Mako 9
9
1Ma nia ka soree isada, Mamana ku soree isamulua, Tei wane keki to bada ana toa na keki takwe kunei, ne ai dodoloa keki thaitoomana maea, keki rikia tooa tha God kai fula mai ana sukwaia, sui keka bii mae.
2Ma buriana ona fa boṉi tha Jesus e talaia tha Pita, ma tha Jemesi, ma tha Jone bi nia, ka talaida tee kera uria tee gwa tolo ne fane da ia: ma nia seena ka tatala isada: 3Ma tooni nia ki ka iriroa, ma ka kwakwaoa lea asia; ma wane ni faakwakwao lana maku i fanua nei iano sa ka faakwakwaoa kai ’uria e ai. 4Ma tha Elaeja ma tha Mosesi keko fula fatai isada: keko ṉata ada bia tha Jesus. 5Ma tha Pita e luua, ka soree isatha Jesus, Wane ni kwaifamanatai ae, e lea iakulua kuki to kunei: ma miki kasia ulu ooba; ta do ifamu, ta do ifatha Mosesi, ma ta do ifatha Elaeja. 6Sulaania nia dora ania si do na kai sorea; uria na kera mau faamau asia. 7Ma si datha e lae mai ka nunufida: ma liṉana si ṉata la e too mai la datha eri ka lae mai, ka una eri, Kaluwane liliothaua nau funia: muki roṉoa ṉata lana. 8Ma si maṉa eri u boo keka lio kakali, e ai kesi rikia lau ta wane, tee tha Jesus boo kai to isada.
9Ma si maṉa na keki sifo faisia gwa tolo eri, nia ka ṉata fifi isada kesi uunu sulia si do na kera rikidaki isata wane, maasia si maṉa na Kaluwane imole kai tatae faisia toa mae ki, keka bii faaroṉo ania. 10Ma kera alua si ṉata eri kai to i manatada, keki ṉata kwailiu uri kera sulia si ta na ṉa tatae la faisia toa mae ki kai tarifula ania. 11Ma keka soetoona, keka una eri, Uria ta na wane ni kekeda ki keki sorea tha Elaeja kai fula totonao e ai si ei boo? 12Ma nia luuda, ka faaroṉo kera, Tha Elaeja kai fula mamana boo totonao, kai alu lea lau asi do ki sui bana: ma nifana ade lana kera kekeda sulia Kaluwane imole, nia kai to ana taa la oro ki e ai si ei boo ma keka fare faekwa ania? 13Ma nau ku soree isamulua, Tha Elaeja e fula sui naa, bia kera ilia atona bana si do na manatade toea ani nia, ka ’uria si do ba ki na kera keda suli nia.
14Ma si maṉa ne fula isana toa nia ne toleda, nia rikia malului wane baita e figu kali kera, ma wane ni kekeda ki keki oli susuu bida. 15Ma si maṉa eri u boo na malului wane eri sui boo kera riki nia, keka kwele faamau asia, kera fita isan keka aratai nia. 16Ma nia ka soetoona toa ni kekeda ki, Si ta na muki oli susuu fafia bida? 17Ma tee wane ana malului wane eki e luua, ka sorea, Wane ni kwaita manatai ae, nau ku talaia mai kaluwane nau isamu, na spirit fokone ato ni ani nia; 18Ma ifei bana do eri kai thauṉi nia iei, kei logetai nia: ma nia kai botofufuru, ma kai didilifo, ma kai sio: ma nau ku soree isana toa oe noki toleda sa keka arasia spirit eri; ma keka dora ana ili lana. 19Nia luuda, ka sorea, Kamulua unii wane na musi fitoo, ta fita fa boṉi lau kwai to isamulua? ta fita fa boṉi lau kwai doanita iamulua? talaia mai isaku. 20Ma kera talaia mai isana: ma maṉa e riki nia, si maṉa eri u boo spirit eri ka logetai nia faamau wela eri; ma nia aru i theegano, ka ladalada, ka botofufuru. 21Ma nia ka soetoona maka nia, Do nei thauṉia u iaṉita? Ma nia ka sorea. Ita u boo i faekwa lana. 22Ma si maṉa oro ki bana e u ania i la era ma i la kafo ki, fasi ka thaumaelia: mado so talaana ili lana ta si do, oko tatakomi kamarea, ma oko adomi kamarea. 23Tha Jesus e soree isana, Mada sa ku talaana! Kera talaana ili lana si do ki sui bana ifana wane na kai fitoo. 24Ma si maṉa eri u boo maka wela eri ka ’ai, ka sorea ana kafona maana, Lord, ku fitoo boo; oko adomi nau mai fafia fitala laku. 25Si maṉa na tha Jesus e rikia malului wane kera fita, keka figu, nia ka sorea spirit taa eri, ka una eri isana, Oe spirit fokomu e ato ma aliṉamu ka bani, ni nau ku ṉata fifi isamu, oko kotho i maa faisia, ma osi to lau ani nia. 26Ma nia ’ai faamau, ma ka logetai faamau ania; sui ka kotho i maa faisia: ma nia kai ’uria ta wane mae; adedea toa oro keka sorea, Nia mae naa. 27Ma tha Jesus e rau i abana, ka tataea ia; ma nia ka tatae. 28Ma si maṉa nia e fula i biu, toa nia ne toleda, si maṉa na tee kera, keka soetoona, Uria ta na misi talaana arasi lana? 29Ma nia ka soree isada, Si do una eri so ka lae ana ta si do e ai, ana talitoona foa la ma abu la ana faṉa.
