Ta̤htû̌sò̌ǐ 110
110
Cǒmara tûjûpwa̤ ta Khwǐ htě a wû̌lǎnu tapwa̤ awi̤akè̌
Khwǐdǎ̤wi̤ ata̤sò̌po̤ htû̌sò̌ǐ.
1Cǒmara tûjûpwa̤ hî̌lṳlò̤ heběcǎ ta̤adû̌ ta, “Bǎ he ma̤pè̤ bòmṳ̂sîglî pwa̤sò̌khě#110:1 Khuwè̤ nanu toǒ hǒtò̤ dě he bè̌ǒbò asî dě na khǎlǎla̤ hǒtò̤nu, hǎnòò̌lò̤ dě he cǔdemû htǒotokho.#110:1 Hǎnòò̌lò̤ dě hecǔdemû amûasǎ mî̌ pǒ htukû̌ta̤ ta he pwǐ Khwǐtapwa̤.#Matěo 22:44; Mǎ̤riko 12:36; Lǔka 20:42-43; Pwa̤nophû̌ toǒ 2:34-35; Kòrî̌tiaphû̌ awǐlǒ tabǎ 15:25; Ephè̌shiaphû̌ 1:20-22; Kòlò̌shiaphû̌ 3:1; Ebrephû̌ 1:13, 8:1, 10:12-13”
2Cǒmara tûjûpwa̤ ma̤dû̌htò̌ lè̤htò̌ nashinaga ta a ta̤shû̌ta̤sho htǒo sahtò̌ dě Yerǔshèlèwî̤nu pě.
Na pǒǐbò pwa̤sò̌khě htě aǒ te̤we̤ ta nanu pě.
3Mṳni̤ htě nahtò̌shě ta̤shěnu ti̤ni̤ akha pěnu, nakòyò toǒ ta̤sò̌yṳǒkû̌ nakò pě.
Asǒsǒta shicashi lòte̤ bǎ lṳmṳlîwosò꤮ nuhǒ, nakòyò pwa̤nějaphû̌ toǒ ǒbò dě gûla̤ pṳ̂̌꤮ tò̤glò dě a kûsǒ hǐdopo̤to̤ cahtǐ.
4Cǒmara tûjûpwa̤ bèlò̤ ayo̤ dě a hî̌khǒpe tò̤.
A hî̌ ta, “Na htû pwa̤lṳhtò̌ta̤ tûjûpwa̤ dě alò̤ta pwa̤lṳhtò̌ta̤ Malakhǐsèdè̌nu pě.”#Mǒhtûlû̌hǎhtûsa 14:18; Ebrephû̌ 5:6, 6:20, 7:17-21
5Běcǎ ta̤adû̌ ǒ dě nacǔdemû tokho.
Bǎ a sò̌phlǒdû̌nu ti̤ni̤ a ma̤htò̌pò̌htò̌shîkèbò khwǐnu toǒ pě.
6A cèrò khlilèphû̌ toǒ pě.
A bè̌ǒbebò lṳto̤ dě asîgakû pě.
A ma̤nûpò̌nûshîkèbò Khwǐ dě gadû̌galè̤kû pě.
7A o shiklo dû̌hè dě klè̌htunu toǒ pě.
A khû̌ǎshû̌sho dě a ma̤pè̤ ta̤ pě.
Currently Selected:
Ta̤htû̌sò̌ǐ 110: KRC
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
