei channa kalo na kwɛ to mo o ke te maama o pa Pɛ Solomon se ba taa mae ba toŋa Baŋa Wɛ diga kam totoŋa. 46Pɛ wom déem pɛ ba mɔ tento maama kamɔ-mɔra jeiga kalo na wo Jɔdan bwolo kom ne se ko maŋe de Sukofa de Zarefan tetare laŋa ne to mo. 47Solomon maŋe o wo pɛ ba maŋe channa wonnu tem konto dunni ba nii, te na tiini te daga to ŋwaane. Mo kokuri ba ta wo lɔre te dunni na mae tei to.

48Solomon déem ta pɛ ba ke Baŋa Wɛ diga kam wo zela yam maama. Ko maa ye sabu-seŋa kaanem bimbini dem, de sabu-seŋa tabolo kolo baŋa ne ba na tiŋi bworobworo na zege Wɛ yiga ne to. 49O ta pɛ ba kwei sabu-seŋa kalo na ye chekke to mo ba ke min-zwon-zegero. Te maa zege Wɛ di-yuu kom wone mɛ na ye di-yun-gala kam yiga ne to, pae tenu wo jazem seeni, ye tenu wo jagwia seeni. O ma pa ba gɔgere sabu-seŋa punnu nyenyero, ye ba kwei sabu-seŋa ba ke min-zwonnu, de wonnu telo na dwei mini dem to. 50O ma pa ba kwei sabu-seŋa na ye chekke to ba ke na-zwe, de wonnu telo na fɔge te kwɛ mini dem to, de ware-zwe, de zon-tanlɛ selo ba na ma ba zwɛ talwoŋ-ywoŋa to, dedaane min-chala zwe. O ta ma pa ba kwei sabu-seŋa ba taare Wɛ di-yun-gala kam ni-bworru tem, dedaane bworru telo na zoore Wɛ diga kam tete to.

51Ko déem dɛ konto mo ye Pɛ Solomon pɛ ba toŋe Baŋa Wɛ diga kam totoŋa maama ba ti. O laam ma ja wonnu telo maama o kwo David déem na pɔɔre o zege Wɛ ŋwaane to o ja zo ka wo. Ko maa ye lu-nyenno de sabu-seŋa wonnu tem de diga kam wo zela yam maama mo o kwei o zege Baŋa Wɛ diga kam lonne wonnu tiŋim jei sem ne.

Currently Selected:

1 Pwa 7: KBG

Highlight

Copy

Compare