Ta̤htû̌sò̌ǐ 111
111
Htû̌sò̌ǐ Cǒmara tûjûpwa̤ ata̤ma̤wǒ
1Htû̌sò̌ǐ Cǒmara tûjûpwa̤.
Bǎ kòyòcǒkòyòtè̤ ta kòyòprṳ̂ho subusabahtu nû̌û akhanu, he glè hî̌bwǐhî̌sîrîhtò̌ Cǒmara tûjûpwa̤ ta hesò̌phlǒ samabò.
2Cǒmara tûjûpwa̤ ma̤ta̤nu acǒklî̌kî̌ya mè̤mè̤̌.
Kòyò htě asò̌phlǒǒ ta̤ma̤ cǒklî̌kî̌ya toǒnu, a kè̌lǎsî̌ya lǒkho.
3Ata̤ma̤ toǒnu, a lǒbe ta ta̤sîrîdû̌sîrîhtû, ta̤sîrîpo̤phǎ.
Ata̤cǒta̤tè̤ toǒnu a gutṳjòpe tò̤.
4A noto̤ǐ kò ta ata̤ma̤cǒklî̌kî̌ya.
Cǒmara tûjûpwa̤ mî̌ a ma̤bwǐma̤sîrî, gwèbǎǐ kòyò.
5A ǐǎǐo kòyò htě a ǐsha bè̌dubè̌na̤ nû̌ûnu.
A to̤ǐ ata̤wṳ̂dò pṳ̂̌꤮ taplǎ.
6Dě a ǐkè khlilèphû̌hǔwa̤ toǒ hǎkhû̌ ta akòyò akhû̌akhî, a dǔlṳ akòyò sîtoǒ ta ata̤ma̤ htě asîrîpo̤phǎ dû̌꤮ mè̤mè̤̌nu hǒ.
7Lǒ̤꤮ bò a ma̤ta̤ toǒnu acǒatè̤, atoabǎ.
Lǒ̤꤮ bò ata̤mǎlò̤ toǒnu, a gwa yṳnǎla̤ǐ mè̤mè̤̌.
8Ta̤mǎlò̤ htǒotoǒ mî̌ a ǒměǒgle tûjûpwa̤.
Cǒmara ǐlò̤ ata̤mǎlò̤ ta acǒatè̤, atoabǎbònu.
9Cǒmara ma̤lû̌htò̌ akòyò.
A olò̤ ata̤wṳ̂dò tûjûpwa̤.
A mî̌ Cǒmara htě acahtǐ, Cǒmara htě kò ǐsha bè̌dubè̌na̤ǐ nû̌ûmi̤nu tapwa̤.
10Ta̤ǐsha bè̌dubè̌na̤ Cǒmara tûjûpwa̤ mî̌ ta̤sî̌ta̤jò akòshî̌kòtṳ.#Yò̤̌bǎ 28:28; Pwa̤sî̌pwa̤jòphû̌ ta̤dǒnèǐ 1:7, 9:10
Lǒ̤꤮ bò kòyò htě a jûle̤phî̌yo̤ nû̌ûta̤mǎlò̤ toǒnu, a glè nî̤bǎ ta̤sî̌yaphlophǎ.
Kò glè htû̌sò̌htò̌ǐ nû̌û tûjûpwa̤.
Currently Selected:
Ta̤htû̌sò̌ǐ 111: KRC
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
