Roma 10
10
1Doora kera, si do na ruruuku e thathamia ma si do nau ku gania ana foa la atha God uria Isirela neri, na keki faamarukida. 2Sulaania nau ku faamamanea si do nau ku thaitoomana sulida, seemabea ifatha God ni isada, ma sulia manata lea la e ai. 3Sulaania uria na kera dora ania maalutana kokoto la tha God, ma kera thathamii faaṉadoa kokoto lada i talaada, kesi roo sulia kokoto la tha God. 4Sulaania tha Christ gwauna ṉa lo ana kokoto la fani tei na kai fitoo. 5Uria na tha Mosesi e kekeda sulia kokoto la na ni ana ṉa lo, ka sorea wane na kai ilia si do eki kai maruki inunufana. 6Kokoto la eri molo na ni ana fitooa kai sorea, Osi sorea i ruruumu, Ni tei na kai tae uri thalo? (fasi keka sifo fafia tha Christ neri:) 7Mado, Ni tei na kai sifo uria kilukwasi? (fasi kai tae fafia tha Christ faisia toa mae ki neri.) 8Sui si ta na kai sorea? Si baea ni karafi oe, i fokomu, ma i la ruruumu: si baea ana fitooa neri, na mili ṉata sulia: 9Sulaania mado soki faamamanea tha Jesus ana fokomu na nia Lord, ma oki fitoo ana ruruumu na tha God e tatae nia faisia toa mae ki, keki faamaruki oe: 10Uria imole kai fitoo ana ruruuna kai fulatoona kokoto la; kai faamamanea ana fokona kai fulatoona marukia. 11Sulaania kekeda la abu eri e sorea, Ni tei bana na kai fitoona, kesi faaseenoni ani nia. 12Sulaania ṉa Ju e ai si eeta faisia wane i Girisi: uria tee Lord eri boo ne inoto ani kera sui, ka rikii do ifana toa eki sui boo na keki ’ai thatana: 13Sulaania, Ni tei bana na kai ’ai thatana tha Lord keki faamaruki nia. 14Sui nifana ade lana fasi keki ’ai thatana ni nia ne ai kesi fitoona? ma nifana ade lana fasi keki fitoona ni nia ne ai kesi roṉoa? ma nifana ade lana fasi keki roṉoa si maṉa ne ai ta wane ni ṉata la sulia? 15Ma nifana ade lana fasi keki ṉata suli nia si maṉa na kesi arasida uria? ’uria si do na kera keda, Riki lana aaeda e lea asia, toa eki na kera ṉata sulia si faaroṉoa lea ana enenoa ma kere ṉalia mai si faaroṉoa lea sulia si do lea ki!
16Ma toa ni sui bana e ai na kera thathamii roṉoa si faaroṉoa lea eri. Sulaania tha Aisaia e sorea, Lord, ni tei ne fitoona si do na mili ṉata sulia? 17Mania fitooa kai lae mai ana roṉo la, ma roṉo la ana bae ana tha God. 18Ma nau ku sorea, Kesi roṉoa? Iu, mamana,
Liṉana ṉata lada e tatha i fanua nei iano ni sui bana,
Ma bae lada uria si kula ne tau asia ki i fanua nei iano.
19Ma nau ku sorea, Isirela kesi thaitoomana? Tha Mosesi e sorea totonao,
Nau kwai faaelu kamulua ana toa na tonee do, ana lalakwatai lana toa eeta keki ṉalia si do ki faisi kamulua,
Ana toa ne ai si manata kwai faarakeiri kamulua.
20Ma tha Aisaia e seeraa faamau, ka sorea,
Toa ne ai kesi rofe uri nau kera fulatooku;
Ku to fatai isana toa ne ai kesi soetooku asi do ki.
21Ma sulia Isirela e sorea, Ku tetekwasia ro aba nau ki fanua ka rodo isana toa na kera ade faisia ṉata laku ma kera oli susuu.
Currently Selected:
Roma 10: MLU1949
Highlight
Share
Compare
Copy
Want to have your highlights saved across all your devices? Sign up or sign in
British and Foreign Bible Society 1949, 1951
