Roma 11
11
1Sui ku sorea, Tha God e usutania toa nia ki faisi nia? Si do ka ai neri. Uria ni nau wane Isirela lau boo, ana kwalafa tha Aberahamo, ana kulee toa tha Benijamini. 2Tha God e ai si usutania toa nia ki ne thaitoomada totonao. Musi thaitoomana si do ba na kekeda la abu eri e sorea sulia tha Elaeja? ne lae isatha God, ka alaṉia Isirela, ka una eri, 3Lord, kera thauṉia porofeta oe ki, kera ogea fulii era ni foa la oe ki: ma tee nau bana ku to, ma kera rofe uria thauṉi laku la. 4Ma si ta na tha God e soree isana ana luu lana mai? Fiu tooni wane to u isaku, toa na kesi boururu isatha Beala. 5Sui alafana asi maṉa eri lau boo ṉadee toa ni u isana sulia fili la eri ana lea la. 6Ma mada sa si do ana lea la neri, do ana si ra ki e ai lau: uria mada se filida maana si ra ki, lea la eri na ṉa lea la mamana e ai bana: ma mada sa si do asi ra ki neri, do ana lea la e ai lau: uria mada se filida ana lea la, ra eki ṉa ra mamana ki e ai bana. 7Si ta ni lau? Si do Isirela e rofe uria, e ai si fulatoona; toa eki ne filida kera fulatoona boo, ma kera faarorodoa maana oroṉana toa: 8’Uria si do na kera keda, Tha God e falea si lio ana moosu la ifada, maada na kesi lio ania, ma aliṉada na kesi roṉo ania, ka fula afa boṉi eri. 9Ma tha Defeta ka sorea,
Tatafe ni faṉa la kera kai ’uria aikwai ifada, ma ausigi,
Ma do na keki taofai kera ania, ma kwae la:
10Keki faarorodoa maana toa eki, fasi e ai kesi rikia fanua,
Ma oki adea sulida kai lolosi ṉado.
11Sui nau ku sorea, Kera taofai kera na ba fasi keka asi kera? Si do ka ai neri: ma uria asi la eri na kera asi kera ania marukia e fula mai ifana Jenetaele ki, fasi keki faaelu kera ana lalakwatai lana toa eeta keki ṉalia si do ki faisi kera. 12Ma sui mada sa asi la eri na kera asi kera ania na ṉa do ifana inotoa toa na fanua nei iano, ma si do na kera ṉalia faisida na ṉa do ifana inotoa Jenetaele ki; inotoa kera na toto keki fuṉu ania e kwaiadomi si tatha?
13Uria nau ku ṉata isani kamulua Jenetaele ki. Sulaania nau aposela Jenetaele ki, nau ku fare baita ana ra nau: 14Sa mado e ai kwa faaelua ina laku kera ana lalakwatai lana toa eeta keki ṉalia si do ki faisi kera, ma kwa faamarukia ta toa iada. 15Sulaania mada sa lalakwatai la eri na kera lalakwatai kera ania na ṉa do ifana alu lana toa na fanua nei iano keka kwaimani lau bia tha God, ṉa ta ni ana thathagoni lada la keki lae lau mai? Ta na sa do eri na ṉa to ni marukia la faisia toa mae ki, mado? 16Uria mada sa foee do totonao e abu, kumu eri sui boo e abu lau boo: ma mada sa lalii do e abu, tharee ’ai ki e abu lau boo. 17Ma mada sa kera oea tei tharee ’ai ana ’ai eri, ma ni oe, no olife kwasi, kera raofai oe oki ni ana ’ai eri i maalutada, mo ṉalia ofu bi kera ta si ana lalii olife ma sula; 18Osi faabaita oe fafia tharee ’ai eki: ma mada sa oko faabaita oe neri, oe no faaṉadoa lalii do eri e ai, lalii do eri ne faaṉado oe. 19Sui oki sorea, Kera oea tei tharee ’ai ka ai naa, fasi keki raofai nau kwai ni ana ’ai eri. 20Do mamana neri; sulia fitala lada na kera oeda, mo takwe sulia fitooa oe. Osi fare baita ani oe i talaamu, oki mau: 21Sulaania mada sa tha God e ai si suusia taa la faisia tharee ’ai eki na do ana ’ai eri i talaana, sa ka suusia taa la faisi oe ka ai lau boo. 22Mania oki rikia fasi lea la tha God ma susuala la nia: uria tharee ’ai eki na kera asi kera, susuala la; ma uri oe, lea la, mada sa oki to ṉado ana lea la nia: mada sa osi to ṉado una eri keki kwaemusi oe lau boo. 23Ma ni kera lau boo, mada sa kesi to ṉado ana fitala la kera, keki raofai kera keki ni ana ’ai eri: uria na tha God e sukwai fasi kai raofai kera lau ania. 24Sulaania mada sa kera kwaemusi oe faisia ’ai na marukia nia na ṉa marukia olife kwasi, ma kera raofai oe oki ni ana olife lea ana marukia ne eeta lau: e ai si kwaiakaori ka tatha keki raofai nia do eki, na marukia kera e ai si eeta faisia, keki to ana olife kera italaada?
25Sulaania ku lalakwa, doora kera, na muki dora ania maalutana si do eri ne toto thaufuni, ada manatamulua ka sorea na liomulua ka too i talaamulua, si do eri neri, kera faarorodoa maana tee bali toa ana Isirela, maakwalia si maṉa na inotoa Jenetaele ki kai fuṉu; 26Ma sui keki faamarukia Isirela ka sui boo: ’uria si do na kera keda,
Wane ni Kwaifamaruki kai ita mai i Saeono;
Nia kai bulasia si lio ni fare faekwa la atha God ka ai naa faisia Jekofo:
27Ma alaofua na nau kwai kania bida neri,
Si maṉa kwai ṉalia abula taa la kera ki ka ai faisida.
28Sulia si faaroṉoa lea, kera maalimae ki uri kamulua: sulia fili la eri molo, kera liothau anida uria maka ba inao ki. 29Uria tha God ka ai si akeletania manatana faisia si do ne tona faledaki ma aili la ne ailia mana imole. 30Uria talafani kamulua dini mai inao musi fitoona tha God, ma sui si maṉa eri mulu fulatoona tatakomia uria fitala lada, 31Alafani kera lau boo keki fitala si maṉa eri, fasi ana tatakomia eri na kera tatakomi kamulua ania, toa eki keki fulatoona lau boo tatakomia. 32Sulaania tha God e fono faisi kera sui ana fitala la fasi kai tatakomi kulu sui boo.
33Sifo ladoa lana inotoa ma liotooa ma thaitoomana la tha God bonaa e baita ka tatha! kesi talaana rofe la maalutana si do nia sorea na kai uria imole, ma lae lana sulia tala nia ki sule lana e afetai! 34Sulaania ni tei ne thaitoomana si do ni manatana tha Lord? mado ni tei ne faaroṉo nia asi do ne lea kai ilia? 35Mado ni tei ne fale totonao ifana, fasi keki duua ifana? 36Uria si do ki sui bana ita mai ani nia, ma ka uri nia, ma ani nia. Keki fare inoto ani nia toto si sui. Emeni.
Currently Selected:
Roma 11: MLU1949
Highlight
Share
Compare
Copy
Want to have your highlights saved across all your devices? Sign up or sign in
British and Foreign Bible Society 1949, 1951
