Popular Bible Verses from 1 Jɔn 1

Share

Dé nam ná sɛ dé ŋɔɔne dé wɛleera yam dé bere Wɛ ye dé chuli-ya, o laam wó yage-ya o ma chɛ debam, ye o daare o saare dé tusim kikia maama, o na zege o chega wone ye o ba kwane o ni to ŋwaane.

Ko daare dé ná jege dé ŋwea dé wo pwooni wone, ne Wɛ na wo pwooni wone tei to, konto wó pa debam maama me daane, ye Wɛ wó saare dé wɛleera maama o Bu Yezu toone jana bam ŋwaane.

Dé nam ná tɛ dé we, dé ba jege wɛleera, dé gane dé tete, ye chega tera dé tei ne.

Kwora kam dé na nigi Wɛ Bu Yezu ni ne ye dé lage dé ta dé bere abam to mo tento: Baŋa Wɛ ye pwooni yerane mo, ye lim tera o wone de fenfee de. Dé ná tɛ dé we, dé me ded‑o, ye dé ta ná wo lim wone dé beera, ko bere we dé fɔ vwa mo, ye dé kikia ba tɔge chega chwoŋa kam.

Ko daare, dé ná tɛ dé we, dé wo ke wɛleere, dé pae se Wɛ mo ye vwa-nyem. Ko bere we dé seene dé wo jwoŋi o ni taane dem dé ke dé boboŋa ne.