1 Jɔn 1

Ŋwea Botara

1Debam popone tɔnɔ konto se dé pa á lɔre wolo na maŋe o wora boboa ne to. Debam nam seene dé ni o kwora mo, ye dé kwori dé na o yibia. Dé fɔge dé nii‑o ye dé tiini dé me ded‑o. Ko ye ŋwea botara taane mo dé lage dé ta.#Jɔn 1:1 2Ŋwea kam konto nam tu ka ba ka nae de yia. Dé ma na-ka, ye dé lage dé maŋe ka na ye tei to dé bere abam. Wɛ ŋwe-doŋa kalo na ba ti to taane mo dé lage dé ta. Ŋwea kam konto ya wo debam Kwo Wɛ tei ne mo, ye o laam pa se dé ba dé lɔre-ka. 3Dé na nɛ kolo ye dé kwori dé ni to mo dé lage dé ta dé bere abam, se ko pa abam wane á me de debam. Debam nam me de dé Kwo Wɛ de o Bu Yezu Krista.

4Dé popone wonnu tem konto dé bere abam, se ko pa dé tiini dé di ywoni abam ŋwaane.

Baŋa Wɛ ye pwooni tu

5Kwora kam dé na nigi Wɛ Bu Yezu ni ne ye dé lage dé ta dé bere abam to mo tento: Baŋa Wɛ ye pwooni yerane mo, ye lim tera o wone de fenfee de. 6Dé ná tɛ dé we, dé me ded‑o, ye dé ta ná wo lim wone dé beera, ko bere we dé fɔ vwa mo, ye dé kikia ba tɔge chega chwoŋa kam. 7Ko daare dé ná jege dé ŋwea dé wo pwooni wone, ne Wɛ na wo pwooni wone tei to, konto wó pa debam maama me daane, ye Wɛ wó saare dé wɛleera maama o Bu Yezu toone jana bam ŋwaane.

8Dé nam ná tɛ dé we, dé ba jege wɛleera, dé gane dé tete, ye chega tera dé tei ne. 9Dé nam ná sɛ dé ŋɔɔne dé wɛleera yam dé bere Wɛ ye dé chuli-ya, o laam wó yage-ya o ma chɛ debam, ye o daare o saare dé tusim kikia maama, o na zege o chega wone ye o ba kwane o ni to ŋwaane. 10Ko daare, dé ná tɛ dé we, dé wo ke wɛleere, dé pae se Wɛ mo ye vwa-nyem. Ko bere we dé seene dé wo jwoŋi o ni taane dem dé ke dé boboŋa ne.#2 Tigisim 6:36-39

Currently Selected:

1 Jɔn 1: KBG

Highlight

Copy

Compare