1 Pwa 5

Solomon ti o yiga se o lɔ Jerusalem Wɛ diga kam

1Tura teo pɛ Hiram déem nigi we ba tiŋi Solomon mo se o leiri o kwo David yuu ne o ji Isarele teo pɛ. O ma toŋe o tontoŋena se ba vo Solomon tei ba ke o yu-ywoŋo lei, Hiram ni déem na ywomma de David to ŋwaane.#2 Samuwel 5:11 2Solomon de ma toŋe kwora kanto o pa Hiram ye o we:

3“Nmo maŋe n yei we a kwo David ya lage se o lɔ Wɛ diga mo se nɔɔna taa zuli o Tu Baŋa Wɛ wom da. O dona bam nam na yeini ba kwaare jara ded‑o to, o wo nɛ chwoŋa se o ke konto, se Baŋa Wɛ ná pɛ o wane-ba o di o ti, se o ke. 4Ko nam ná ye leile konto, a Tu Baŋa Wɛ wom pɛ se dé jei de wo-zuru mo jei maama ne. Dé dona daa tera ba na wó pa lɛɛro yi debam. 5Konto ŋwaane a boŋe a ja se a lɔ Wɛ diga kam se ko pa a Tu Baŋa Wɛ yere dem na zula. Kokuri to, Baŋa Wɛ déem pwooli de a kwo David o we, ‘Ta‑n yei se n bu wolo na wó leiri n yuu ne o ji pɛ to mo lage o lɔ a diga kam se ko pa a na zula.’#1 Tigisim 17:11-12

6Konto to, toŋe n nɔɔna bam se ba vo Lebanon ba gwoni Sedare dɛ sem ba pa-ne. Amo nɔɔna bam wó gwaane de-ba ba toŋe. Nmo na lage se a ŋwe n tontoŋena bam tei maama to, amo wó ŋwe-ba. Nmo yei we nɔɔn-nɔɔno tera debam tei ne o na yei dɛ gwonim se ko yi abam balo na nwoŋi Sidon seeni to.”

7Pɛ Hiram na nigi Solomon kwora kam to o wo ma tiini ko pwoli, ye o ta o we, “Zem dɛ dem ne a ke Baŋa Wɛ lei de o na pɛ David jege bu wolo na ye swa tu to, se wonto leiri o yuu ne o taa tei Isarele na ye te-fɔrɔ to.” 8Hiram ma toŋe kwora kanto o pa Solomon ye o we:

“A jwoŋi nmo kwora kam. A nam wó ke tei maama n na taga to. Amo wó pa ba gwoni Sedare teeni de tei-ŋonno tedwonna#5:8, 10 tei-ŋonno tedwonna = Pine, Cypress da-kwollu ba pa‑m. 9Amo nɔɔna bam wó ja dɛ sem ba zege Lebanon zwonnu tem yuu ne ba tu ba vo Mediterania naneo kom ni. Ba maa wó vɔ-se ba ke daane se se puki na bam baŋa ne, ye ba daare ba dɔge se baŋa ne ba ja ba yi mɛ maama nmo na laga to. A nɔɔna maa wó bwoli-se, se nmo nɔɔna bam laam ja-se ba kɛ. Nmo nam wó woli-ne de wodiiru se a sɔŋɔ kom taa di.”

10Hiram déem ma seene o pa Solomon Sedare teeni de tei-ŋonno tedwonna da-kwollu telo maama o na laga to. 11Bene maama wone Solomon de ma pa Hiram chaara ywollu morro fuseredo (60,000) de Olivi nuga kuriwaa bia morro finlei (20,000) se o sɔŋɔ tiina bam taa di.

12 Baŋa Wɛ déem seene o pa Solomon jege swa ne o na pwooli we o wó ke tei to mo. Hiram de Solomon ma di badwoŋo da-tei ne. Ba ma fɔge ba gwoni ni se ba yé lɔ da-kwaga ne.

13Pɛ Solomon déem kuri baara morro fintɔ (30,000) mo na nwoŋi Isarele jei maama ne. O ma fe-ba se ba taa gwoni dɛ ba pa‑o. 14O ma pa se Adoniram nii tontoŋena bam konto baŋa ne. O nam ya pɔɔre kɔgɔ kom kuni betɔ mo ye popɔra maama jege baara morro fuga (10,000). Popɔra dedoa maama ke chana dedoa mo Lebanon ne ye ba jwoori sɔŋɔ ba sii chane selei. 15Solomon déem ta kuri baara morro funɔnɔ (80,000) mo se ba vo Isarele zwonnu laŋa kam se ba lɔ kandwa-zana peero jei sem ne. O ma daare o le baara morro fuserepɛ (70,000) se ba taa zeŋe kandwa yam. 16O ta ma kuri baara morro tetɔ de bia yatɔ (3,300) se banto taa nii tontoŋena bam de ba totoŋ-dɛɛra yam baŋa ne. 17O déem pɛ se ba yare kandwa yalo na dana ye ya ye kamuna to peo yera ne mo se ba ma ba tiŋi Wɛ diga kam kuri. 18Solomon dedaane Hiram tontoŋena bam, ko woli de Gebale#5:18 Gebale = Byblos tiina badwonna mo ke daane ba gwoni dɛ sem ba daare ba lɔ kandwa yam, ye ba daare ba fɔge ba kwɛ-ya se ba ma ba lɔ Wɛ diga kam.

Currently Selected:

1 Pwa 5: KBG

Highlight

Copy

Compare