30Ma kera lae faisia fanua eri, keka tatha i Galili; ma nia lalakwa sa ta wane kai thaitoomana. 31Uria ne kwaifamanatai isana toa nia ne toleda, ka soree isada, Kaluwane imole kera falea naa i abana imole ki, ma toto keki thauṉi nia; ma iburiana kera thauṉi nia, nia kai tatae ana ula fa boni. 32Ma kera kesi thaitoomana si ṉata eri, ma keka mau ana soetoona lana.
33Ma nia fula i Kapaneama: ma si maṉa nia ka to i la biu nia ka soetooda, Si ta na ba mulu oli susuu fafia sula tale? 34Ma keka bona bada: uria na kera oli susuu sula tale, ni tei iada ne baita ka tatha. 35Ma nia ono, ka ailia akwala ma ro nonii wane eki; ma ka soree isada, Mada sa ta wane thathamia kai tatha inao, nia kai aru buri bonaa, ma nia wane ni ra ana toa eki sui bana. 36Ma nia ṉalia tee wela faekwa, ka alua i maalutada: ma nia olia, ka soree isada, 37Ni tei bana na kai thathagonia ana thataku tee wela faekwa ne unei, kai thathagoni nau: ma ni tei bana na kai thathagoni nau, e ai si thathagoni nau, kai thathagoni nia ne arasi nau mai.
38Ma tha Jone e luua, ka sorea, Wane ni Kwaifamanatai ae, kamilia mili rikia tee wane kai arasia spirit taa ki ana thatamu, me ai si lae buriamilia: ma mika lufia, uria ne ai si lae buriamilia. 39Ma tha Jesus ka sorea, Musi lufia: uria wane na kai ilia ra baita ana thataku, sa ka mala ṉata taa seeku e ai. 40Uria wane ne ai si firu bi kulu kai adomi kulu. 41Uria ni tei bana na kai falea ta titiui kafo iamulua muki kuufia, ana thataku, uria na kamulua do ṉa Christ, mamana ku soree isamulua, sa kwaiara nia ka ai e ai. 42Ma ni tei bana na kai faataofai nia tee wela ana wela faekwa nei ki na keki fitooku, lea ka tatha ana wane eri keka tarufai nia gwa fau baita ni maga lana uiti i luana, ma keka naṉa ania i la amali. 43Ma mada sa abamu kai faataofai oe, oki kwaia: do e lea iamu oki fulatoona marukia fafia aba mu, e ai si lea na amua ta ro aba ma oki lae uri hell, i la era na kesi talaana kwaemaeli lana; 44Si kula na wa kera e ai si mae, ma era eri kesi kwaemaelia. 45Ma mada sa aaemu kai faataofai oe, oki kwaia: do e lea iamu oki fulatoona marukia fafia ae kodo, e ai si lea na amua ta ro ae ma keki u ani oe i la hell, i la eri na kesi talaana kwaemaeli lana 46Si kula na wa kera e ai si mae, ma era eri kesi kwaemaelia. 47Ma mada sa tee bali maa oe kai faataofai oe, oki lafua: do e lea iamu oki fulatoona tooa tha God fafia ta tee maa, e ai si lea na amua ta ro maa ma keki u ani oe i la era i hell; 48Si kula na wa kera e ai si mae, ma era eri kesi kwaemaelia. 49Uria na keki faaamalila toa ni sui ana era, ma do ni foa ki sui bana keki faaamalila asi solita. 50Solita e lea: ma sui mada sa solita eri e ai si amalila naa, si ta na muki alua iei fasi kai amalila? Solita kai to ani kamulua, ma muki to kwaimani bamulua.
Currently Selected:
Mako 9: MLU1949
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1949, 1951
